Khumi Cheng Theung I kamang keh Baibu Mang I Doctorate Bawi Nga nai Rev. Dr. Thang Bwee hawi Interview

Kai ly Sara Thang Bwee i awm nai Jeung y chei iy Sara mymy y interview sa nai ne. My my ly hinai kamta pathang pie nai tla.

Deing :  Khumi Media Group sa nai tleaung y ati mana niu mo thui pie kyh cham be.

Pathang : Media napi naily ami chi vui py nesy khri parei aly len nai ne. Media by y a nabaly satang pany y ai, satang pany y nabaly leaung leaung rei amkawn thai y. Ami i satang pany y a nabaly leaung leaung rei a sabawm lengtang thai y, huna a nabaly paleung vam rei amkawm ai nai avo thai y ai.
Achi khumi cho chi di p’rai teu iy py media hawi y
leaung leaung rei a pany a nabaly huni ly achi vui paleung adyh naira mang y tym hai thai ai nai lam ha rei kamta kaniu nai ne.

Deing : Khumi cheng hawi pri Loh Pa kau(တုိးတက္ေရး)ai nai ati chi ly aly len keh mo?

Pathang :  Achi khumi cheng chi Loh Pakau thai ai nai vui aly len nai chi awm hie nai ne, na iy py huni theung y kamang meh y aly len naily Education napi nai tau kadawn kacheing ( educational development)  ly khri parei aly len nai ne. Tau kadawn (education) asang a nabaly  achi pri kau ai nai mani ly aly len mo nanai pany p’jau nai ne. Kai ly
Tameuh kalop sa nai Pastor leaung rei ne nai deaungkho y Pastor kamta thui ai nabaly… Achi pri i khumi chi Tameuh i leusai y tah’m khai iy angkhaw ai naily ati cheaungkhang tleaung y aly len keh nai ne.

Deing :  Vai ni thawndeng anglo neaungdi kangthau tlangtleaung y Sara nang mana nai niu mo?

Pathang: Achi vai ni deaungdi kangthau chi achi pri i vui aly len naily ati mo nanai pany iy huni vui atho asa  u ai nai khri parei aly ngai nai mang y kaniu nai ne. Thui ai ngai naily.. education mang y sa naichi , phailo vui sa nai chi, pri vui(political) sa nai chi ami py ne sy paleung meitang hawi y atho sa ai nai tla. A mi kalang chi ly ati mana nai y Lo Kau thai nai mo nanai amtiu thai ai nai khri parei aly ngai u nai ne.

Deing : Yangon y awm nai saneing majie rie kra bo mo?

Pathang: Kai Yangon y tym nai 1980 hawi kaso nei. Vai saneing 32 rei awm bo ngaw khyh.  Hini sala y 1989 – 1991 ly Korea y awm vui nai thui ai nabaly  Yangon y saneing 29 rei awm bo napi p’jau.

Deing  :  Sara nang Yangon y tym achei kha y kalang achi khumi chi py awm ai ngaw kyh.

Pathang: Kai Yangon y tym angchei kha y achi khumi majei rei awm mo nanai ly kai py pany bawi y nai tla. Kai pany naily vai Jai Chawn Aung hawi Chawn Thai nabaly tavaimi..Kyaw Win nichi ai nai ni pany nai ne.

Deing :  Achi Khumi cheng hawi kalang cheng takhra sala i takhra nai sai mana awm mo nanai thui pie mai kyh cham be.

Pathang : Achi khumi cheng hawi kalang cheng takhra chi sala takhra naily awm mang ai nanai ly ami py pany pajau. Huni theung y achi aly len keh naily.. unity napi nai achi i vui y khri parei aly len nai mang y kaniu nai ne.

Deing  : Khumi cheng hawi pri kavui momang y ati kalu chi sa pie ai nai paleung awm mo?

Pathang : Khumi pri vui sa pi p’jau nai hawi momang y py sa pi jojo ai nai ha rei ly Phailo kavui hawi achi pri y Tameuh i Leusai my kawi thai ai nai kalop ne. Nabaly pri kau ai nai vui paleung meitang hawi y sa nai chi ai avo nai ryrei sabawm ai nai kadawn awm nai ne.

Deing  : Hini Satang Cha y phain nai khumi bawi bawi chi teng y thui ai nai leu sai awm a? awm baly thui pie kyh be.

Pathang : Achi khumi pri kau ai nai vui sa ai nai ly Achi khumi chi I kalop nanai pany u sina. A my chi pri vui amy chi my so y a nabaly ami kalang my sa pi law ai ne y na nai pany iy leaung leaung rei a sabawm u leungtang sina. Ati mo sa nai tlei rei y kahawi mang y niu thai nai (positive view ) hawi  Adyh nai (Unity) ly khri parei aly len nai ne.

Deing : Hinai kamta paleung kasau hawi my pathang pie nai deaungkho y Sara nang y Khri parie kawn prai nai ne.

Pathang : Vai nai kamta media mang y atho sa u nai deaungkho y khri parei kawn p’rai nai ne. Tameuh my amtheaung naira pei jojo sy.

Deing Keung : Peter LawiLu