လူငယ့်စွမ်းအားဖြင့် တစ်မျိူးသားလုံး စည်းလုံးညီညွတ်ရေး တည်ဆောက်ကြလေသတည်း.....။

တကယ်တမ်းတော့ ကျွန်တော်တို့ ဘိုးဘွားတွေ ချင်းမြေကိုစရောက်ကတည်းအစ ကျန်တော်တို့မျိူးဆက်အထိ ချင်းတစ်မျိူးသားလုံး စည်းလုံးညီညွတ်မှုဆိုတာ မရှိခဲ့ဖူးပါဘူး..။ ဒါပေမယ့် ကျန်တော်တို့တွေ ဘိုးဘွား၊ဘီ၊ဘင်တွေဟာ တစ်ချိန်က စည်းလုံးညီညွတ်ခဲ့ဖူးတယ် ဆိုတာကိုတော့ ငြိမ်းချမ်းပြီး ရေကြည်မြက်နုရာကို အတူတကွ  ချီတက်ရှာဖွေခဲ့ကြတယ်" ဆိုတဲ့ သမိုင်းစာမျက်နှာတွေဟာ
 သက်သေဖြစ်နေမှာပါ။ ချင်းမြေကိုစရောက်ပြီး ဘယ်နှခုနှစ်လောက်မှာ စတင်စိတ်ဝမ်းကွဲခဲ့ကြတာကိုတော့ အတိအကျပြောလို့မရပေမယ့် ချင်းမြေကိုမရောက်မှီမှာလဲ မျိူးနွယ်စု အုပ်စုလေးတွေအများကြီးရှိပြီးသား ဖြစ်နိုင်ပါတယ်။ လမ်းပန်းဆက်သွယ်ရေး ခက်ခဲမှုအခြေအနေကြောင့် စကားကွဲကုန်ကြတယ် "လို့ နှုတ်စကားရှိနေပေမယ့် နယ်မြေခွဲဝေမှု၊နေထိုင်မှုတွေကို ကြည့်လိုက်ရင် ကျွန်တော်တို့
 ချင်းအုပ်စုတွေဟာ ချင်းမြေကို စတင်အခြေမချခင်ကတည်းက မျိူးနွယ်စု အုပ်စုလေးတွေရှိတယ် ဆိုတာ သက်သေပြနေပါတယ်..။အစိကကျွန်တော် ပြောချင်တာက ကျွန်တော်တို့ ဘိုးဘွားတွေဟာ မျိူးနွယ်အုပ်စုလေးတွေ ကွဲပြားနေပေမယ့် စည်းလုံးညီညွတ်စွာ နယ်မြေသစ်ကို အတူတကွ ရှာဖွေဖို့
 မိုင်ပေါင်းများစွာခရီးကို တွဲညီလက်ညီ ချီတက်ခဲ့ကြပါတယ်(ချင်းတွင်ြး မစ်မဖြတ်မှီ အထိ -
 အရှိုမျိူးနွယ်အုပ်စုကိုဆိုလို )..။ သူတို့တွေဟာ ဘယ်လိုမျိူးနားလည်မှုနဲ့ ရပ်တည်ခဲ့ကြလဲ .. ဘယ်ဘာသာစကားနဲ့ ဆက်သွယ်စကားပြောခဲ့ကြလဲ ဆိုတာ အတိအကျ
 မသိနိုင်ပေမယ့် တစ်အုပ်စုနဲ့ တစ်အုပ်စု ဆက်သွယ်ဖို့ ဘာသာစကားတစ်ခုခုကိုတော့ အသုံးပြုကြမယ် လို့ ယုံကြည်ရပါတယ်..။

  ချင်းမြေကိုစရောက်ပြီးနောက် ကိုယ့်အုပ်စုနဲ့ကို  နေရာဒေသကို ခွဲဝေကြမှာပါ။ဒါပေမယ့် အဲဒီဒေသခွဲဝေမှုမှာ အဝေမတည့်တာ မရုင်းမလင်း ဖြစ်တာတွေများရှိနိုင်ပါတယ်( ကျန်တော်ရဲ့ ကိုယ်ပိုင်အမြင်သာ )။
