Atho sa u hawi prai nai sai

Tameuh saho khumi amhn, angpo chi bawibawi noso hawi ai nai athang khai. kai py tameuh saho noso hawi nai my awm nai tla. Aw khumi amjo, amnau chi aw, kai ly hinai kamta adawn pi nai tla. Hawi, hawi y nanai ly nang my chi my adawn u ba. Ati moh nabyly achi khumi pri palang vum ai ly, Tanga nam nai chi py neungneung awm nai tla bo. hunai deangkho, achi khumi pri hawi nai kavui ly, nang chi tanga awm khy nai chi ly,

1. leaung ( 10 )ri, akawm kha, ( juce, koka kola, lyngmaw ham ) industri sa u khyly hawi ai.

2. Vai leaung ( 10 ) ri ly, ( kateum tui ) industri sa u khyly hawi ai.

3. Vai leaung ( 10 ) ri ly ( cho industri  ) sa u khyly hawi prai nai ne.

Hunih industri sa nai ra y so y nabyly rengon y, burma chi aju by y nai, ( Ingenia ) palau u kha sa u khyly khri hawi prai nai ne. Amchi tanga awm nai chi so y byly momang ly, achi khumi pri ami kalang chi my sa ai bo. Huna kha byly achi khumi ly ami chi anu ai awm vehveh ai bo. Atho so u jau sy, pusa, tanga awm nai chi ly akawm u ai ngai bo nanai kai ly adawn pi nai tla. Kalop sa nai chi py amy khumi chi ai khai u tla. 

Hinih ly nang chi mang dengdai ri khumi pri palang vum mang y pusa tanga awm nai chi te thu pi u khy ba. Achi khumi bawibawi akawm thai ai nai khri alylin nai neng tang bo.

 

Nai byly vai ha kai thu be ngai nai ly hinih ly khrikhri pa,ria achi khumi pri ai jie hawi prai nai ha ri awm nai tla.

1. Kolah mi chi ai ly khumi pri palang vum ai pipi khai u moh jau ba. Tonih kolah chi ai ly khaileang pri vehri ami py ngai y nai ne. Momang ly achi khumi pri ai, mymy chi i pri nanai sabe ai i, achi khumi pri ai ly mymy chi i pri nanai, politikcail ado ai i, achi khumi ly ni chi ai pajau leh ai ne y, Hunai deangkho vai kaso tonih kolah chi ai ly, ami py ( mekpowtin ) peh u moh sy ba. Kramo pri mang paryh teng u tla nai ne.

2. Achi khumi bawibawi angyhn ai ngai bo, amy khumi lev ai tamuh khai u ngai bo, khumi pri palang vum ai, amy khumi lev, hari katheu u tla bo, khumi cha, khumi lev momang khai u ngai bo.

3. khumi pri palang vum ai ( KYA ) kamkawm chi my amy khumi lev, cha ai py ne sy, mary theung ai raira saisai ri awm kha py ne sy ( KYA ) kamkawm chi my atho sa keng u tla ba.

4. Achi khumi pri ai ngai nai chi bawibawi ly chahawi hohai sa kha, chin minister te y nie u tla ba. nang chi mipui chi my nih chi te nie y byly, minister chi py sai py so pi thai y ai nai ne. ( Tavo cho chi ly biu alan i labeung ann kha, amhn, angpo ) kadeung nai ne. Amhn, angpo ly chanau chi i vo nai chi niu kha byly biu peh y nai by y nai ne. Hunai deangkho achi khumi minister awm nai py, amchi khumi chi my tamuh kha kawp y byly, nih py sai py so pi thai y ai nai ne. Mymy leang ri khumi pri kavui kalop sa thai kheng ne y nai ne. Hinih ly khri alylin nai lev sai ne ba.

 

Hinih cha ly nang chi mang dendai khumi pri palang vum mang awm nai mipui chi te tang pa,ri atho so pi khy ba. Tamang nai chi awm byly tameuh amyn hawi pahen u khy ba. Khumi pri ly areng Isu khrista mymy i phailo kachai my awm hai jo sy, nanai meikatui tla tarawi chiu sa pi jojo nai ne. khumi pri vehri angpo tameuh my khry jo sy. Kawp:rai

 

Tahm khai

Kanneth. Ai Hawi sau

Denmark