အင်္ဂလီကန်အသင်းတော်၏စာပေဌါနမှူး၊ ပလက်ဝလူမှုရေးအသင်းနှင့်ခူမီးစာပေ အဖွဲ့၏အမှုဆောင် အကြီးအကဲ ဦးစိုးသိမ်းနှင့် စကားပြောခြင်း

KMG - ဆရာ့ရဲ့ မိဘ၊ မွေးရပ်ဇာတိအစရှိသဖြင့်ပေါ့လေ နောက်ခံသမိုင်းလေး ဝေငှပေးပါဦး။

Lt. Soe Thein - ကျွန်တော့် နာမည်က စိုးသိမ်း၊ တိမောသေ(ခရစ်ယာန်အမည်)၊ Ai Pri Dai (ခူမီးအမည်)။ ကျွန်တော့်အဖေက ဦးအောင်စိန်၊ အမေက ဒေါ်လောက်ခင် (ခ) ဒေါ်လှခင်။ ကျွန်တော့မွေးဇာတိက ပလက်ဝမြို့နယ်၊ ကြိုင်ထင်းဝရွာ။ ၂၄.၃၁၉၆၄ နေ့မှာမွေးတာ။

KMG - ပညာရေးအနေနဲ့ ဆရာ့ ဖြတ်သန်းမှုကို သိပါရစေ။

 Lt. Soe Thein - ကျွန်တော် မူလတန်းပညာကို နှမဒါရွာ၊ အလယ်တန်းနဲ့ အထက်တန်းကို ပလက်ဝ၊ အထကမှာ ဆည်းပူးတယ်။  ရန်ကုန်(ပင်မ)မှာ အဝေးသင် မြန်မာစာနဲ့ ကျောင်းပြီးတယ်။ ထူးထူးခြားခြားတစ်ခုက ဗမာစကားတောင်ကောင်းကောင်းမပြောတတ်တဲ့ ခူမီးကလေး ကျွန်တော်က မြန်မာစာကို မဟာတန်းတက်ခွင့် ရတဲ့အထိ

ထိုက်ထိုက်တန်တန် အောင်မြင်ခဲ့တာ ကြိုးစားတဲ့ရည်မှန်းချက်ပြည့်လို့ အရမ်းဝမ်းသာမိတယ်။ မဟာတန်းတက်ဖို့က နောက်ခံမရှိလို့ မတက်ဖြစ်ဘူး။ သန့်ရှင်းသောကားတိုင် ဓမ္မတက္ကသိုလ်က B.Th ဘာသာရေးဘွဲ့နဲ့ ကျောင်းပြီးတယ်။

KMG - အခုလက်ရှိ တာဝန်ယူလုပ်ကိုင်နေတာတွေကိုလည်း ဝေငှပေးပါဦး။

Lt. Soe Thein - အင်္ဂလီကန်အသင်းတော် ရုံးချုပ်က စာပေမှာလုပ်တယ်။ ဒုဌာနမှူးတာဝန်ပါ။ စာရေး၊ စာဖတ်ဝါသနာပါတယ်ဆိုပေမယ့် တကယ့်လက်တွေ့လုပ်ငန်းခွင်မှာ ထိတွေ့တော့မှ မလွယ်မှန်းသိတယ်။ ကျွန်တော်မနိုင်နင်းတဲ့ အလုပ်လို့ဆိုရပါ့မယ်။

နောက်ပြီး ပလက်ဝမြို့နယ်လူမှုရေးအသင်း(ရန်ကုန်)ရဲ့ အမှုအဆောင်အဖွဲ့၊ အတွင်းရေးမှူးတာဝန်ကိုယူနေရတယ်။ တကယ်တော့ ဒီလိုအသင်းအဖွဲ့တွေမှာ ကျွန်တော့်အနေနဲ့ အချိန်လုံလုံလောက် လောက်မပေးနိုင်ပါဘူး။ ကျွန်တော့်မိခင်လုပ်ငန်းရဲ့ အနေအထားနဲ့ ဒီလူမှုရေးအသင်းအဖွဲ့မှာပါဝင်ရတဲ့ တာဝန်နဲ့ ဘယ်လိုမှ မဟပ်စပ်ဘူးလို့ ယူဆမိတယ်။ တာဝန်မှအနားယူတဲ့ လူကြီးသူမတွေ ဦးဆောင်သင့်တဲ့ အသင်းအဖွဲ့လို့ယူဆတယ်။ ဘာသာရေးအသင်းအဖွဲ့တွေမှာလည်း ဟိုဟိုဒီဒီပါဝင်တော့ ပိုဆိုးတာပေါ့။ ကလေးကလည်း ငယ်သေး။ ဇနီးကလည်း အစိုးရ၀န်ထမ်းဖြစ် ဆိုတော့ ကျွန်တော့်မှာ ကလေး နှစ်ယောက်အတွက် အပတ်စဉ် စနေ၊ တနင်္ဂနွေ အချိန်ပေးရတယ်လို့ မရှိသလောက်ဖြစ်နေတယ်။ မိသားစုအတွက် အမှားကျူးလွန်သလိုဖြစ်နေတယ်။