 ဘာကြောင့်လဲဆိုရင် ချင်းအုပ်စုများ သမိုင်းမှာ တစ်ရွာနဲ့ တစ်ရွာ ပြင်းပြင်းထန်ထန် တိုက်ခိုက်သိမ်းယူ ကျွန်ပြုမှုတွေ တွေ့ရလို့ပါ

 (အခု ဖလမ်းမြို့နယ်ထဲမှာဆိုရင် တိုင်းစွန် မျိူးနွယ်အုပ်စုဟာ အင်းအားကြီးမားပါတယ်)..။ ဒီလို တိုက်ခိုက်သိမ်းယူမှုတွေဟာ ချင်းပြည် တစ်ပြည်လုံးမှာ ကျယ်ကျယ်ပြန့်ပြန့်ဖြစ်ပွားခဲ့ တယ် ဆိုတာ
 သမိုင်းလေ့လာသူတိုင်း သိပြီးသားဖြစ်မှာပါ..။တစ်မျိူးနွယ်ကတစ်မျိူးနွယ်ကို သိမ်းပိုက်နိုင်ရင် အသိမ်းခံ မျိူးနွယ်စုတွေဟာ စစ်နိုင်သူ မျိူးနွယ်စုတွေဆီကို စားသောက်ကုန်များ ဆက်သရပါတယ်။တစ်ခါတစ်ခါ
 ကျွန်တော်တွေးမိတယ် " ..ဒါတွေကြောင့်များ ချင်းလူမျိူးတွေ မျိူးနွယ်စုအချင်းချင်း စိတ်ဝမ်းကွဲမှု တစ်မျိူးနွယ်နဲ့ တစ်မျိူးနွယ် အယုံအကြည် ကင်းမဲ့မှုတွေ စိတ်အရင်းခံရှိနေလား " ပေါ့ကွယ်..။

  ဘယ်လိုပဲ မျိူးနွယ်စုအချင်းချင်း စိတ်ဝမ်းကွဲနေပေမယ့် နယ်ချဲ့အင်္ဂလိပ်တွေ ချင်းမြေကို ၀င်လာတဲ့အခါမှာတော့ မျိူးနွယ်စုအချင်းချင်းတိုက်ခို က်နေမှုကို ရပ်ပြီး  မိမိပိုင်နယ်မြေကို ကာကွယ်ဖို့ စည်းလုံးညီညွတ်စွာ တိုက်ခိုက်ခဲ့ကြပါတယ်။ ဒါဟာ သွေးစကားပါ။ မိမိပိုင်နယ်မြေကို ကာကွယ်ဖို့
 မျိူးနွယ်စုတိုင်း တာဝန်ရှိကြောင်း သိခဲ့ကြလို့ပါ..။ တစ်ခြားလူမျိူး အ၀င်မခံတဲ့ မျိူးချစ်စိတ်အရင်းအခံတွေကြောင့် ပါ..။ လင်မယားချင်း ပြသာနာဖြစ်ချင်ဖြစ်မယ် တစ်ခြားလူတော့ ၀င်မပါစေနဲ့ " ဆိုတဲ့ သဘောပါ။ တို့တွေဟာ တစ်အူတုံထဲဆင်း ညီရင်းအစ်ကိုတွေပါ ဆိုတဲ့ စိတ်အခံရှိကြကြောင်း
 သက်သေပြကြတာပါ..။ဒီလိုနဲ့ ဗိုလ်ချူပ်အောင်ဆန်းနဲ့အတူ ပင်လုံစာချူပ်ကြီးကို တစ်မျိူးသားလုံးကိုယ်စားပြုကို ယ်စလှယ် သုံးဦးလွှတ်ပြီး ချူပ်ဆိုနိုင်ခဲ့ပါတယ်။

  မြန်မာပြည်ကြီးလွှတ်လပ်ရေး ရပြီး ၁၉၆၂ ဗိုလ်နေ၀င်း အာဏာသိမ်းလိုက်တော့ ကျွန်တော်တို့ ချင်းတွေရဲ့ မျိူးနွယ်စုကြား ပြသာနာဟာ အသွင်တစ်မျိူး ပြောင်းလဲလာပါတယ်။ မျိူးနွယ်အုပ်စု ပြသနာမှ မြို့နယ်စု ပြသာနာ ကို ပြောင်းသွားတာပါ..။ ဒီလိုမြို့နယ်စု ပြသာနာတွေကြောင့် ပြည်နယ်တစ်ခုမှာ
