Rev.Nang Khen hawi interview

Meingtyn:GDI jeaung

Neng/Kani:6:00pm/15.7.2012

Sa keung:LT.Lyn Hawi

Deng nai        :Sara awi, amy I amyn hawi tapen nai meingtym pany ngai nai he.

Pathang nai   :Ne ,Kai I amyn ly Rev.U Nang Khen ne.Nei ngaai amyn lyU Mang Khyp Hawi Daw Cho Rawi ne.tapen nai avang ly palangvum ka-peang,Tiumavum avang y tapen nai ne.

Deng nai        : Saneng hawi yhm dengtheaung satang  aipahen parai nai my  thui pi kyh.

Pathang nai    : Kai ly Saneing(68) ri ne.Pastor nga nai ly saneing(42) awm bo.Aju ly Nawi Mawli AHei ne.Chapo leaung rei hawi chaniu leaung rei awm.
Chapo ly vai GDI ai amteaung iy lu sa nai keung ne.Amyn ly  Issac Khen(Isaka)ne.Chaniu ly Mai Si Si Lia Khen ne.Ni ly LLB hawi kjeaung pajau iy Butao mary y kjeaung sarama sa nai ne.

 Deng nai       :Amy i sa reng nai kalop chi thui pi kyh .Vai ly ati kalop sa moh.

Pathang nai    :Kai ly anglikan kamkawm y pastor sa nai ne.Sakai Division,kata.Intaw mary y 1969 y sa am chei nai ne.Hu I nai palangvum mang yTlen Thang vum,cheitawi I pastor hawi baibul kjeaung iu,hu I nai Kachin pri Muingam, hu I naiMyitkyina  ,suizei I pastor sa iy saneng 65 y anawn nai ne.

    Vail y Myintkyina y khumi cheang ai akry nai kamkawm ai kai my 2009 y  amteaung hai iysaneng rei tlen rei krismas pawi hawi fellowship sa iy van rei avum nai ne.  vai kai my lusa nai ne. Vail y kai chi teng y khumi deaung(30) rei awm bo.

 Deng nai       :Amy ly achi khumi cho chi theung y cha tajyh nai nawi keh nanai thai nai ne. Cha iu majie rei tajyh bo mo, khumi cha hawi tajyh na a?

Pathang nai    :Ne,cha iu (8) rei tajyh bo.vai ly Chin taman tajyh nai ne.Tajyh nai ly Myanmar hawi tajyh nai tla.

Deng nai        : Khumi taman tajyh ai nai ly adawn y a?Khumi cha ai ly mana niu mo?

Pathang nai    :Khumi taman tajyh y iyn py chin taman tajyh ra y akui rau ai nai ne.Kai ly khumi cha tajyh y I py khumi cha teng ,teng y nai pany nai ne.

Deng nai        :Amy ly Kachin pri y awm i huni pri y achi khumi cho chi ati mana y apyn nai mo.Amy i kadawn sai thui pi ai nai ngo na a?

Pathang nai    :Ne, huni ly achi mang y kalop sa nai tleaung y hi mang y kalop sa nai ly tangka kanawi ngai nai ne . Hunai y ne ai.Achi mang y kani kalop sa baly 700 rei  nga i hu y kani rei y di keh 3000 rei nga nai ne.

Deng nai        :Hu i khumi hawi achi mang i khumichi i takhra nai sai ly ati phrei na mo.

Pathang nai    :Achi mang i tleaung y ly hu y ly pany ra, cheing ra awm. Tangka py nga nai ne.

Deng nai        :Hu y thawndeang chi Lumai nui i dawi y tla iy la ai tla nanai thai .mana mana khai sara awi?

Pathang nai    :Achi khumi cho chi ly adawn amcheng nai di nai ry ne .

Deng nai        :Achi khumi cho chi kachin pri y jeu nai hawi a? Jeu ai nai ngai hai a?

Pathang nai    :Vai ly jeu ai nai pi pi avo y. momang y py kadawn sai by y, Vision by y baly jeu ai nai avo y leang.Ati mana mo na baly vai awm nai khumi chi py tangka awm nai di prai .pateung thai y nai ne. Amkyn y baly kano py nga pajau nai ne.Vai khumi theung i lawbeng phrie nai py leang rei awm khyh.Lawben kalen py by y nai ne. Nai khyh cham y amy i kheu y ang do nai py di parai nai ne.

Deng nai        :Hu i khumi cho chi khumi leu katheu kawp a? khumi cha tajyh kawp a?

Pathang nai    :Paleaung hawi y parai nai ne.Khumi cha py kawp y .Khumi leu py katheu u y nai ne.Hunai y vai khumi cha patiu nai chi sa nai ne.

Deng nai        : Hini KMG sa nai ly hawi a? mana niu mo?

Pathang nai    :Hawi teu.Hinai kamta atho sa pi nai kawn parai nai ne.

Deng nai        :KMG mipui chi ai taviu ai nai awm baly……………………

Pathang nai    :Kalop sa baly kalop y apei vei kha y so.Eaung ra nga ai mang.

Deng nai        :Hinai kamta paleaung kasau pathang pi nai kawn parai ba sara awi.Tameuh my py amtheaung hai sy ba.

Pathang nai    :Kai py kawn parai .KMG hini tleaung y kalop so pajau sy. Tameuh my amtheaung hai sy. AMEN.

                       (  ISU LY ARENG NE  )

                                                                                                                                        LT.LYN HAWI