KMG - ဆရာတို့ လုပ်ဆောင်နေတဲ့ Khimi dictionary ရဲ့အခြေအနေတွေကိုလည်း ပြောပြပါဦး။

Lt. Soe Thein - Khumi dictionary က စာပေကော်မတီရဲ့ ရည်မှန်းချက်တစ်ခုပါ။ ခူမီးလူမျိုးစုတစ်ခုလုံးအတွက် ရည်မှန်းချက်ပါ။ dictionary တစ်ခုဖြစ်လာဖို့ဆိုတာ အခြားလူမျိုးတွေရဲ့ အဘိဓါန်ပုံစံကို ကြည့်ပြီးလုပ်ရင် ရတယ်လို့ ထင်နိုင်ပါတယ်။ ရကောင်းရမှာပါ။ ဒါပေမယ့် စံမီတဲ့အဘိဓါန်၊ မှန်ကန်ခိုင်မာတဲ့ အဘိဓါန် ဖြစ်ချင်မှဖြစ်မယ်။ ဒါက အဘိဓါန်အကြောင်းနားလည်တဲ့လူတွေကပြောပြရင် နားလည်မယ်။ Khumi Dictionary ကို ကျွမ်းကျင်တဲ့ပညာရှင် ဒေါက်တာ ဂျပ်စတင်(ခ) Eaung Hawi က လိုအပ်တဲ့အချက်အလက်အပြည့်အစုံနဲ့ အဘိဓါန်ပြုစုပေးမယ်လို့ သိရတယ်။ အခု ဒေါက်တာဂျပ်စတင်ရဲ့ အချိန်ပေးနိုင်မှုအပေါ်မှာ ကျွန်တော်တို့ ခူမီးအဘိဓါန်က ထွက်ပေါ်လာလိမ့်မယ်လို့ ယုံကြည်တယ်။ အချို့ကလည်း ခူမီးအဘိဓါန် ခုထိထွက်မလာနိုင်သေးတာကို အားမလိုအားမရ ဖြစ်ကောင်းဖြစ်ကြမယ်လို့ ထင်တယ်။ ကျွန်တော်တို့ ဒေါက်တာဂျပ်စတင်နဲ့ တစ်နေ့နေ့ ဆုံနိုင်ပြီးဆိုတာနဲ့ ခူမီးအဘိဓါန်အခြေအနေအပြည့်အစုံကို ပြောပြနိုင်မှာပါ။ တစ်ခုတော့ ပြောပါရစေ။ ခိုင်မာတဲ့၊ စံမီတဲ့ ခူမီးအဘိဓါန်ထွက်ပေါ်လာနိုင်ဖို့ စိတ်ရှည်ရှည်နဲ့ မျှော်လင့်နေပါလို့ပဲပြောပါရစေ။

KMG - ပလက်ဝမြို့နယ်လူမှုရေးအသင်းရဲ့ အခြေအနေနဲ့ လုပ်ဆောင်ချက်အသေးစိပ်ကိုပြောပြပါအုံး