 မရှိမဖြစ်လိုအပ်တဲ့ တကသိုလ် ကျောင်းကြီးကိုလဲ ဆုံးရှုံးခဲ့ရတယ်။ မျိူးနွယ်အုပ်စု ပြသာနာဟာ သေးမွှားနေပေမယ့် မြို့နယ်စု လိုက်စိတ်ဝမ်းကွဲမှု ပြသာနာဟာ အင်းအားကြီးမားလွန်းလှပါတယ်။တစ် မြို့နယ်နဲ့ တစ်မြို့နယ် ပြိုင်ဆိုင်မှုအားတွေကြောင့် နစ်နာခဲ့တဲ့ သူတွေက ကျွန်တော်တို့ရဲ့ ချင်းလူထု ၊ ချင်းရေ၊မြေ၊တော၊တောင် သဘာဝတွေပါပဲ..။အာဏာရုင် အစိုးရလက်ထဲမှာ ပြည်သူတွေ မျက်စိပိတ်၊နားပိတ် ခံရတဲ့ကြားက တစ်ချိူ့ချင်းလူကြီးတွေဟာ မြို့နယ်စုလိုက်ကွဲပြားနေမှုတွေကို အခွင့်ကောင်းယူကာ တစ်ကိုယ်တော်ကောင်းစားရေး ၀ါဒစွဲကိုင်ခဲ့ကြပါတယ်။ သတင်းအမှောင်ချမှုတွေထဲ ကျင်လည်နေတဲ့ ပြည်သူတွေမှာတော့ လူကြီးပြောသမျှ အဟုတ်ထင်ကာ ဒေသစွဲ၊ ဂိုဏ်းဂဏစွဲ ၀ါဒတွေ ပိုမိုပြင်းထန်လာခဲ့တယ်။
 အထီးကျန်နိုင်ငံတော်ကြီးတစ်ခုရဲ့  ဖွံဖြိုးမှု နည်းပါးဆုံး ပြည်နယ်မှာ နေရတဲ့ လူထုတွေမှာ" ငါသာမှန် ၊ ငါသာတော် ၊ ငါသာသိ " ဆိုတဲ့ ကျဉ်းမြောင်းတဲ့ အတွေးအခေါ်တွေ နက်နက်ရှိုင်းရှိုင်း အမြစ်တွယ်လာခဲ့ရတယ်။

  ဒီလို ကျဉ်းမြောင်းတဲ့ အယူအဆအောက်မှာ ကြီးပြင်းလာခဲ့တဲ့ လူငယ်တစ်ချိူ့ဟာ လူကြီးတွေခေတ်က ပုံစံစိတ်ဓာတ်အတိုင်း ရှိနေဆဲပါ..။ တစ်ချိူ့လူငယ်တွေဟာ လူကြီးတွေတောင် လုပ်ဖို့မကြိုးစားတဲ့အရာကို လုပ်ဖို့ မလိုအပ်ပါဘူး လို့ ယူဆနေဆဲပါ..။ တစ်ချိူ့လူငယ်တွေဟာ လူကြီးတွေတောင် မလုပ်နိုင်ဘူး ဆိုပြီး
 လက်လျှော့လိုက်ရတဲ့ အခြေအနေတွေမှာ ရှိနေဆဲပါ..။ တစ်ချိူ့လူငယ်တွေဟာ ပြုပြင်ပြောင်းလဲရေးလုပ်ရမယ် ဆိုပြီး မထင်မရှား ကြွေးကြော်နေတဲ့ သူတွေလဲ ရှိနေပြန်ပါတယ်။ လူမျိူးတစ်မျိူးရဲ့အနားဂတ်ဟာ လူငယ်တွေလက်ထဲမှာရှိတယ် လို့ ဖတ်မှတ်ဖူးတော့ ကျွန်တော်တို့ ချင်းလူမျိူးရဲ့ အနာဂတ်ကို
 တွေးကြည့်ရင်း ရင်ထုမနာ ဖြစ်ခဲ့ရပါတယ်။ စိတ်ပျက်စရာ အကောင်းဆုံးက တစ်ချိူ့ချင်းလူမျိူးတွေဟာ စည်းလုံးညီညွတ်ရေး ၊ ဘုံစာပေ ဘုံစကား ဖြစ်ပေါ်လာရေး အတွက် အော်နေတဲ့ လူငယ်တွေကို ခေတ်မမှီတဲ့သူ၊ ဘာမှမသိသေးလို့ပါ " ဆိုတဲ့ ပုံစံမျိူးနဲ့ ဆက်ဆံခံနေရခြင်းပါပဲ..။ ဒါက
