ခူမီးစာပေဖြင့် ဘာသာပြန်စာအုပ်ထုတ်ဝေသူ နှင့်တွေ့ဆုံခြင်း

KTSF မှကျင်းပသော မောင်မယ်သစ်လွင်ကြိုဆိုပွဲနှင့် အမှုဆောင်သစ်ရွေးကောက်ပွဲ အစီအစဉ်အပြီးတွင် တွေ့ဆုံမေးမြန်းခြင်းဖြစ်သည်။

မေး - ဆရာ့နာမည်နှင့် ဇာတိကိုသိချင်ပါတယ်။

ဖြေ - ဆရာ Hawi Bi ပါ။ ဇာတိက ပလက်ဝမြို့နယ် ပိန္နဲတပင်ပါ။ မိဘတွေကတော့ ဦးလွန်းဝတ်နှင့် ဒေါ်ပိုက်နွဲ့ပါ။

မေး - ဟုတ်၊ ကျေးဇူးပါ။ ဆရာအခုအမှုဆောင်ပါဝင်နေတဲ့အသင်းတော်က

ဖြေ - မြန်မာလုသရင်အသင်းတော်ပါ။ တာဝန်ကတော့ ရွှေပြည်သာ သင်းအုပ်ဆရာပါ။

မေး - ဘယ်ကတည်းက အမှုတော်ဆောင်ခဲ့တာပါလဲ

ဖြေ - ၂၀၀၅ ကတည်းကပါ။ အရင်ကတော့ ကျောင်းဆရာဘ၀နဲ့ ၁၆ နှစ်ကျင်လည်ခဲ့ပါတယ်။ နောက်ဆုံးတာဝန်ကျတာကတော့ ပလက်ဝမြို့နယ်၊ လိပ်ကုန်း (၁) ကျေးရွာမှာ မူအုပ်ရာထူးနဲ့ဖြစ်တယ်။

မေး - ဒါဖြင့်၊ အမှုတော်ဆောင်ဖြစ်သွားရတဲ့ အကြောင်းလေးလည်းပြောပြပါအုံး

ဖြေ - နိုင်ငံတော်အတွက်ဒီလောက်ဆိုတော်ပြီ။ ဘုရားရဲ့အမှုတော်ကို ဆောင်ရွက်ဖို့ အစာရှောင်ဆုတောင်းရင်း တိုးထိခြင်းခံရလို့ပါ။ အခုတော့ ရွှေပြည်သာမှာ အသင်းတော် ၉ အိမ်ရှိပါတယ်။

မေး - ဆရာ..ခူမီးလိုစာအုပ်ထုတ်ဝေတယ်လို့သိရတယ်။ ဘာတွေများလဲ နဲနဲပြောပြပါလား။

ဖြေ - ရပါတယ်။ Rhapsody of Realities ကိုအင်္ဂလိပ် ကနေခူမီးဘာသာသို့ပြန်ဆိုတာဖြစ်တယ်။ တစ်လတစ်ကြိမ်ထုတ်ဝေရမှာဖြစ်ပေမဲ့ ၀ယ်ယူဖတ်ရှုသူနည်းသေးလို့ ပုံမှန်မထုတ်ဝေနိုင်သေးပါဘူး။

ဒီစာစောင်ကို Christ Embassy (ခရစ်တော်သာသနာ) က ထုတ်ဝေတာဖြစ်တယ်။ ကျွန်တော်ကတော့ ၂၀၁၁ အောက်တိုဘာလက စတင်ထုတ်ဝေတာဖြစ်တယ်။

မေး - သိပ်ကောင်းတယ်ဗျာ..။ထုတ်ဝေတဲ့ ရည်ရွယ်ချက်ကကော့။

ဖြေ - ခူမီးစာနဲ့ဖတ်စေချင်တယ်။ ခူမီးတွေဝိညာဉ်ရေးကြီးထွားဖို့ဖြစ်တယ်။ နောက်ပြီး ခူမီးစာကို ထိန်းသိမ်း (Atyp Nai) ချင်လို့ဖြစ်တယ်။

မေး - လက်ရှိခူမီးစာအပေါ် ဆရာ့ရဲ့အမြင်ကိုသိချင်ပါတယ်။

ဖြေ - ပြုပြင်ဖို့တော့ လိုရင်လိုအပ်မယ်။ ဒါဟာအမှန်ဆုံးဆိုတဲ့ အစွဲမရှိပါဘူး။ ငါတို့ခူမီးလူမျိုးထဲမှာ ဘာသာဗေဒပညာကျွမ်းကျင်သူတွေမရှိသေးဘူး။ ပညာရှင်တွေ ပေါ်ပေါက်လာတဲ့အခါ လိုအပ်သလိုပြုပြင်ဖို့ လိုမယ်။

