1962 saneng kha Burma pri veri ai, mymy chi i tavai mi chi hawi U Ne Win my ( a-na lawm ) nai satang ly nang chi bawibawi py pany u nai ne. Hunai thym kha U Ne Win my achi Burma pri veri manai kamta patlau mo, ni my manai kamta kalop sa mo? nanai chi ly achi khumi bawibawi ly pany keng ai nai athang khai nai ne. Achi khumi chi ai pany hai ngai nai y, kai nang chi teng thui pi nai tla. U Nu achora sa nai thym kha ly, prinei tleiri vawnchicheung chi py khai pi nai tla. Democracy hawi sa pi nai ne. U Ne Win achora lyn nai bo y prinei vawnchicheung bawibawi ai ly mymy i tavai mi kiu theung ai khai keng teang nai tla.Tavaimi chi my Burma pri veri amkhawm palum teang nai ne. Huni thym kha achi Burma pri ly khrikhri parei khrukhra nai my awm nai tla.
1963-64 saneng kha ly U Ne Win mymy ngai nai kamta Burma pri ly prinei, mary kapeang, avang atiti cheungkhang chi ai ngai nai kamta pala pi nai ne. Huni thym kha Burma pri
theung i nai kola mi bawibawi chi ai py mymy chi awm nai pri mang paryh teang nai tla. Kola mi chi ai atuv mang kha tui sangpho chi hawi mymy chi i pri Bangladesh mang py tha, phyrei chi ai ly India pri mang tha baw jo nai tla.
theung i nai kola mi bawibawi chi ai py mymy chi awm nai pri mang paryh teang nai tla. Kola mi chi ai atuv mang kha tui sangpho chi hawi mymy chi i pri Bangladesh mang py tha, phyrei chi ai ly India pri mang tha baw jo nai tla.
1965-66 kha U Ne Win ly India pri mang y khuleaung chei jo i, india vawnchicheung chi hawi, paryh jo nai kolah mi chi kavui ai manai sa ai mo nanai leaungleaung rei leu arum u nai tla. Huni leu arum nai bo kha y, U Ne Win ly kani salo mang akheang nai kakheang ha,rei van law nai tla bo. Huni van nai kakheang ly kheaunghang pei law nai y Burma pri tym hai kha byly, kakheaung ly phra veing ry nai tla. Huni bo y U Ne Win ly kakheaung van pei pajau y nai deaungkho achi khumi pri khaileaung kahyh ly India achora chi teang y pei jo law nai tla. Huni meitym mama moh nabyly ( Tlenkhaw - Mizoram ) pri ai awm nai tla. Jangni kha kasaikaleung tui theung satla kha dei jo nai meitym ( tui pang tui ken ) napi nai vai ( phura ) avang ahawi ai awm nai ne. Huni bo y akei tameaung, sangpho seih, kani anglo lam nai lengseung aku ryrei U Ne Win my India achora chi teang pei praw jo nai ne. Vaini neng ai ly huni khaileaung bebe chi ( mara- saiha District ) ni chi i meitym lawn jo nai tla bo. Achi khumi amjo, amnau chi awi pany u a? Achi khumi pri khaileaung ami chi ai pei jo nai satang ly, tikha achi khumi miteaung chi ly U Ne Win teang thui vang y nai maw, pany y nai maw, kai ly adawn kawp y na bo. hini khaileaung ai nhei teang u sina napi nai ne y ba. Nai deaungkho vaini thawndeang, anglo, deaungdi bawibawi ly amy i khumi pri tamo pajau y ai nai kavui leaungleaung rei amkawm kha, atho sa u ngai bo nanai amti pi nai tla.
Khaileaung pri ai jei hawi keh nai mi ly Kola mi chi ne. Hunai deaungkho achi khumi pri Palang Vum ai awm nai kola chi ai ly khai sang y bo. Khumi pri Palang Vum mary theung ai awm nai kola chi ly Kramo pri mang paryh teang thai u khyly khri hawi prai nai ne. Huni kola chi ly kangkhyn ai ly, achi khumi pri tym ryh tym ryh ai i, amchi i tuicho, amni, chaniu chi py phra keng ai i, khumi pri ly, mymy chi kola pri nanai tavai amtheu u ai. Achi khumi pri ly phra tleaung phra ra ai bo.