 ပြင်းထန်တဲ့ အနာ တစ်ခုကို ကုဖို့ မကြိုးစားပဲ ဖုံးဖိဖို့ကြိုးစားနေတာပါ။ ပြသာနာ တစ်ခုကို မဖြေရုင်းပဲ လက်လျှော့အရှုံးပေးလိုက်တဲ့ သဘောပါ။
 တကယ်တမ်းတော့ ပြသာရှိရှင် ဖြေရုင်းဖို့ နည်းလမ်းရှိပါတယ်။ကျွန်တော်တို့ အချင်းချင်း ဆက်ဆံပြောဆိုနိုင်ဖို့ ဗမာ စကား ဗမာစာပေ ရှိနေခြင်းဟာ တစ်မျိူးသားလုံး ပြန်လည်သင့်မြတ်ရေးအတွက် ခွန်အားတစ်ခု အဖြင့် ရှိနေပါတယ်။နောက်စိတ်ပျက်စရာတစ်ခုက ချင်းလူငယ်တစ်ချိူ့ဟာ သူတို့နဲ့သက်ဆိုင်ရာ မြို့နယ်စုအတွင်း
 လှုပ်ရှားမှုလောက်သာ စိတ်ဝင်စားစွာ လုပ်ဆောင်နေခြင်းပါပဲ..။ သက်ဆိုင်ရာ မြို့နယ်စုအတွက် အလုပ်လုပ်ရင်း ကြိုးစားရင်း တစ်မျိူးသားလုံး ပြန်လည်သင့်မြတ်ရေးအတွက် လိုအပ်တဲ့  အရည်အချင်းရှိ ချင်းလူငယ်တစ်ချိူ့ ဆုံးရှုံးနေရပါတယ်..။လူငယ့်အစွမ်း ဆုံးရှံးနေရပါတယ်။

  ကမ္ဘာ့သမိုင်းတွေကို ပြန်လေ့လာမယ်ဆိုရင် နိုင်ငံတစ်ခု အမြင်အယူအဆ ၊ ၀ါဒတွေကို ဦးဆောင်ပြီး အတိုက်အခံလုပ်တဲ့ လူအုပ်စုဟာ တက္ကသိုလ်ကျောင်းသားတွေ ၊ လူငယ်တွေ ပဲဖြစ်ပါတယ်..။
 အနီးကပ်ဆုံးလေ့လာမယ်ဆိုရင် မြန်မာပြည်ကြီး လွတ်လပ်ရေးရအောင် ကိုယ်ကျိူးစွန့် ကြိုးစားပေးဆပ်ခဲ့ကြသူတွေဟာ တက္ကသိုလ်ကျောင်းသားတွေပါ..။ မိဘတွေ ၊ လူကြီးတွေ အတားအဆီး အမျိူးမျိူးကြားက ကိုယ့်ယုံကြည်ချက်အတွက် ရဲရဲတောက်စိတ်ဓာတ်နဲ့ ပေးဆပ်ခဲ့သူတွေဟာ အဲဒီခေတ်က ခေတ်ပညာတတ် တက္ကသိုလ်ကျောင်းသား အုပ်စုတွေပါ..။ကျွန်တော်တို့ ချင်းလူမှုပတ်ဝန်းကျင်မှာ
 တက္ကသိုလ်ကျောင်းသား လူငယ်များရဲ့ အခန်ဂန်ဒ ဟာအင်မတန်နည်းပါးနေသေးပါတယ်..။
 လူထုကြီးဟာ ပညာတတ်လူငယ်စု ဦးဆောင်မှုမှာ ရှိမနေပဲ ဘာသာရေး အသင်းတော် နဲ့ ပတ်သက်တဲ့ အဖွဲ့အစည်းတွေရဲ့ ဦးဆောင်ခြင်းကို ခံနေရတာ ရာစုနှစ်တစ်နှစ် နီးပါးရှိခဲ့ပါပြီ..။ ကမ္ဘာပေါ် ရှိလူမျိူးတိုင်း နိုင်ငံရေး အုပ်စုတိုင်း ဟာ တက်ကြွတဲ့ ပညာတတ် ကျောင်းသားတွေရဲ့ ကြွေးကြော်သံတွေကို လူကြီးလုပ်တဲ့
