Jeaungpangtavo Pathi Nai Sai

Achi Khumi Cheng chi ly nisi mang hawi (Matupi), tawitlawi mang hawi (Rakhaing State), tosi mang hawi (Manipur State) huni lang thom rei mang hawi dengdai rei vaini Palangvum saleaung meingtym y tym nai ne nanai thui nai tla.
 Hunaibaly jangni y India Pri, Manipur State mang hawi dengdai rei tei nai phyrei nai Khumi Cheng chi ly mymy chi tei nai khala y tavopui harei y avum u bo napi. Naibaly mymy chi ly tako nai bym p’rai nai deaungkho y tavopui hawi athui katheu ai nai adawm u bo napi.
Naibaly mymy chi ly tavopui y athui ai nai kavui pan sa ai nai hu teu u i pan sa u bo napi.
 Naibaly mymy chi ly pan jeaungha hawi athui ai nai sa u i bawibawi atang ai nai khei y napi. Hunaibaly mymy chi ly pan jeaungnyh rei sa be nai khala y athui ai nai sa i bawibawi atang ai nai khei y be napi. Naibaly mymy chi ly pan jeaungthom rei sa be nai khala y athui ai nai sa i bawibawi atang ai nai khei y be napi. Hunaibaly mymy chi ly pan jeaungpalyh rei sa be nai khala y athui ai nai sa i bawibawi atang ai nai khei y be napi. Naibaly mymy chi ly pan jeaungpang rei sa be nai khala y athui ai nai sa i bawibawi atang ai nai khei bo ti napi. Naibaly mymy chi ly pan salo y bawibawi atang i pan jeaungpang hawi athui katheu u bo napi.
 Naibaly mymy chi ly mymy chi athui katheu nai tavopui y amym pathi ai nai adawm u i pan jeaungpang rei sa nai khala y athui ai nai nga nai deaungkho y “hini tavopui i amym ly Jeaungpangtavo ne sy” nanai amym pathi u bo napi. Naibaly mymy chi ly huni tavopui y Jeaungpangtavo nanai palau u bo napi. Naideaungkho y vaini achi ly “Jeaungpangtavo” nanai palau ai nai tla, “Jeaungpangtavo” nanai taji ai nai tla.
 Jangpangtavo nanai palau nai, taji nai ly atimana nai y palau nai moh, ati y thui ai nai ngai nai moh nanai kai ly pany kawp y nai ne. Kai i adawm nai ly “Jangpangtavo” nanai ly neamcho i tahensangpo pang rei y thui nai ngaw khyh nanai adawm. Ati py ne sy nang chi i pany nai “Jangpangtavo” nanai palau nai, taji nai sai hawi leu leaungsai y thui pi kyh ba.
Bawibawi y kawm p’rai ba.
Ngai p’rai nai my,
                                             Ai Eaung Mo Len/ Australia