မေး - ဒီလိုထုတ်ဝေတဲ့အခါ အခက်ခဲလေး ဘာလေးကော့ ရှိလား ဆရာ..။

ဖြေ - သိပ်ရှိတာပေါ့။ ကွန်ပျူတာမရှိလို့ လက်နဲ့ရေးရတယ်။ သူတို့ဆီကို လက်နဲ့ရေးပြီးတဲ့စာကြမ်းကိုပို့ရတယ်။ ရိုက်ပြီးလို့ ဟိုကစစ်ဖို့ပြန်ပို့ပေးတာကို စောင့်ရတာလည်းမလွယ်ဘူး။ တစ်ခါတစ်လေ နောက်ကျမှရတယ်။ ကိုယ်က ပြန်ပြင်ချင်တာတွေပြန်ပြင်နဲ့၊ တစ်လတစ်ခါကို အချိန်မီအောင်အလောလုပ်နေရတယ်။

မေး - ခူမီးစာနဲ့ပတ်သက်တော့ကော အခက်အခဲတွေရှိသေးလား။

ဖြေ - ကိုးကားစရာမရှိလို့အရမ်းခက်ခဲပါတယ်။ ခူမီးစာနဲ့ပတ်သက်တဲ့ အဘိဓါန်တွေ၊ သတ်ပုံသက်ညွန်း ကျမ်းတွေ ရှိရင် အဲလောက်ခက်ခဲမှာ မဟုတ်ဘူးလေ။

မေး - ဟုတ်မှာပေါ့..ဆရာရေ။ ဒါနဲ့ အဲဒီလိုအပ်တဲ့ အဗိဓါန်တွေ၊ သက်ပုံသက်ညွန်း ကျမ်းတွေကိုပြုစုရေးသားဖို့ကော အစီအစဉ်တွေ ရှိပါသလား ဆရာ..။

ဖြေ - ရှိတော့ ရှိသင့်တယ်။ ဒါပေမဲ့တစ်ယောက်တည်းလုပ်လို့မရဘူး။ ရှေးမီနောက်မီ လူကြီးတွေလိုအပ်တယ်။ လူငယ်တွေနဲ့ပူပေါင်းပြီး အမြန်ဆုံးလုပ်ဖို့လိုအပ်ပြီ။ ခူမီးစာပေနဲ့ ယာဉ်ကျေးမှုကော်မတီနှင့် ပူးပေါင်းဦးဆောင်ပြီး လုပ်ဆောင်ရမယ်။

မေး - တကယ့်အနှစ်တွေပါလား ဆရာရေ..။ခူမီးစာပေ အသစ်အပေါ်ဘယ်လိုမြင်လဲ ဆရာ။

ဖြေ - ပြည့်စုံပြီလို့တော့ မထင်ဘူး။ ခေတ်နဲ့အညီလုပ်ရမှာပဲ။

မေး - KMG အပေါ် ဆရာ့ရဲ့အမြင်လေး။

ဖြေ - အရမ်းကောင်းတယ်။ သတင်းတွေချက်ချင်း၊ ချက်ချင်းကြားသိရလို့ တကယ်အားရတယ်။ ဆက်လက်ရပ်တည်နိုင်ဖို့ ခူမီးတစ်မျိုးသားလုံး ပူးပေါင်းကူညီအားထုတ်သင့်တယ်။

မေး - စာဖတ်သူတွေအတွက် ပြောချင်တာလေးတွေ ရှိသေးလား ဆရာ..။

ဖြေ - ခူမီးစာနဲ့ထုတ်တဲ့စာအုပ်အားလုံးပေါင်း ၃၃ အုပ်ပဲရှိသေးတယ်။စာအုပ်များများထုတ်ဖို့လိုအပ်ပြီး။ ဘာသာရေးစာပေများ၊ ခူမီးစာအုပ်များများထုတ်မှ လူတွေပိုစိတ်ဝင်စားမယ်။ စာဖတ်တတ်လာမယ်။

မေး - ၃၃ အုပ်မှာ ဓမ္မာသစ်နှင့် ဓမ္မာဟောင်းကော ပါသလား။

ဖြေ - ပါတယ်။ ဓမ္မာသစ်တစ်အုပ်၊ ဓမ္မာဟောင်းတစ်အုပ်စီ ထည့်သွင်းရေတွက်ထားတာပါ။

မေး - ဆရာ့ကိုဆက်သွယ်ချင်တယ်ဆိုရင်..။

ဖြေ - hoi.khumi2011@gmail.com

မေး -အခုလိုဖြေကြားပေးတဲ့အတွက် ကျေးဇူးတင်ပါတယ်။

ဖြေ - ဒီလိုဖြေခွင့်ရတာကို ကျွန်တော်လည်း ကျေးဇူးတင်ပါတယ်။

တွေ့ဆုံမေးမြန်းသူ- အိုက်ပီတာလွယ်လူး