Interview With Lt. Hawi Sau

KMG – Jai nang i amyn, nabaly vai mama y awm mo? Ati sa mo? Aju chanau chi satang thui pi kyh.

Lt. Hawi Sau - Kai angpo ly ( Thang Right ) Nei amyn ly ( Awi Aung Nwe ) ne. Nei ly palang vum aku (Sima vum) vai ( Seng O ) avang i ne. Kai angpo ly ( b.s.b.l ) thym kha police kalop sa, hunih thym kha achi khumi pri palang vum (Mary) englih tavai mi chi my thein nai kha ngaai chi my englih tavai mi chi ai maipho hawi ako u nai tla. Englih tavai mi chi ly atho by y i, khumi pri palang vum mary ly ngaai chi my amchi khumi pri keu theung ai la u teung nai ne. Police ra vanri kalop sa ahawi chi ly (U Thet lai, U Aung Chau, U Tha Boe, U Ko Aung ) ni chi ne. Kalang amyn chi ly kai py tamen vui bo. Ngaai my thui pi nai kai pany jo nai tla.

Kai amyn ly  ( Kaneth. Ai Hawi sau ) kai amyn kypkyp ly sipui i amyn ( Kaneth ) ne. Hawi sau napi nai ly Nei, ngaai nih my sipui amyn hawi palau ngai y nai y, hawi tlei hawi ra, khritlei khri ra nai deaungkho (Hawi Sau) nanai palau nai ne.Khumi pri kavui momang kalop sa nai nengneng awm rai, kai i awm nai mettang ly pahen u khyh ba. Vai myry ly kalop so y rai. Kai aju ly (Thangtlang) ne (Sentung ) avang i ne. Ni chi ly Hakha mi ne y. laotu mi ne. Chanau ly ( 3) ri awm nai tla. Kalen keh ly vaneng ( klass 8 ) lyn akuh ly ( klass 6 ) katheung keh ly ( klass 1 ) ri lyn khyh rai he.

KMG – Political lam tleaung y kalop sa vai nanai pany nai tla. Ati chi sa vai mo thui pi pajau nai chi awm baly thui pi kyh.

Lt. Hawi Sau - Ae ne 1999-90 achi khumi pri ai ( NLD ) party sa nai ne. Kai hawi sa vamnai chi ly U Kyaw Tun, U Thu Aung, U Ken Pa, U Aung Myint ni chi hawi sa nai ne. 

KMG – Palangvum hawi amprei nai saneng maji rei awm bo mo? Hunai amprei nai molam y paleung sai takhra adawn patyp nai chi awm a?

Lt. Hawi Sau - Achi khumi pri hawi amprei nai ly saneng ( 22 ) ri awm bo. Kai adawn nai chi ly hinai kamta ne. 1. Khumi pri hawi ai nai kavui manai atho sa pi pajau ai moh. 2. Achi khumi bawibawi manai kamta sa byly vamri, bomri akawm thai moh, Amy khumi pri kavui ha-ri kai adawn khyh. Hunai deaungkho nang chi te py cha hawi leu hawi avaw ri thui pi nai tla.

KMG – Vaini achora kangtha deung y achi khumi cheang hawi pri i political sa nai tlangtleaung y mana niu mo? Adawn mo?

Lt. Hawi Sau - Vaini achora kangtha my sapi nai ly hawi prai, na iy py achi khumi ly ami anui ai abang kha kalop sa u law, achi khumi bawibawi pany thai ai nai kavui ly amy i awm ai nai yhm ly, amy chi my atho sa kha yhm kahawi sa khyly khri hawi prai ne.

KMG – Vaini lattaw lyn nai keung chi i sa nai tleaung y atho nga bo a? ti y baly nichi i sa nai kangtleaung y kalang kadawn sai takhra awm a?

Lt. Hawi Sau - Atho ngo y, ati moh nabyly achi khumi i kalop sa nai sai ly amy vu kadawn sai hawi sa u law nai tla. Lu sa nai chi ly leangleang ri leu-arum akawm u kha amy khumi pri kavui kalop sa u khyly khri hawi prai ne. Khumi mipui chi te ai py nang chi ly amy khumi pri manai kamta sa ngai u moh? deng u tla nai ne. Achi khumi miteung keh sa nai chi ly Email py by u y nai tla. Manai kamta khumi pri hawi pa-rei sa pajau moh? Teliphone hawi leu arum nai neng ne y bo. Khumi pri hawi ai nai kavui kalop sa nai chi ly ( sumngaitang ) kamta daichi theung tlen vuh ra ly khumi pri hawi pajau na ti a.

KMG -  KMG y mana niu mo?

Lt. Hawi Sau - KMG kamkawm sa nai ly khumi pri kavui khri hawi prai. Na iy py nang chi i satang la nai ly khri di prai tla. Atho la ai nai neaungneaung ngai u rai. Khumi pri kavui kalop sa nabyly KMG office khypkhyp ly palang vum ai khai u sang nai ne. Thui pi ai nai ly awm mang nai tla. Cha hawi thui pi bi ai mang ba. Paleung pra u moh atho la u tla.

KMG – KYA, Khumi Reita tanyn kamkawm kangtleaung y mana niu mo?

Lt. Hawi Sau - KYA kamkawm sa nai py khri hawi prai nai ne. Achi khumi py vai mang ly mei maiden ri avang bo, kai py khri amotheu prai. lu sa nai chi kalop sa kawp ai nai khri aly lin nai tla. Kamkawm ly awm jo lu sa nai chi kalop sa kawp u y byly ami chi amnu ta bu law tyh ai nai ne. Cha py nengneng tajyh pajau ai ngai.