1. Achi khumi bawibawi vai kaso toni kola mi chi ai manai paryh mo? nanai atho sa, adawn u bawibawi khyly hawi prai ai naine.
Hunai y achi khumi bawibawi ly paleung ha,ri khai kha amkawm thai ai nai khrikhri alylen bo.( Namryn- sami ) tavo mang awm nai achi khumi, Jeaungpang mang awm nai achi khumi hini bawibawi leaungleaung rei amkawm thai pa,rei atho sa pajau khyly khri apu prai ai nai ne. Amy chi awm ai nai yhm ly amy chi my hawihai sa tla nai ne. Ami cheang ai sa hai nai yhm ly kra y nai my anawicheaungkhrang ai i, meity py tama ai. Amymy sa nai yhm ly khaw kheng ai i, Tameuh my py amtheaung ra pei ai.
2000 saneng kai my aju chi avang Thangtlang peng, sentung avang awm nai mi bawibawi chi ly, mymy chi i avang hawi ai nai kavui, avang ha,ha hawi mawtawka lam pajau pa,ri atho sa u tla. Ni chi ai tavai mi achora chi my Tangka tlau py sabawm nai by y. Mymy chi yhm y awm nai phalava, akei, tarawn chi hawi tai u nai tla. Kai py ni chi ai tabai nyn rei sabawm pi nai tla. Vai ly ni chi avang py mawtawka tym pajau nai tla bo. mymy chi my atho sa nai deaungkho vai mang ly achora chi teang, ni chi ly kasabawm neangneang nga u nai tla.
2011-12-13 achi khumi pri Jeaungpang tavo tui lam sa ai nai hawi, mawtawka lam sa ai nai kavui achora my sa pi ai, thui nai leu sai kai ly ni chi ai ym y nai tla. Ati manai mo nabyly U Ne Win achora sa thym kha achi khumi pri khaileaung India mang jo praw nai tla.
Nai kamta ly vaini U Thein Sein achora py kai ly ym y nai tla.
( Deaungdi tlo y rai kha, yhm sangphyn ) sa yp ai nai ngai bo.
Hunai y achi khumi anh’m, ampo, amjo, amnau bawibawi chi awi, U Thein Sein achora my India, Bangladesh chi hawi amtawm thai pa-rei lam sa pi nanai leu sai ly, achi khumi bawibawi khen jo, tahai jo ra ly teng y bo. Amchi khumi my koteang avang ha,ha hawi mawtawka lam peu pa,ri kamjau ryrei atho sa, adawn thai u khyly khri hawi prai ai nai ne.
Amsi, pajo chi my thi nai’ hawi atleu pi nai achi khumi pri ai, amchi khumi kypkyp my atho so u si na ba.
Tamang nai awm law byly pahen u kyh ba.
Kaneth. Ai Hawi Sau
Myanmar Kyat Converter
+ မွတ္ခ်က္ + 2 မွတ္ခ်က္
kai i tajyh pi nai cha ly ( sanba ) ne y ba. ( khumi histori ) py ne ry. Tonih ra y ( Tui pang tui ken ) ( Akie tameung ) ( sangpho sin) ( kani anglo ) lam nai leaungseaung toni chi ly ( achi ne y ) achi khumi i histori khypkhyp ne ba. Tonih 4 ri histori ly kai py tajyh ai nai akheng ngo rai nai y, tajyh y rai nai tla. Pahen u khyh ba. Achi khumi bawibawi ly athau u ai nai ngai bo.
khri hawi prai nai ne. pany sang nai chi y thui pi khri parei kawm prai
Post a Comment
မွတ္ခ်က္ မ်ားကိုလြယ္ကူစြာ ေပးႏိုင္ပါသည္ ။ သို ့ေသာ္ မွတ္ခ်က္မ်ားကို စိစစ္ၿပီးမွ ေဖာ္ျပေပးမည္ ျဖစ္ပါသျဖင့္ ဤစာမ်က္ႏွာေပၚမွာ ခ်က္ခ်င္း ျမင္ရမည္မဟုတ္ပါ။ မၾကာခင္ ေနာက္တခါ ျပန္လာၿပီး မိမိ၏ မွတ္ခ်က္ကို ျပန္ၾကည့္ပါရန္ ေမတၲာရပ္ခံပါသည္။