 သူတွေက နားထောင် တဲ့ အခါတွေမှာသာ အပြောင်းအလဲ တိုးတက်မှု တွေ ဖြစ်ပေါ်တတ်တာကို တွေ့ရပါတယ်။ ကျွန်တော်တို့ ချင်းလူမှုပတ်ဝန်းကျင်မှာတော့ လူကြီးတွေ နားထောင်ဖို့ ပြတ်သားရုင်းလင်းတဲ့ ပညာတတ် လူငယ်အုပ်စုရဲ့ ကြွေးကြော်သံတွေ မရှိသေးပါဘူး...။တကယ်လို့ ရှိလာမယ်ဆိုရင် လူကြီးတွေက
 နားထောင်ပါ့မလား " ဆိုတာ စိုးရိမ်စရာမဟုတ်ပါဘူး။  ခ.စ.ယ လိုမျိူး တက္ကသိုလ် ကျောင်းသားအဖွဲ့ ဖွဲ့နိုင်ခဲ့ပေမယ့် တစ်မျိူးသားလုံး စည်းလုံးညီညွတ်ရေးအတွက် ထိထိရောက်ရောက် ဘာကိုမှ
 မလုပ်ဆောင်နိုင်သေးပါဘူး..။ လူကြီးတွေ ပရောဂ ကြောင့်များလား ၊ လူငယ်တွေရဲ့ ခေါင်းဆောင်ဖြစ်ချင်တဲ့ ဆဒတွေကြောင့်လား တစ်မျိူးသားလုံး စည်းလုံးရမယ့် အစား မျိူးနွယ်စု အလိုက် မြို့နယ်စု အလိုက် အဖွဲ့ငယ်လေးတွေ အများအပြား တက္ကသိုလ်ကျောင်းတွေမှာ ပေါ်ပေါက်လာခဲ့ရတယ်..။
 ချင်းတက္ကသိုလ်ကျောင်းသားအဖွဲ့ေ တွ အားကောင်းလာအောင် လုပ်ဖို့ လိုအပ်နေပါတယ်။

  စည်းလုံးညီညွတ်ရေးအတွက် မိဒီယာများရဲ့ အခန်း ဂန်ဒ ဟာလဲ အင်မတန်အရေးကြီးပါတယ်။ ကျန်တော်တို့ ချင်းလူ့အသိုင်းအ၀ိုင်းမှာ တစ်မျိူးသားလုံး ကိုယ်စားပြု မီဒီယာ ဆိုတာ မပေါ်ပေါက်ခဲ့ဖူးပါဘူး.( ဒီနှစ်
 နိုဝင်ဘာလ စတင်ထုတ်ဝေမယ့် ချင်းဝေါလ် ရှိလာမည်).။ မြို့နယ်စုအလိုက်ထုတ်ဝေတဲံ မီဒီယာ အဖွဲ့အစည်း အသင်းတော်တွေက ထုတ်တဲ့ မဂ္ဂဇင်း နဲ့ နှစ်ပေါင်းများစွာကို ဖြတ်သန်းလာခဲ့ကြရတယ်။
 အဲဒီမြို့နယ်စုအလိုက်ထုတ်ဝေတဲ့ မီဒီယာများအနေဖြင့် တစ်မျိူးသားလုံး စည်းလုံးညီညွတ်ရေးကို ဦးထိပ်ပန်ဆင် ရေးသားကြဖို့လိုအပ်ပါတယ်။စာကော င်းပေကောင်းများကို တစ်မျိူးသားလုံး
 နားလည်တဲ့ စာနဲ့ ရေးသားကြရမှာဖြစ်ပါတယ်။စည်းလုံး ညီညွတ်ရေးအတွက် မီဒီယာ
 အားကို အသုံးချရမှာပါ..။