KMG -  Palangvum ka-peang y awm nai Krista y ym nai kamkawm bawi bawi chi kangtleaung y mana niu mo?

Lt. Hawi Sau - Palang vum ka-peung nai ly vainih neng thui sang y bo nanai kai ly adawn nai tla. Khumi krista kamkawm nabyly bawibawi abawi keng nai tla bo. Ka-peung hawi kalop sa u nai deangkho vaini neng achi khumi ly leangleang ri py akawm thai y nai ngaw khy nanai kai ly adawn nai ne. Areng Tameuh ly 3,4 ri by y, ha,ri awm khyh. Thui nabyly kamkawm napi nai ly leangleang ri akawm thai nai kavui ado nai ne. Tameuh my kamkawm awm nai ha.ri kani pri la khyp napi y. Tameuh i thui pi nai leu sai ly, Tameuh mymy ai ym khypkhyp nai ngen ri ly deungtasai hen ra nga ai napi nai tev. Hini leaungsai ai achi khumi pastor, Bishop, farther bawibawi pany kawp u khyly khri hawi prai ne. Saneng ri khumi krista kamkawm bawibawi ly comping tleiri sa u pajau khyly khri hawi prai ai. Kai thui tamang nai chi ly pahen u khy ba.

KMG – Vaini thawndeang neaungdi kangthau chi tleaung y mania niu mo?

Lt. Hawi Sau - Vaini khumi thodeang, anglo kanthau chi ly amy khumi cha-leu ai tamuh khai u y law nai ne. Amy cha-leu tama byly khumi cheang py by y ai. Hini leu sai ly vainih thodeang, anglo bawibawi pany thai u tla. Leangleang cha pa nabyly amy khumi cha hawi tajyh tla u khyly khri apu prai ne. Achi khumi ly Kramo paleung awm nai nawi keh nai mang kai ly niu pi nai tla. Khumi pri hawi nai kavui ly vaini thodeang,anglo, deaungdi chi keu theung ai awm nai ne. 

KMG -  Khumi pri i Economic, social hawi takhra chi sa nai kangtleaung y mana niu mo?

Lt. Hawi Sau - Khumi pri Economic, social hini ly ( Atho sa u ai hawi nai sai ) napi nai khumimediagroup ra y khen u ba. ( KNGO ) kamkawm sa u tla. English chi hawi direct kamtawm sa u tla.

KMG – Khuimi Cha, Reita tanyn chi kangtleaung ati mana niu mo?

Lt. Hawi Sau - Khumi cha ,reita kamkawm sa u nai py khri hawi prai. To iy py ni chi manai kalop sa moh? nanai ly kai ly pany y nai tla. Vaini achi khumi pri ai amy khumi cha hawi school amtiu ai nga bo. Khumi cha, reita kamkawm chi my school kavu khumi cha iu patheu pajau bo a? Leu hawi kalop sa ra ly amchen pajau y. Cha hawi sa u tla nai ne. Lau ly ateng jo bo, mai py lan bo. cho py batyn bo. Hunih lau awm nai acha cheunkhang chi ai, ateng pi ten y byly cho ly hawi thai na ti a? Ni chi kalop sa nai tamuh khai pi y nai ne y. Hawi tlen hawi ra ai nai thui pi nai tev ba. Tamang nai chi ly pahen u khyh ba.

KMG – Khumi cheang ai pasang ai ati ly aly len keh mo?

Lt. Hawi Sau - Khumi cheang pasang ai nai kavui ly 1. party 2. Amy khumi cha kawp keng tla. 3. kamkawm cheungkhan akawm thai u ngai 4. lo nai tleiri kamkawm lu sa nai chi meeting sa u tla. 5.Thodeang, anglo chi ai py amy vui kalop peh tla.

KMG – amy chi khumi meiteaung chi theung i jai nang tam’h khai keh nai khumi ly ami mo? Ati mana nai deaungkho y ni y tam’h khai nai mo?

Lt. Hawi Sau - Achi khumi meiteang chi  bawibawi ly Tahm khai hawi keng nai tev. To i py achi khumi miteang chi ly amy khumi pri kavui atho sa u y nai ai kai ly atho ngo y nai tla. Kai i athi nga keh nai ly, Jangnih kha amchi khumi pri kavui lu sa nai 1. Mawi Mang Sein Dah 2. Mawi mang Sa Bi 3. Mawi mang Mang Diu 4. Mawi mang Mai Hu 5. Mawi mang Sai Thang 6. Mawi mang La Hau, 7. Mawi mang Beung Vai 8. Mawi mang Hawi Teung 9. Mawi Mang Lai Ngie 10. Mawi Mang Sai Reu 11. Mawi Mang Ba He ni chi ai tahm khai keh nai tla.  Ni chi ly amy khumi pri kavui thinai hawi kalop sa pi nai y. 

KMG – Mo mang y ati sa ai nai adawn mo?

Lt. Hawi Sau - Kai ly kalang takhra kalop sa nai adawn y, amy khumi pri, Khumi land, khumi city, khumi International nga thai ai nai kavui ha-ri adawn khyh.

KMG – Kalang ati thui ai nai awm rai mo?

Lt. Hawi Sau -  Kai thui ngai nai ly KMG, KYA, khumi reita kamkawm, krista kamkawm, kalang kamkawm bawibawi chi py amy khumi pri kavui bumrei, vamrei akawm u kha athi so u si nanai thui pi ngai tla. Khumi pri angpo tameuh my awm hai sy. Khumi pri taphra ngai nai mi chi ai tameuh mymy ngai nai kamta lang pahawi pi jo sy. Khumi amjo nanau nang chi i sa nai ra tleri amtheung hai jojo sy. Tameuh i cheng nai phailo ly achi khumi bawibawi te ai tang hai jo sy.