ကုလားတန်ရဲ့နှလုံးသားမကွဲစေချင်

• သြော်...ကိုယ့်မြေမှာခေတ်မှီတဲ့ ယှဉ်တွေမရှိလည်း

လှေအိုလေးတစ်စင်းနှင့် ဟိုသွားဒီလာဖို့

ဘဝကိုလွယ်ကူစေတဲ့ သဘာဝကုလားတန်

ပေါ့ပေါ့ါပါးပါး နင့်ရေလှိုင်းလေးတွေကြောင့် ကျေှးဇူးပါ။

• လောကမြေကြီးပူလာသတဲ့ ရေချိုတွေရှားလာပြီတဲ့

ကိုယ်တော့မပူဘူး ထာဝရအချိုဆုံးကုလားတန်

အခမဲ့အချိန်တိုင်း ခပ်သောက်သုံးစွဲလို့ရတယ်

နင့်ရဲ့အေးမြတဲ့ စေတနာရေခြမ်းကြောင့်

ကျေးဇူးပါ မြတ်ကုလားတန်။

• ဒီမြေမှာစားသောက်ဆိုင်ကြီးတွေ အထူးမရှိလည်း

ကုလားတန် ရေစိုဘေးက ရွက်နုတွေ

ရေချိုထဲက ငါးစိုတွေ ကမ္ဘာပြိုရင်တောင် မမေ့မယ့်

ဟင်းခွက်တွေ ရာသီစုံ ဆက်ဆက်ပေးခဲ့တဲ့

ကျေးဇူးလည်း ကြီးလှတယ် ကုလားတန်ရယ်။

• ကမ္ဘာအနှံ့ အလုပ်လက်မဲ့ဖြစ်မှုတဲ့

ဖတ်နေရတဲ့သတင်းများ ကြားနေရတဲ့ သံလှိုင်းထဲ

ကိုယ့်အတွက် လုံလောက်တဲ့အစာတွေ အလုပ်တွေပါ

ထောက်ပံ့တဲ့  နင့်ကြောင့် ကိုယ့်စိတ်အေးရတယ်။

• ကုလားတန်ရယ် ရေလိုရင်ရေ ဟင်းလိုလည်းဟင်းပေး

အလုပ်တောင်ပေးတဲ့ကျေးဇူးရှင် နင်သာငါဘဝရဲ့

အသက်သခင် အလုပ်ရှင်

နင့်အပေါ် ငါ့ဘဝရပ်တည်လို့နေရတယ် ။

• အခုတော့ကွာ ..... ကုလားတန်ရယ်..

ငါတို့ရဲ့အခြေနေ နားမလည်သူတွေရဲ့ စိတ်ကြောင့်

နင့်ကြောင့်မဆုံးတဲ့ ဝမ်းနည်းခြင်းမှတ်တမ်းတွေ

နေဝင်ချိန်ရဲ့ ကြေကွဲတဲ့ ဇတ်လမ်းထဲမှာ

ကိုယ်ငိုရမယ့် အချိန်နီးလို့ လာနေတယ်။

• ကုလားတန်ရယ် နင်ပေးခဲ့သမျှ ကျေးဇူးတွေအတွက်

နင့်ရဲ့ ဆန္ဒဘက်မှာ အမြဲရပ်တည်မှာပါ

ကိုယ်ကြားတာက အလွန်ကြီးမားတဲ့ သဘောင်္တွေရယ်

စက်လှေကြီးတွေနှင့် နင်မသိတဲ့ သူစိမ်းပေါင်းစုံ

ထောင်သောင်းချီပြီး ဖြတ်သန်းသွားလာကြမယ်တဲ့။

• ချစ်တဲ့ကုလားတန်ရယ် နင့်ရဲ့ချစ်စရာ အလှတွေ

မြတ်နိုးစရာကောင်းတဲ့ နင့်ရဲ့သဘာဝတရားတွေ

ပျက်စီးသွားမှာကိုတော့ ကိုယ်ကြောက်နေမိတယ်

လေးလွန်းတဲ့ သဘောင်္ကြီးတွေ သူစိမ်းတွေကြောင့်

နင့်ရဲ့နုနယ်တဲ့လှိုင်းတောင်ပံတွေ ကျိုးပဲ့သွားလေမလား

အက်ကွဲသွားမလား ကိုယ်အသည်းနာလှပြီ ။

• ကိုယ်လည်းနင့်လိုပါပဲ  နင်ပေးခဲ့တဲ့ရေချိုဟင်းတွေ

အခမဲ့စီးရတဲ့ လှို်င်းလေးတွေ နင်ပေးတဲ့အလုပ်တွေရယ်

နင့်အပေါ် မှီခိုတဲ့ငါ့ဘဝ ကိုယ်မျက်စိရှေ့မှာ

ရှုံးဆုံးသွားမှာ မြင်ယောင်မိတိုင်း စိတ်မချမ်းသာဘူးကွာ

ကိုယ့်ရဲ့ ဘိုးဘွားခေတ်ကတည်းက နင့်စေတနာတွေ

နင်ဖြည့်စီးပေးမှုတွေကို အမှတ်တရမျှနဲ့တော့

မကျန်ရစ်စေချင်ဘူး  ......

သမိုင်းထဲက ပုံပြင်မျှအသွင်နဲ့တော့

မထားခဲ့ချင်ပါဘူး...ချစ်တဲ့ကုလားတန်ရယ် ။

ဆလိုင်းသား (ခ) ဆလိုင်းမျိုးချစ်

(မတ်လ ၂၇ ၊ ၂၀၁၂)

(ကျောက်တော် မှ ပလက်ဝ သို့ ခရီး)