  ဒီကနေ့လို တိုးတက်ပြောင်းလဲမှု နဲ့ ဗဟုဝါဒ ထွန်းကားလာတဲ့ ခေတ်ကြီးထဲရောက်နေတဲ့ မျိူးဆက်သစ် လူငယ်တွေဟာ တစ်မျိူးသားလုံးပြန်လည် စည်းလုံးဖို့အတွက် နယ်ပယ်စုံကနေ ကြွေးကြော်သံကလေးတွေတော့ ကြားနေရပါပြီ..။ အမြင်းကျဉ်းမှုတွေ ၊ တစ်ချိန်ကအမုန်းတရားတွေ ၊ မြို့နယ်အလိုက် အပြိုင်တိုက်ခိုက်မှုတွေနဲ့ ကိုယ့်မျိူးနွယ်စု သာအမြတ်ဆုံးအယူအစတွေကို
 လုံးဝလက်မခံကြတော့ပါဘူး..။။ချင်းလူမျိူးတိုင်း နားလည် ပြောဆို နိုင်တဲ့ ဗမာ စကား ၊ ဗမာ စာပေ ရှိနေခြင်းကို အခွင့်ကောင်းတစ်ခုအဖြစ် မြင်လာကြပါတယ်..။ချင်းမျိူးဆက်သစ်လူငယ်များ ဆုံးစည်းရာ ဆုံရပ်တစ်ခုကို တမ်းတနေကြပါပြီ...။

  နောက်ဆုံးနိဂုံးချူပ်လိုတာက ကျွန်တော်တို့ ချင်းလူမျိူးတွေရဲ့ ဘိုး၊ဘွား ဘီ ဘင် တွေရဲ့ စည်းလုံးညီညွတ်စွာ ရေကြည် မြက်နုရာကို ရှာဖွေ ချီတက်လာတာကို အတုယူပြီး ချင်းတစ်မျိူးသားလုံး စည်းလုံးညီညွတ်ရေး အတွက် နည်းလမ်းသစ်များကို ရှာဖွေ အကောင်အထည်ဖော် ချီတက်ကြရတော့မှာပါ..။
 အမြင်ကျဉ်းမှုတွေ ၊ မနာလို ၀န်တိုမှုတွေ ၊ အမုန်းတရားတွေ နဲ့ ပြိုင်ဆိုင်မှုတွေ ကင်းမဲ့တဲ့ လူမှုပတ်ဝန်းကျင် တစ်ခု ပီပီပြင်ပြင် ဖြစ်ပေါ်လာရေးအတွက် သင့်တင့်မျှတပြီး ငြိမ်းငြိမ်းချမ်ချမ်းရှိတဲ့ အတွေးအခေါ် ၊ အယူအဆတွေကို ရှာဖွေ အကောင်းအထည်ဖော်ကြရတော့မှာပါ..။ မျိူးနွယ်တစ်စုနဲ့ တစ်စု
 အပြန်အလှန်လေးစာမှု၊ ကွဲပြားမှုကို နားလည်နိုင်မှုတွေနဲ့ လှပတဲ့ အနာဂတ်တစ်ခုဆီကို့ ချီတက်နိုင်ဖို့ ကြိုးစားကြရမှာပါ..။ " 21 ရာစု ဦးတွင် လူငယ့်စွမ်းအားဖြင့် တစ်မျိူးသားလုံး စည်းလုံးညီညွတ်ရေး
 တည်ဆောက်ကြလေသတည်း " ဆိုတဲ့ သမိုင်းမှတ်ကျောက်တစ်ခု စိုက်ထူ နိုင်အောင်
 ကြိုးစားကြပါစို့...။
****************************
Paul Tin Khum(B.A Hons)(B.Th,M.Div)
Director
YinkhuaiThit(၇င်ခွင်သစ်) Education Services.
(phon-0949293997)
           &
Manager
February Twenty News Journal
(The Chin Time Media Group)
           &
Employment Service.
Phon-0949341585
Home Address----
Maynigone,Sanchawng
Yangon.