ခူမီးဟူသော ဝေါဟာရ ( The Word “Khumi”)

ခူမီးဟူသော အမည်နာမ မည်သည့် ခုနှစ်၊ မည်သည့် ခေတ်တွင် ပေါ်ပေါက်လာသည်ကို သိရှိရန် မလွယ်ကူပါ။ ခူမီးလူမျိုးများသည် ချင်းအုပ် ( ၆ ) စုခန့်များရှိသည့် အနက်မှ အုပ်စုကြီးတစ်ခုဖြစ်သည်ကို ချင်းသမိုင်း၊ ခူမီးသမိုင်း များတွင်လေ့လာ တွေ့ရှိရပါသည်။ ချင်းလူမျိုးများသည် တိဗက်-မြန်မာ အနွယ်ဝင်များဖြစ်ကြပြီး တရုတ်ပြည်မှ မြန်မာပြည်အတွင်း ဟူးကောင်းချိုင့်ဝှမ်းမှ တဆင့် ကလေး-ကဘော်… ချင်းတွင်းမြစ်ဝှမ်း တစ်လျှောက် တွင်နေထိုင် ခဲ့ကြသည်ကို မြန်မာ့ သမိုင်း ချင်းသမိုင်းများတွင် တွေ့ရပါသည်။ ထိုချင်းတွင်းမြစ်ဝှမ်းဒေသမှ တဆင့်
အကြောင်းအမျိုးမျိုးကြောင့် တောင်ပေါ်တက်သော အုပ်စုကတက်၊ မြေပြန့်တွင်နေသူကနေ စသဖြင့် ပြောင်းရွှေ့နေထိုင်ကြရာ ယခုလက်ရှိ ချင်းပြည်နယ်တွင် ခူမီးလူမျိုးများက အရင်ဆုံးအခြေချနေထိုင်ခဲ့ကြပြီး လိုင်မီး ချင်းအုပ်စုတို့ ချင်းပြည်နယ် တက်လာကြသောအခါ ခူမီးလူမျိုးများသည် ယခု ခူမီးတို့၏ ဌာနီကြီး ပလက်ဝမြို့နယ်နှင့် အခြား အနီးတစ်ဝိုက်တွင် ပြောင်းရွှေ့နေထိုင်ကြသည်ဟု ချင်းသမိုင်းတွင် တွေ့ရပါသည်။ ခူမီးလူမျိုးများသည် မြန်မာနိုင်ငံတွင်သာမက ဘင်္ဂလားဒေ့ရ် နိုင်ငံနှင့် အိနိ်္ဒယနိုင်ငံ မီဇိုရမ်ပြည်နယ် များတွင်လည်း နေထိုင်ကြပါသည်။ ပြည်တွင်းပြည်ပတွင် နေထိုင်ကြသော ခူမီးလူမျိုး စုစုပေါင်းမှာ ၁၁၀၀၀၀ ခန့်ရှိမည်ဟု ခန့်မှန်းသိရပါသည်။
 ခမိ၊ခမီ၊ခမီး၊ ခမွီး (သို့) ခူမီးလော?
ခူမီးဟူသော လူမျိုးအမည်နာမကို မည်သည့်စု၊ မည်သည့် လူမျိုးကမှ မိမိတို့ လူမျိုးအား ပေးထားခြင်း မဟုတ်ပါ။ ခူမီးဟူသော အမည်နာမသည် မိမိတို့၏ ဖြစ်တည်မှုကို အခြေခံပြီး မိမိတို့လူမျိုးကို မိမိတို့ ပြောဆိုသော ဘာသာစကားဖြင့် ခူမီးလူမျိုးဟူ၍ မိမိတို့ကိုယ်တိုင် ခေါ်ဝေါ်သမုတ်ခြင်းဖြစ်သည်။ ခေတ်စနစ် ပြောင်းသွားသဖြင့် ခူမီးဟူသော အမည်နာမ ပြောင်းလဲခြင်းလည်း မရှိနိုင်ပါ။ ဘာသာစကား ပြောင်းသွားမှသာလျှင် ခူမီးဟူသောဝေါဟာရ ပြောင်းနိုင်ပါမည်။သို့သော် ခူမီးဟူသော မူရင်း အဓိပ္ပာယ်အတိုင်းသာ ဝေါဟာရ ပြောင်းလဲနိုင်ပါမည်။ မိမိတို့ လူမျိုးအကြောင်း နားမလည်ကြသော တချို့ခူမီးလူမျိုးများ၏ အားနည်းချက်ကြောင့် ခူမီးဟူသော အမည်နာမသည် အမျိုးမျိုးပြောင်းလဲသွားသည်။ လူမျိုးအမည်နာမ ပြောင်းလဲသွားရိုးထုံးစံမရှိပါ။ တချို့ ခူမီးလူကြီးများ၏ အသိဥာဏ်နည်းပါးခြင်းကြောင့် မိမိတို့ ခူမီးကိုပင် ခမီ၊ခမီး၊ ခမိ၊စသဖြင့် အမျိုးမျိုးခေါ်ဝေါ်လာခဲ့ကြသည်။ ရခိုင်လူမျိုးများက သရော် ပြောင်လှောင်ချင်သည့် သဘောဖြင့် ခူမီးကို ခမိ၊ ခမီ၊ ခမီးဟုပင် မခေါ်ဘဲ ခမွီးဟုပင်ခေါ်ကြသေးသည်။ ထိုသို့ဖြင့် ပလက်ဝမြို့ရှိ လူဝင်မှုကြီးကြပ်ရေးနှင့် မှတ်ပုံတင်ရုံးများတွင် ခူမီးလူမျိုးမဟုတ်သော ရခိုင်လူမျိုးများ နှင့် အခြားလူမျိုးများက အကြီးအကဲ ရာထူးနေရာ တာဝန် ထမ်းဆောင်ခြင်းကြောင့် ခူမီးလူမျိုးများ၏ မှတ်ပုံတင်များတွင် ခမီး (သို့) ခမိ စသဖြင့် ရေးထားသည်ကို ဝမ်းနည်းစွာတွေ့ရပါသည်။ ထိုသို့ဖြစ်ရခြင်းမှာ မိမိတို့ လူမျိုး ခူမီး၏ အဓိပ္ပာယ်ကိုမသိသဖြင့် တခြားသူများက မိမိတို့ ခူမီးလူမျိုးအမည်ကို အလွဲလွဲ အမှားမှားခေါ်ဝေါ်သမုတ်ပေသည်ကို ကျေနပ်နေ၍  ဖြစ်ပါသည်။ ခမိ၊ခမီ၊ခမီး ဟူသော အမည်နာမသည် မည်သည့် အဓိပ္ပာယ်မှ မရှိပါ။ ခူမီးလူမျိုးကို မသိ မခေါ်တတ် ၍ ခေါ်ဆိုကြသော အမည်မျှသာဖြစ်သည်။
ထိုထက်မက ခူမီးလူမျိုးနှင့်ပတ်သက် ၍ စာရေးသူ ခမိ၊ ခမီ၊ ခမီး ဟူသော ဝေါဟာရများကို မြန်မာနိုင်ငံ ပညာရေးလောက တွင်တွေ့ခဲ့သည်။ တက္ကသိုလ်ဝင်တန်း မြန်မာနိုင်ငံ ပထဝီဝင်တွင်လည်း “ချင်းပြည်နယ်တွင် ချင်းလူမျိုးများနှင့် ခမီး၊ မြို၊ သက်၊ရခိုင်လူမျိုးများ နေထိုင်ကြပါသည်” ဟူ ၍တွေ့ခဲ့ရပါသည်။ ထို ပထဝီဝင်၌ပင် ရခိုင်ပြည်နယ်ရ လူမျိုးများအကြောင်း လေ့လာရာတွင် “ခမိလူမျိုး” ဟူသော လူမျိုး အမည်ကိုတွေ့ရပြန်သည်။ တက္ကသိုလ် ပထမနှစ် မြန်မာ့ရေးရာ စာအုပ်တွင် ချင်းပြည်နယ် နှင့် ရခိုင်ပြည်နယ်ရ  လူမျိုးများအကြောင်း လေ့လာရာတွင် “ခမိ or ခမီး” သော လူမျိုးအမည်ကို တွေ့ရပြန်သည်။ ရန်ကုန်မြို့ ပြည်လမ်းရှိ အမျိုးသားပြတိုက်တွင်လည်း တိုင်းရင်းသား ရိုးရာဝတ်စုံနှင့် ဓလေ့ ပြသထားလျက်ရှိရာ ချင်းရိုးရာဝတ်စုံများနဲ့ ကပ်ရပ် တွေ့ရသည်မှာ Khamis, khamese စသဖြင့်။ ထိုရိုးရာဓလေ့၊ အမည်နာမသည် ချင်းအုပ်စုတွင်မပါဝင်ဘဲ သီးခြားဖော်ပြထားခြင်းကြောင့် စာရေးသူ အတော်ပင် အံ့သြ ၍မဆုံးဖြစ်ရပါသည်။ မိမိတို့သည် ချင်းလူမျိုးအုပ်စုထဲက တစ်ခုမဟုတ်ပေလော…ဟူ ၍။
ခူမီးဟူသော အမည်နာမ၏ အဓိပ္ပာယ်
