မျိုးဆက်သစ်ခူမီးလူငယ်များစိတ်ဓါတ်ရေးရာ ပြုပြင်ရေး (အပိုင်း-၅)

မကြာသေးခင်က ပလက်ဝမြို့နယ်လူမှုရေးအသင်း ရဲ့ တွေ့ဆုံဆွေးနွေးပွဲတစ်ခုမှာ ဒုတိယဗိုလ်မှူးကြီးမင်းလူးနဲ့ ခဏတာစကားပြောဖြစ်ခဲ့ပါတယ်။ ကျွန်တော်တို့ပြောခဲ့တဲ့ တချို့ကို ပြန်သတိရမိတယ်။ မှတ်မိသလောက်ပြန်ဝေမျှချင်ပါတယ်။

ခူမီးလူမျိုးတွေဟာတောင်ယာကိုမိရိုးဖလာအမွေအနှစ်တစ်ခုအနေနဲ့ စွဲစွဲမြဲမြဲလုပ်ကိုင်နေကြတယ်။ ခူမီးလူမျိုးတိုးတက်ဖို့အတွက် ဒီတောင်ယာလုပ်ငန်းတစ်ခုတည်းနဲ့ ဘယ်လိုမှ မဖြစ်နိုင်ဘူး။ အရည်အချင်း(အစွမ်းအစ)ရှိတဲ့ လူတွေများများပေါ်ပေါက်လာဖို့လိုပါတယ်။ အရည်အချင်းရှိတဲ့ လူ ၅ယောက်ကနေ ဆယ်ယောက်၊ ဆယ်ယောက်ကနေအယောက်တစ်ရာ၊ တစ်ရာကနေတစ်ထောင် စသည်ဖြင့် ဆင့်ပွားမွေးထုတ်ပေးဖို့လိုပြီ။ အဲဒီလိုမြှင့်တင်တဲ့နေရာမှာမီဒီယာကအဓိကကဏ္ဍတစ်ခုပါ။ ခူမီးမီဒီယာကနေတဆင့် အသိအမြင်တွေ ချပေးနိုင်မယ်လို့ မျှော်လင့်တယ်။

အရည်အချင်းရှိတဲ့လူတွေမွေးထုတ်တယ်ဆိုတဲ့နေရာမှာ ပလက်ဝမြို့နယ်မှာ လိုအပ်မဲ့နေရာ၊ လုပ်ငန်းအခွင့်အလမ်းတွေကိုရှာဖွေဖော်ထုတ်ပြီးအဲဒီလုပ်ငန်းခွင်တွေကို ကျွမ်းကျင်အောင် ပညာရယူနိုင်အောင် လုပ်ပေးဖို့လိုတယ်။

ထွက်လိုက်တဲ့ ဆေးရွက်ကြီးတွေ။ နှုံးတင်မြေနု မြစ်ကမ်းစပ်တစ်လျှောက် စိုက်ပျိုးဖြစ်ထွန်းတဲ့ ဆေးရွက်ကြီးတွေကိုအခြောက်လှန်းပြီးရခိုင်ပြည်ကိုပို့တယ်။ ရခိုင်ပြည်ကနေကိုယ်တို့ရောင်းလိုက်တဲ့ ဆေးရွက်ကြီးနဲ့ လုပ်ထားတဲ့ဆေးလိပ်ကိုတန်ဖိုးဆယ်ဆပေးပြီး ဘ၀င်ကျကျဝယ်သောက်တယ်။ ဘာညာဆေးပေါလိပ်လို့ နာမည်ပေးထားတဲ့ဆေးလိပ်ကိုအားပေးနေရင်းကိုယ့်လက်ထဲကဆေးရွက်ကြီးတွေကိုတော့ နည်းလမ်းတစ်မျိုးတစ်ဖုံနှင့် နာမည်ရအောင်လုပ်ဖို့ မသိ၊မေ့လျော့နေကြတယ်။ တွေးကြည့်ရင် စိတ်မကောင်းစရာပါ။

