 |
| photo: the Chinland Post |
CPP molam Falam ai angym nai U Khuan Ling my 5 September sa
nai pyitu luattaw y mawitleang pri awm nai mi chi chaleu kavui chaleu amtiu ai
nai Achora mang i leusai ajeng y leang bo nai hawi, class 4 amtiu nai kavui
mawitleang mi chi i chaleu ly, English cha hawi akom kha amtiu nai ngo na a?
deng nai leusai ai, Burma pri cheng nai ra amtiu nai Vawnchi U Aye Kyo my
mawitleang pri chi i cha-leu class ( 4 ) ryri amtiu nga ai
sa tla, na iy py pri
veri amphrei y nai kavui, adawn kha Englih cha hawi mawitleang mi cha-leu akom
kha amtiu ai nai kavui ly so y rai na pi nai pathang.
Burma pri Independent nga nai bo y U Ne Win sa nai thym kha
py mawitleaung mi chi i cha-leu ly, achora school amtiu ai nga i,
1988 pri veiri khrukhra nai y, Tavai mi mymy chi kiu theung la teang i
mawitleang mi chi i chaleu py tamen vui u nai tla. To iy py vai achora kangtha,
U Thein Sein lyn nai bo y mawitleang mi chi i chaleu, class ( 4 ) ryri
amtiu nga teang ai nanai thai nai tla.
Salo mang kamta ly cheng nai amtiu nai Vawnchi awm thym kha
U Aye Kyu my Chin MP pathang pi nai hawi amtawm ry iy, mawitleang mi cha hawi English
cha akom kha amtiu nai deaungkho pri veri leaungleaung amprei ai, jei hawi prai
nai chi ly, kai chi ly adawn pajau y nai tla.mawitleaung mi cha-leu amtiu ai pa-eaung
pa-eaung y nai chi ly pri veri amjen kha ly paleung angym y nai awm pajau nai
ne. Hinai amjy chi ly cheng ai tam’h khai y nai saipy ne y nai chi ne, nanai
cha-leu kavui atho la nai chin deaungdi leaung ri my The chinland post ai thui
pi nai ne.
Vai burma achora my mawitleang mi i cha-leu chi ly text book
sa kha pri veiri vawnchi office teang pei nai bo y, achora school ai
amtiu ai nga bo. Chin mi chi kavui ly vai pa,ri achora chi my Tedim chi, Hakha
chin, Falam chin hawi Mro ne y byly khumi chin chi py amtiu ai nga bo nanai
satang thai nai tla.
Kra y rai kha Burma president hawi cheang molam vawnchi hawi
avum nai ra school Division kaso Chin mi kocha vonchi Pu No Thang Kap my burma
pri cheing ra matiu vawnchi ly chin cha-leu ly nawi rawn amtiu y nai my,
official leu ha,ri awm thai ai nai, thui pi i, Vawnchi my tonai ne y Chin cha-leu
ly hini tleaung y open sa pi ai nai ngai rai pathang pi nai leu sai hawi Pu No
Thang Kap my facebook ra tajiu.
Translated by Ai Kaneth Hawi Sau
Source : the Chinland post
Myanmar Kyat Converter
Post a Comment
မွတ္ခ်က္ မ်ားကိုလြယ္ကူစြာ ေပးႏိုင္ပါသည္ ။ သို ့ေသာ္ မွတ္ခ်က္မ်ားကို စိစစ္ၿပီးမွ ေဖာ္ျပေပးမည္ ျဖစ္ပါသျဖင့္ ဤစာမ်က္ႏွာေပၚမွာ ခ်က္ခ်င္း ျမင္ရမည္မဟုတ္ပါ။ မၾကာခင္ ေနာက္တခါ ျပန္လာၿပီး မိမိ၏ မွတ္ခ်က္ကို ျပန္ၾကည့္ပါရန္ ေမတၲာရပ္ခံပါသည္။