Lt. Soe Thein - ပလက်ဝမြို့နယ်လူမှုရေးအသင်း(ရန်ကုန်) လို့ အပြည့်အစုံသုံးပေးစေချင်။ အချင်းချင်းကျတော့ ပလသ(ရက) လို့လည်းသုံးလို့ရပါတယ်။ လောလောဆယ် ပလသ လို့ပဲသုံးရအောင်။ ပလသ ကို ၁၉၉၂/၉၃ ကတည်းက စတင်တယ်လို့ပြောနိုင်ပါတယ်။ အစပြုတုန်းက အင်အားမရှိပေမယ့် အားရစရာကောင်းတယ်။ အခု အင်အားနည်းနည်းများလာတဲ့အချိန် လှုပ်ရှားမှုအပိုင်း နည်းနည်းလျော့ကျသွားသလားလို့ သုံးသပ် ချင်တယ်။ မနှစ်က နှစ်ပတ်လည်မှဆုံးဖြတ်တဲ့အတိုင်း လူမှုရေးအသင်းတိုက်ကို (၆)ထပ် အဆင့်မြင့်ဆောက်လုပ်ဖို့ စိုင်းပြင်းနေတယ်။ ဒီနှစ် နှစ်မကုန်မီ အသင်းတိုက်ကိုဖျက်ပြီး အသစ် စတင်ဆောက်လုပ်နိုင်မယ် လို့ ယုံကြည်ရတယ်။ အသင်းတိုက် စဆောက်ပြီဆိုတာနဲ့ ကျွန်တော်တို့ ဒီအသင်းရဲ့ တည်နေရာ ယာယီရွှေ့ပြောင်းရမယ်။ ဘယ်နေရာဆိုတာမသိရသေးဘူး။

ဒီအသင်းရဲ့ လုပ်ဆောင်ချက်က အမှုဆောင်အဖွဲ့ရဲ့ဆုံးဖြတ်ချက်အပေါ်အခြေခံပြီးဆောင်ရွက်တယ်။ ကျွန်တော်က ဒီအသင်းရဲ့ အမှုဆောင်အဖွဲ့မှာ အတွင်းရေးမှူးတာဝန်ကို ယူနေရသူပါ။ ဒါပေမယ့် မိခင်အလုပ်က အချိန်ပြည့် မအားလပ်အောင်ရှိနေတော့ လူမှုရေးအသင်းရဲ့ လုပ်ဆောင်မှု၊ အကောင်အထည်ဖော်မှုအပိုင်းကို အာရုံ မပြုနိုင်သလိုဖြစ်နေတယ်။ တကယ်လည်း ကျွန်တော်အချိန်မပေးနိုင်ပါဘူး။ အသင်းဝင်တွေရဲ့ ပူးပေါင်းမှု အားရဖွယ်မရှိတော့ အသင်းရဲ့ အခြေအနေက ယက်ကန်ယက်ကန်နဲ့သွားနေတယ်လို့ပဲ သုံးသပ်မိတယ်။
မနှစ်က နှစ်ပတ်လည်မှာ အလှူခံဖြတ်ပိုင်းနဲ့ ပံ့ပိုးမှုရနိုင်ဖို့ဆိုတာလည်း ခုထိဘာမှ သိသိသာသာမရှိ၊ ထိရောက်မှုအဖြေ မတွေ့ရသေးဘူး။ ဒါလည်း ကျွန်တော်တို့ အမှုဆောင်အဖွဲ့ အနေနဲ့ အချိန်မပေးနိုင်တဲ့အပေါ်မှာ အများကြီးမူတည်တယ်။ အသင်းဝင်အပိုင်းက ပါဝင်မှုက ဒုတိယပေါ့။ ဒါပေမယ့် ကျွန်တော်သိသလောက် အသင်းဝင်တွေရဲ့ ပူးပေါင်းမှုက ပထမဖြစ်ရမယ်။ အသင်းဝင်တွေရဲ့ အသင်းအပေါ် စိတ်ပါဝင်စားမှုက အမှုဆောင် တွေအပေါ်မှာ မူတည်နေတယ်လို့ထင်တယ်။ အမှုဆောင်လုပ်တာက အသင်းဝင်တွေထက် ခေါင်းတစ်လုံးသာလို့ လုပ်နေတာမဟုတ်ပါဘူး။ အသင်းဝင်တွေက တာဝန်ပေးတော့ အသင်းအတွက် ကိုယ်စွမ်း ရှိသမျှပါဝင်တဲ့သဘောလောက်ပဲလို့ ကျွန်တော်က မိမိကိုယ်ကို အဲဒီထက်မပိုဘူး။ ဘာကြောင့်လဲ။ ကျွန်တော့်မှာ ငွေအားမရှိ။ အချိန်မပေးနိုင်။ အရည်အချင်းမရှိလို့လေ။