သစ်သီးတွေဆိုရင်လည်းသူ့ရာသီနှင့်သူ ဖြစ်ထွန်းနေတာပဲ။ သရက်သီးတွေ ပလက်ဝမှာ တစ်လုံးဆယ်ကျပ်အောက်မှာ  ဈေးနိမ်ပေးပြီးဝယ်တယ်။ ရန်ကုန်လိုမြို့ကြီးမှာဆိုတစ်လုံးကို လေး၊ငါးရာပေးဝယ်စား ရတယ်။ ဈေးကဘယ်လောက်တောင်ကွာလဲ။ အဆပေါင်းမနည်းကိုကွာဟနေတယ်။ ပလက်ဝမှာထွက်တဲ့ သရက်သီးတွေကို မြို့ကြီးတွေမှာရှိတဲ့ မားကတ်အထိတိုက်ရိုက်တင်သွင်းနိုင်မဲ့ လမ်းကြောင်းတွေရှာရမယ်။ ဒါမှမဟုတ်လည်းသစ်သီးတွေ အလေအလွင့်များရာကနေလျော့ချဖို့ ပလက်ဝမှာ အချိုရည်စက်ရုံတွေ လုပ်ဖို့စီစဉ်ရမယ်။ အစွမ်းအစရှိတဲ့ နည်းပညာသမားတွေကိုမွေးထုတ်ပေးရမယ်။ ဒီလိုကိုယ့်ဒေသမှာစက်ရုံရှိတော့ ကိုယ့်ဒေသကလူတွေလည်းအလုပ်တွေပေါ်လာမယ်။ သရက်သီးတွေကိုလည်းတစ်လုံးတစ်ဆယ်ကျပ်အောက်နဲ့ ရောင်းရမဲ့အစားရာဂဏန်းနဲ့ ရောင်းထွက်မယ်။ ဒီတော့ စိုက်တဲ့လူတွေလည်းတွက်ချေကိုက်တာကြောင့် ပိုပြီးများလာမယ်။ ၀ယ်တဲ့လူအတွက်လည်း သင့်လျော်တဲ့ဈေးနဲ့ ၀ယ်ယူနိုင်လိမ့်မယ်။ ဒီလိုလုပ်နိုင်ဖို့ အစွမ်းအစ၊ ရည်အချင်းပြည့်မီတဲ့ လူတွေများများလိုအပ်တယ်။ များများမွေးထုတ်ပေးသင့်ပါပြီ။

နောက်ပြီး ပလက်ဝအရက်။ ပလက်ဝမီးတောက်အရက်က အတော်ကိုစွမ်းတာ။ ပလက်ဝနယ်မှာ အစိုးရတာဝန် ထမ်းဆောင်ဖူးတဲ့ ၀န်ထမ်းတွေက ကျန်းမာရေးအတွက် ဆေးစပ်ဖို့ ပလက်ဝမီးတောက်အရက်ကို အဝေးကနေ လှမ်းမှာတတ်ကြတယ်။ ဒီလောက်ကောင်းတဲ့၊ စွမ်းတဲ့ မီးတောက်အရက်ကိုနာမည်ကြီးအောင်၊ Brand တစ်ခုရအောင် ထုတ်လုပ်နိုင်အောင် လုပ်ဆောင်သင့်တယ်။ အဲဒါကြောင့် နည်းပညာရှင်တွေလိုတာပေါ့။ ကျွန်တော်တို့ကတောင်ယာခုတ်ဖို့ပဲစဉ်းစားတော့ နည်းစနစ်တွေကိုဆန်းစစ် မြှင့်တင်ဖို့ စိတ်ကူးမရှိကြတော့ဘူး။ ဒီတော့ ပလက်ဝဒေသက ဘာမှမထွက်သယောင်ယောင်၊ ဘာမှလည်းမဖြစ်ထွန်းတဲ့ ဒေသလိုလိုလူတွေသိထားခဲ့ကြတယ်။

ခူမီးလူမျိုးထဲမှာ မွေးရာပါ ပါရမီအရ သီချင်းဆိုတော်တဲ့လူတွေ၊ ဂီတာတီးတော်တဲ့လူတွေ တခြားကျွမ်းကျင်တဲ့လူတွေ တော်တော်များများ ရှိခဲ့ဖူးတယ်။ အခုလည်းရှိနေမှာပဲ။ ဒီလူတွေကို မြှင့်တင်ပေးဖို့လိုတယ်။ ဘယ်လိုမြှင့်တင်ပေးနိုင်မလဲ နည်းလမ်းတွေရှာရမယ်။ ပေါက်ပေါက်မြောက်မြောက် ဖြစ်အောင် မွေးထုတ်ပေးရမယ်။ ဒီလိုတော်တဲ့လူတွေ သိမ်မြုပ်သွားနေတာ စိတ်မကောင်းစရာတွေချည်းပါပဲ။

ဒုတိယအနေနဲ့ လေ့လာချက်အရ ၀န်ဆောင်မှုလုပ်ငန်းအရမ်းအားနည်းတယ်။ ဘယ်မှာလဲတည်းခိုခန်း၊ ဟိုတယ်အဆင့်တော့မပြောချင်ပါဘူး။ တည်းခိုခန်းတောင်အခုထိမရှိသေးတာ။ ဘိုတည်းတစ်ခုပဲရှိတယ်။ သာမန်လူတစ်ယောက်အနေနဲ့ အလည်လာချင်ရင် ဘယ်မှာတည်းရမယ်မှန်းမသိ။ အသိရှိမှ အဆင်ပြေတယ်။ တခါတလေအသိမိတ်ဆွေအိမ်မှာတည်းရတာကလွတ်လပ်မှုမရှိတာတွေရှိတတ်တယ်။ အဲဒါကိုလည်းဘယ်သူတွေကဦးအောင်လုပ်မှာလဲ။ 

