Mizoram achora my chin,mi 73 vawi hai teung ai

Kip lo 31.10.2012

India mizoram achora my tikha y mizoram, champhai district, saikhumphai avang ai awm nai chinmi yhm datheung 11, bebe leaung 73 pri takhra mi teu nakha vawi hai teung ai nanai chinland Gurdain my tajiu.

Champhai district lu sa nai chi py Deputy commissioner abawi kha jangdyn kip lo kani 30 kha arum u ra y hinih chin,mi leaung 73 ly amy chi pri mang au teung ai nai thui.

Hinih yhm datheung leaung 11 ly Burma pri mang i tym nai ne i India pri mi ne nanai pra pajau y deaungkho ne achora my thui. Mizoram mymy ngai nai kamta jeu i ati akhing py vawi hai teung pajau i paryh py paryh pajau nai ne. Champhai DC hawi nenam ra i satang thai nai tla. 

Datheung 41 ai ly India pri i mi ne napi, leaung 73 rily saikumphai avangy saneng 10 ri chang y awm bo. Preung nai, na iy py tapom pajau y. India mi ha awm khyh tla na pi.

Hi datheung 11 chi ly Ration card mizoram achora my pei khypkhyp ne napi.

Hinih leaung 73 chi ly ID card py by y nai y, burma pri mang vawi hai teung byly ni chi i hen ra nga ai nai kavui khrikhri adawn hawi prai nai ne. 

India pri y hini chi ai ly awm hai pajau y. Hunih bo y burma pri i Mi ne nanai cha py by u y nai tla. Phrie nai sai khri rai prai nai ne nanai mizoram awm nai malawn hini leaungsai ly community awm nai leaung my thui.

Vaichi khala y hini mi chi ly tlennyh ri mizoram achora my paryh nai bo lusa nai amyn po ngai y nai leaung ri my thui.

Leu tapreang keung : Kanneth Hawi Sau