အရာအားလုံးတွင် အမည်နာမရှိကြသည့် အလျောက် ၄င်းအမည်နာမတို့တွင်လည်း အမည်နာမ အလိုက်  အဓိပ္ပာယ် အသီးသီးရှိလေ့ရှိစမြဲပင်ဖြစ်သည်။ ထိုသို့ဆိုလျှင် ခူမီးဆိုသော အမည်နာမ၌လည်း  အဓိပ္ပာယ်ရှိနေမည်ဖြစ်သည်။ ကျွန်တော် ခူမီးလူမျိုးတစ်ယောက်အနေဖြင့် ခူမီးဟူသော အမည်နာမ၏ အဓိပ္ပာယ် ကို သိချင်သဖြင့် လက်လှမ်းမှီသလောက် ခူမီးလူကြီးများထံမေးမြန်းဖြစ်ခဲ့သည်။ ကျွန်တော် မေးမြန်းခဲ့သော လူကြီးများထဲတွင် တချို့မှာ ခူမီးသမိုင်းတွင် ရေးသားဖော်ပြထားသည့် အဓိပ္ပာယ် ဖွင့်ဆိုချက်အတိုင်း ပြန်ပြောပြနိုင်ခဲ့သကဲ့သို့ တချို့မှာ ကောင်းမွန်ရှင်းလင်းစွာ မဖြေကြား နိုင်ခဲ့ကြသည် ကိုလည်းတွေ့ရပါသည်။
ခူမီးဟူသော အမည်နာမကို ခူမီးလူမျိုး သုံးဦး မှရေးသော စာတမ်းများ တွင် တူညီသော အဓိပ္ပာယ် ဖွင့်ဆိုချက်များကိုတွေ့ရပါသည်။ အထက်ပါ ခူမီးပညာတတ် များ၏ အဓိပ္ပာယ် ဖွင့်ဆိုပုံမှာ အောက်ပါအတိုင်းဖြစ်သည်။ ခူ +မီး ဝေါဟာရ နှစ်လုံးကိုပေါင်းစပ်ထားခြင်းဖြစ်သည်။ “ခူ” ဟူသည်မှာ နယ်မြေ ဒေသ၊ ပိုင်နက်မြေ၊ ပိုင်ဆိုင်သူ ဖြစ်ပြီး “မီး” ဟူသည်မှာ သက်ရှိလူသား၊ လူကို ဆိုလိုပါသည်။ “ခူမီး”ဟူသော အဓိပ္ပာယ် မှာ ကိုယ့်အိမ်ကိုယ့်ယာ၊ ကိုယ့်နယ်မြေ၊ ကိုယ့်ပိုင်နက်နဲ့ နေသောလူ ဟူ ၍ဖြစ်ပါသည်။ သူတပါးထံခိုကပ်၊ မှီခိုနေထိုင်သော လူမျိုးမဟုတ်ပါ။
ခူမီးလူမျိုးများသည် ကပ်ပါးကောင် များမဟုတ်ကြောင်း၊ ကိုယ့်နယ်မြေ ကိုယ်ပိုင် ဒေသရှိသော လူမျိုးများဖြစ်ကြပြီး ခူမီးလူမျိုးဖြစ်ရခြင်းကို ရှက်ရွံ့နေစရာမလိုကြောင်းကို ခူမီးဟူသော အမည်နာမ၏ အဓိပ္ပာယ်ဖွင့်ဆိုချက်ကို နာလည်ပြီး ခူမီးလူမျိုးအဖြစ်ဂုဏ်ယူသင့်ပါကြောင်း…။
စွမ်းထက်မောင်(သဇင်မြေ) မေလ ၁၂ရက်၊ ၂၀၁၂ တွင် ရေးသားသည်။
ဝန်ခံချက်။ ။ ကျွန်တော်ရေးသားသောအချက်များသည် လုံးဝမှန်ကန်ပြည့်စုံပြီဟု မယူဆစေလိုပါ။ စာရေးသူ ဖတ်မှတ်လေ့လာသမျှကိုသာရေးသားတင်ပြရခြင်းဖြစ်ပါသည်။ အခက်ခက်အမျိုးမျိုးကြောင့် ကိုးကားစာအုပ်အပြည့် အစုံ မဖေါ်ပြပေးနိုင်ခြင်းကို ခွင့်လွတ်နားလည်ပေးကြပါရန် တောင်းပန်အပ်ပါသည်။
ကိုးကားချက်များ
၁။ ချင်းတိုင်းရင်းသား စာပေနှင့် ယဉ်ကျေးမှု ရိုးရာဓလေ့ထုံးတမ်းများ (၂၀၀၁) ရန်ကုန်။
၂။ Khumi Theological Students Fellowship မှ ၂၀၀၃-၂၀၀၄ ထုတ် ကီမိုအမြင်သစ် မဂ္ဂဇင်းမှ Saya Roger Than Maung( M.Div-MIT Term paper) Khumi Primitive စာတမ်း။
၃။ တက္ကသိုလ် ပထမနှစ် မြန်မာ့ရေးရာ (အဆင့်မြင့် ပညာ)
၎။ တက္ကသိုလ်ဝင်တန်း( သို့) ဒသမတန်း ပထဝီဝင် သင်ရိုးကုန်စာအုပ်
၅။ Rev. Pri vawi ၏ ခူမီး ဆောင်းပါးမှ။
၆။ စာရေးသူ ဖတ်မှတ်လေ့လာခဲ့သော ချင်းသမိုင်းများမှ။