BILAI COMPANY ( BRITISH COMPANY)CHI KRA Y NAI NENG KHA Y TANG KA KHUTEING (INVESTMENT) SA AI NAI ANG JEU AI

Bilai pri mang i tangka khuteing sa nai keungchi Burma pri theung y kra y nai neng sala y ang jeu pajau na nai satang nga nai ne. Pauhu lo kani (5) rei kha y Burma pri i kaso kapai sa nai kamkawm ka len keh hawi Bilai pri atheluatdaw ameh na pi nai Lawpuwell chi avum nai kha y salo mang y thui yb nai tangka khuteing satang ai arum u p’raw ai na nai keaungte/ chemu kamkawm lu sa nai kalen keh Dueu katha (Vice Chairman)  Dr. Maung Maung Lay my thui pi nai ne.

Parai lo si tleaung y Bilai pri mang i keaungte ti y baly kapai sa nai areng kanangchi ly kamang sa ai nai leaung sai chi hau ai nai, amtiu ai nai( Seek/ observe) ai nai tym ai na nai Bilai pri i angcheih keh Neam’chy Vawnkri siu Margareth Techshell i leu ,tau cheng naira hawi dengdai sabawm pi nai keung Mr. Parwell my thui

na nai Dr. Maung Maung Lay my thui.

“Bilai pri mang i company kalen pui chi ang jeu ai. Bank kalop hawi takhra takhra tangka khuteing sa nai keungchi py ang tym ai” na nai Dr. Maung Maung Lay my ang thui pi panawi bi nai ne.

Pri amtlau naira chi ai kangjai kangjai sa thyhm na nai pri takhrachi i ka-ym awm nai ra ai nga nai President U Thein Sein achura peang nai deung y ly pri takhra khra mang i tangka khuteing sa nai chi kun du du bo na nai Burma pri theung i satang cha tajiu nair sara my py ni i niu nai kamta ang thui pi teang nai ne.

Hunai kamta pri takhra mang i tangka khuteing sa nai chi khyh cham y tym ai nai neang neang awm nai neng kha y khri pa-rei taing i ka-ym awm nai pri takhrachi tangka khuteing sa nai chi i vui khaw parai nai reita (law/policy) kalen harei patheu pajau ai nai khri pa-rei aly len na nai kaso kapai sa nai cheng naira hawi kawi nai sara phyreichi my py adawn pasyn teang nai ne.

                                                                                                     Ref : The Farmer Myanmar,Vol.1, No.1, July 2-8, 2012

Leu tapreang nai: Sangmaleaung lengngau, KMG,Yangon