Khumi Cha tlang tleaung y Rev. Dr. Thang Bwee i Leu Sai

 Achi khumi cha sa nai kha y alphabet katawm sa
ai nai aly len nanai ly khri parei teng nai ne. Khumi leu katheu nai
ami py ne sy cha sa nai kha y ly amy ngai ngai sa nai ly avo y len.
Nidym , Nise, Vosyh, Vokalawi mang y awm nai khumi bawi bawi chi vui a
tlum nai alphabet pacheng p’jau baly Khumi primary cha-iu chi sa
amteaung nai kha y ly a mymy leu ra-awi mang hawi y sa p’jau nai teu
bo. Hunai deaungkho y Khumi literature committee chi teng y takeng ai
ngai nai ly… khumi cha amcheng hai ai nai ngai angchi khyp nabaly
ami bawi bawi pasum thai ai nai alphabet katlum sa p’jau ai nai atho
sa u kyh nanai thui ai ngai nai ne. hini kalop ly rai ai na iy py
amcheng p’jau y nai kalop ne y leng.
Kai my kyp kyp avum nai thui ai nabaly, Kai Rangon University y lyn
nai kha y  Chin Common Literature sa ai nai Kaichi amcheng vai nai
tla. Huna kha y Tlen Kaw (Mizo) cha ai Achi Chin chi common cha kamta
la ai nai arum nai ne. Huna kha y amcheng hai thai y nai ly Chin
thiung cheng kalen chi deaungkho ne. Hakha py hakha cha, Falam py
falam cha, Tiddim py tiddim cha na u lawh i amcheng p’jau y nai ne.
Amcheng ai nai kasa kha y pipi ngai y nai ly Tiddim chi ne.( It was in
1980 and 81 in Rangon Arts and Science University)
Hunai deaungkho y vai achi khumi thiung y py.. Japang,kheaungcho,
likhyn,Khawmtu,nabaly Sami tapai leu ly ati khumi leu napi ai mo pany
y leu-pui, leu-chy napi ai mo, varu tavo mang y py Nishe napi nai awm
be rai, Samyn tavo peang y awm nai khumi chi i leu, nabaly Kaneaung,
Litung mang i kileaung  leu nanai awm mang i vai huni chily amymy chi
vui cha sa ai nai atho sa u nai chi py awm bo. Hunai kamta sa khrikhra
naira y ly Khumi cheng chi angym hai naira mang y tym hai p’jau na a?

Kawn p’rai ba. Thang Bwee.