Bishop Dr. Andrew Mang Lyn i yhm i Khumi chengchi leaungsai pa kau pajau ai nai ka vui a chi vawi sa

 July 7

Vaini Shwe Pyi Thar mang awm nai U Aung Kyaw my lu sa iy achi khumi chengchi i vui Development mang y mei avang hai thai ai nai vui neng la iy lam patei nai, chengra paji pi nai pawi sa ai nai vui meingtym la ai nai Bishop Dr. Andrew Mang Lyn i yhm pui y Sipui U Aung Kyaw hawi sara leaung pang rei ly jeaungdy (5.7.2012) ang jeu nai ne. Meeting ai ly nari 2:00 mang dengdairei dym mang nari palyh tamu ryrei sanai ne.

Bishop my py ni i yhm pui ra y August 4 kha y sa ai nai kavo sa pi nai ne ba. Nai baly hini Leu thui nai, leu taviu nai pawi sa ai nai vui hawi keh nai leu chi hau nai ne i, kangkhym katem y ly Bishop Dr.A.Mang Lyn my " Khumi chengchi mei avang hai ai nai vui leu arum nai, lam patei nai pawi" na nai sa ai nai lam patei nai kamta ly huni achih vawi(meeting) ra y tym nai bawi bawi chi my hawi na nai pathang p'raw nai ne na nai KMG mang y satang thai hai nai ne. Hini satang hawi kamtawm chi ai ly Sara Aung Htin my py tajiu pi panawi ai mang ba.

Satang thai hai nai keung: Sangmaleaung lengngau,KMG News,Yangon