Myanmar Pri i arkacha Pavai keung vawi patyp nai ra y Khumi thawndeng Ai Eaung Tui Lang abawi

Yangon, August 14-------Shwepyithar y awm nai sara eaung tleaung (Calvari Full Gospel Church
Founder hawi  Director) hawi Daw Eaung Tym nini i chapo Ai Eaung Tui
Lang saneing 16 ri nai ly Achora i Akacha hawi Kaja teipen kjeaung (Kyaitkasen) y lyn
ainai achora my palau ilyn bo nanai satang nga nai ne..

Mymy ly vai ataing-9 rei lyn nai kjeaung tabi ne.

Ati mana nai deaungkho y palau nai ra y abawi thai nai mo nanai maiden ri amtie pi ai nabaly shwepyithar i bawileung (football) sama  U Soe Myint Shwe teng y ni
ly kjeaung lyn tarawi amau nai ne.Ni ly Duthau khun khri kawp nai y
sara my shwepyithar ai-kar mu i deingdai rei
 Kyaitkasen Ai-Kar tipen kjeaung y 2012/ Pauhu lo kani 29 kani pavai acham hai i
eaung nai ne. Hunai y 2012/6/30 kani y palau nai ne.

 Ai Eaung Tui Lang  i ai-kar major ly Duthaukhun ne. Ni i vui kjeaung lyn ai nai vui hawi ngai nai amjy bawibawi chi ai-kar tipen mang my sabawm pi nai ne ti.Mymy hawi ampo chi py hinai kamta abawi ai nai vawi nai kavui amo theu nai ne.

Ampo my hinai kamta thui nai ne “kai i chapo hinai kamta abawi ai nai athang khai vai y nai ne. Kai my ly chapo chalu i Tameuh kalop sa hai ai nai adawn nai tla. Na i py hinai kamta abawi hai nai py Tameuh i phrei ai nanai athang khai. Achi Khumi cheang ai py amjy cheaungkhang hawi Tameuh my tahang kahawi pei ai nai ngai ne nanai adawn nai tla. Hunai deaugnkho y khri angmo theu nai tla. Nabaly kai i chapo ngai nai bawi bawi ai py sabawm i asang pri nai ne.”nanai amti nai tla.

Vai mymy i awm nai meitym ly -adress-no(4) neampacho aseaung, ai-kar tipen kjeaung,    kyitkasen kawn tamawi  ka-peang,Yangon ra y awm nai ne.

Amh’m ampo i thui nai leu ly pri y amthang nai akacha pavai keung lawn iy
Tameuh amyn nang prai nai amteing hai nai khumi lawn hai ai nai ngai nai
ne.lawn ai nanai py ym nanai my ni my ly thui nai ne

                                                          thai nai -ai pi cho