နောက်ပြီးသဘောတစ်ခုအနေနဲ့ ပြောပြရမယ်ဆိုရင် အိန္ဒိယ-ပလက်ဝကားလမ်း ဆောက်လုပ်ပြီးသွားရင် ကားဝပ်ရှော့ဆိုင်တွေလည်းလိုအပ်လာတော့မယ်။ အဲဒီလိုအပ်တဲ့ ကားပြုပြင်ဆိုင်ကိုဘယ်သူကဖွင့်နိုင်မှာလဲ။ ကဲ..လိုအပ်လို့၊ ငွေရှိလို့ဖွင့်တယ်..ထားပါဦး၊ ကိုယ်မကျွမ်းကျင် သိနားမလည်တဲ့လုပ်ငန်းကိုဘယ်လိုကိုင်တွယ်နိုင်မလဲ။ ဒါတွေကိုအခုကတည်းကစဉ်းစားပြီးအရည်အချင်းရှိတဲ့ လူတွေမွေးထုတ်ရတော့မယ်။ ဒီလိုမှမဟုတ်ရင် ဒေသခံတွေရဲ့ စားကွက်ကိုသူတစ်ပါးကို လှူဒါန်းလိုက်ရသလို ဖြစ်နေလိမ့်မယ်။ ကုသိုလ်လည်းမရဘဲကိုယ့်ဒေသခံတွေအတွက် အခွင့်အလမ်းတစ်ခုနစ်နာရပါလိမ့်မယ်။

ကာရာအိုကေဆိုလည်းမရှိသေးတဲ့ပလက်ဝဒေသက လူတွေ ရခိုင်ပြည်နယ်ရောက်တုန်းကာရာအိုကေဆိုင်တွေမှာအပန်းဖြေကြတယ်။ မကြာခင် ပလက်ဝမှာလည်း ကာရာအိုကေတွေ၊ KTV ဆိုင်တွေမဖြစ်မနေပေါ်ပေါက်လာတော့မယ်။ ဘယ်သူတွေကစပြီးလုပ်လိမ့်မယ်လို့တော့ မသိသေးဘူး။ ဒါပေမဲ့ တိုးတက်လာတာနဲ့အမျှ ပေါ်လာမှာတော့ အမှန်ပဲ။ တခြားနယ်ကလူတွေ လာပြီးလုပ်သွားရင် ငါတို့ဒေသခံတွေ အခွင့်အလမ်းတစ်ခုထိခိုက်ရပြန်ပြီပေါ့။

ပလက်ဝက ခူမီးတွေဘယ်မှာဆံပင်ညှပ်လဲ။ ဆံပင်ညှပ်ဆိုင်တောင် ကိုယ့်ဒေသကလူတွေမဖွင့်ကြဘူး။ သူများကိုပိုက်ဆံချောချောလျူလျူပေးကြတယ်။ လေကလေးနဲနဲလေးညက်တာနဲ့ ခံနေရတာငါတို့ဒေသကလူတွေပါ။ ဆံပင်ညှပ်တဲ့ လူတွေလည်းစွမ်းရည်မြှင့်တင်ရမယ်။ တော်ရင်တော်သလို ၀င်ငွေရကြမှာပဲ။ ၀န်ဆောင်မှုကို မြှင့်တင်ပြီးပေးရမယ်။

အားလုံးကို ခြုံပြီးပြောချင်တာကတော့ တစ်ဦးတစ်ယောက်ခြားစီ၊ တစ်သီးပုဂ္ဂလလုပ်ဆောင်နေမဲ့အစားရှိတဲ့ အင်အားတွေကိုစုပေါင်းပြီးလုပ်ဆောင်ရမယ်။ ချမ်းသာတဲ့ စီးပွားရေးသမားတွေ ရှိလာပြီလို့ သိရတယ်။ ၃-၄ယောက် သို့မဟုတ် အဖွဲ့အစည်းတစ်ခုဖွဲ့ပြီးလုပ်ငန်းတွေကိုလုပ်ဆောင်ရမယ်။

အခုနိုင်ငံတကာမှာလုပ်ငန်းအောင်မြင်သူတွေဟာလည်းတစ်ဦးတစ်ယောက်တည်းရပ်တည်နေတာမဟုတ်ဘူး။ အစုအဖွဲ့နဲ့ လုပ်ဆောင်ပြီးအောင်မြင်မှုတွေကိုတိုးချဲ့အကောင်အထည်ဖော်နေကြတာပါ။

နောက်ဆုံးတစ်ခုကတော့ ၀ယ်ယူအားပေးသူ (Customer)စားသုံးသူတွေအနေနဲ့ ကိုယ့်ဒေသကလူတွေကိုပိုပြီးအားပေးရမယ်။ အဲဒီစိတ်ကိုစွဲစွဲမြဲမြဲစွဲကိုင်ထားရမယ်။ အဲဒီလိုအခြေခံသဘောတရားတွေကိုခိုင်ခိုင်မာမာလိုက်နာလာတဲ့နောက်မှာတော့ တိုးတက်ဖို့ တစတစ မြင်သာလာပါလိမ့်မယ်။

အိုက်ပီတာလွယ်လူး( Lu Len) ၂၀၁၂ ခုနှစ် စက်တင်ဘာ ၂၃ ရက်နေ့ ည ၈ နာရီတွင် ရေးသားသည်။