ENC CHIARMAN KANGTHA Dr. LIAN HMUNG SAKHONG

Wednesday, kapho

Ethnics Nationalities Council ( ENC ) General meeting sa ra y 2008 saneng kaso vice chiarman sa nai Dr. Lian Hmung Sakhong ai lyn nai mi bawibawi angym kha 11 kapho y ENC chairman sa ra khai.

Vai my ryly CNF supreme Council hawi, Burma center for Ethnic Studies ( BCES ) Diretor hawi Chin National Council ( CNC ) ai chairman sa jo nai Dr. Lian H sakhong ly vai kaso sa ry i, saneng thum ryri ENC chiarman hawi ENC y pahawi ai.

Chiarman vawi nai bo y ENC General meeting speech pei nai theung y Dr. Lian H Sakhong my " Nang chi pany nai kamta ENC napi nai amyn so y rai kha ENSCC napi thym nai 2001- 2004 ryri General secretary kai sa. Huni ENC napi nai palai bo y 2004 - 2008 ryri General secretary amkhawm sa pajau khy rai kha alapa sa pi nai ne. 2008 saneng General meeting thym kha chairman sa ai vawi i kai sa nga y nai my Hte Bu Phe ( KNPP ) kavui paleung kahawi hawi kai ai khai. Ati mo nabyly kai chi ly sa nai mo y ( position ) bo y sa nai keung my sa hai ngai nai y ne, nanai thui.

ENC sa ansen kha kalop sa nai hawi thui ry i  Dr. Lian my ENC my Burma pri Democracy kavui abawi nai y, mawitleaungmi hawi Burma mi akawm nai rai  Ngathai  len keh nai ( equality ) kavui hawi saneng 60 cham y pri tavai sa nai vui py abawi i, Burma achora chi hawi ka-vum sa nai pri khrukhra, pri kajo tamen by y kavui a-eu pi nai tla, pri khrukhra nai ly mawitleaungmi chi abawi y ai kavui ajeng y ngai bo, achora chi cho leila y, mawitleaungmi kavui atho sa ry nai ne. Hunai deaungkho UN, USA, EU, ASIAN hawi kalang pri mang y py mawitleaungmi chi my momang atho sa nai tla. Mr. Razarli kaso Kambari ryri, UN my burma i Thangkau patla nai mi chi hawi javai my vamri kalop sa nai tla. Huni ha khyh ne y,i New York kai te kha UN my py ENC kavui lang ha pa-eaung pi. Washington DC president White House ryri palau adawn i USA Congress mang Senate ra Department ryri ENC my thui pi pachai i, kai chi pei  mang nai ENC i kalop sa nai ly momang ai speech pei ra  pany thai nai tla.

ENC my pri khrukhra kavui arum, apang ai nai ly vaini achora chi py ngai nai deaungkho mawitleaungmi chi ai, Theaung khai, Padei nai anawn kha akawm teng thai ai nai palau nai kavui y ENC thui leu sai ly note ne bo nanai mipui bawibawi chi py adawn nai tla.

Huni leaungsai by y Dr. Lian my ENC kalop ly vai mang sa ngan nai ne. Kai kalop sa nai vai mang Eaungmrang ra nga pajau nai ne.

Vaichi kha ly achora chi my mawitleaungmi chi ly maipho hawi amy chi i pri kavui yhm, lau by y nai my tavai sa nai hawi awm u nai tla, vai ly honi bawibawi leaungleaung ri anprei nai mang tym law bo. Huni deaungkho y ENC sa nai kamta ly pri kawi y pa,ri arum u nai chi my ( amy vui Rights ) ngathai kavui hawi federal pri lawn thai ai kavui atho sa u ai ngai bo, Thechinlandpost te thui pi nai tla.

ENC sa thym kha Burma pri achora ly prikawi arum ai nai kavui y burma pri khrukhra nai chi arum ai kai ym nai hawi my, vai achora chi py arum u ngaw khy nanai kai ym. hunai y vai achora kangtha, leu y ym, akheng hawi mawitleaungmi chi my thi hawi ngan hawi peh nai ly saneng 60 cham y pri khrukhra, patang nai ra, rai nai ra by y nai kavui achi bawibawi ym u si. ENC my sa nai kamta ly sa chum nai chi hawi ENC ly mawitleaungmi paleung akawm thai iy, Atho sa nai kamkawm council law thai ai kavui atho lo bi u si na, ENC General meeting y chairman pei nai bo y speech pei nai keung my kangkhyn thui pi bi nai tla.

Vai my ry ly ENC chairman ly Dr. Lian Hmung sakhong ne i, vice chiarman ly Pado Kwe Htoo ( KNU ) ne. General Sceretary ly Dr. Sui Khar ne. Dr. Sui Khar ly 2008 kaso General Sceretary sa bo nanai thai nai tla.

Translated by :Kaneth Hawi Sau

Soure: the chinland post