ဒါပေမယ့် အသင်းဝင်တွေရဲ့ သာရေး၊ နာရေးကို လက်လှမ်းမီသလောက်တော့ ပံ့ပိုးတယ်။ ကူညီတယ်။ စည်းမျဉ်းစည်းကမ်းထက်ကျော်ပြီး အမှုဆောင်အဖွဲ့ရဲ့ ဆုံးဖြတ်ချက်နဲ့ လက်ရှိကာလအခြေအနေပေါ်မူတည်ပြီး လိုအပ်သလို ကူညီတယ်။
အခြား ပလက်ဝမြို့နယ်ရဲ့ အရေးအရာတွေမှာလည်း အမှုဆောင်အချို့ပါဝင်တယ်။ အသင်းအမည်နဲ့ပေါ့။ နောက်ပြီး လူကြီးသူမတွေဆီက အကြံဥာဏ်ယူတယ်။ အစိုးရတာဝန်ရှိသူတွေနဲ့လည်း တစ်လ၊ နှစ်လ တစ်ကြိမ် တွေ့ဆုံပြီး နည်းနာယူတယ်။ အဓိကက အသင်းရဲ့ ရပ်တည်မှု ခိုင်မာဖို့။ နိုင်ငံတော်ရဲ့ လိုအပ်ချက်နဲ့ ညီမျှဖို့ရည်ရွယ်ချက်ပါ။

KMG - လက်ရှိခူမီးလူမျိုးနှင့် စာပေအပေါ်အမြင်လေး။

Lt. Soe Thein - ခူမီးလူမျိုးအားလုံးက ရိုးသားတယ်။ ပွင့်လင်းတယ်။ တင်းတိမ်ရောင့်ရဲကြတယ်။ အဲဒါ ခူမီးလူမျိုးရဲ့ အနေအထားအမှန်၊ ရပ်တည်မှုတစ်ခုပါ။ ဒါပေမယ့် ဒီကနေ့ ဒီရပ်တည်မှုကို ခူမီးလူမျိုးတွေ ဖောက်လွဲဖောက် ပြန်မှုပြုနေကြပြီလားတော့ မိမိဖာသာပြန်မေးရမယ့်အရာပါ။ ဘာကြောင့်လဲ ရိုးသားမှု၊ ပွင့်းလင်းမှုကို အခွင့်ကောင်းယူပြီး၊ ၄င်းကိုအားနည်းအဖြစ်ပြောင်းပြီး အချို့က အကွက်ချ အနိုင်ကျင့်ခံရတော့ ကျွန်တော်တို့မှာ ရိုးသားမှု၊ ပွင့်လင်းမှု ရှိသေးရဲ့လားလို့ မိမိကိုယ်ကို ပြန်မေးကြရအောင်ပါ။ တင်းတိမ်ရောင့်ရဲတတ်ခြင်းဟာ ကောင်းခြင်းတစ်ခုပါ။ ဒါပေမယ့် တင်းတိမ်ရောင့်ရဲခြင်းရဲ့ အနက်အဓိပါယ်ကို ပျင်းရိခြင်းနဲ့ ထပ်တူပြုကြလေသလားတော့မသိပါဘူး။ ကျွန်တော်တို့ခူမီးလူမျိုးတွေမှာ အားနည်းချက်တစ်ခုက ကြိုးစားအားထုတ်မှုနည်းလွန်းခြင်းတစ်ခု၊ နောက်ပြီး ပူးပေါင်းဆောင်ရွက် ခြင်းရဲ့နောက်က အောင်မြင်မှုကို လက်တွေ့ မခံစားရသေးလို့ ညီညီညွတ်ညွတ်အားထုတ်လုပ်ဆောင်ရာမှာ အားနည်းလွန်းခြင်ကလည်းတစ်ခု လို့ ကျွန်တော်ကောက်ချက်ချချင်တယ်။

ပြီးယင် နေရာဒေသ၊ အချိန်ကာလရဲ့ လှည့်စားခြင်းကြောင့်လား စကားတွေကွဲပြား၊ ထုံးစံယဉ်ကျေးမှု အစစ ခြားနားလေတော့ အချင်းချင်းတောင် ခူမီးမစစ်သလို၊ နှိမ်ချင်သလို ဒါတွေကလည်း ကျွန်တော်တို့ ခူမီးလူမျိုးများ သတိထားရတော့မယ့် အချက်ထဲမှာ အရေးကြီးပါလိမ့်မယ်။ ကျွန်တော်တို့ ခူမီးလူမျိုးဟာ လူမျိုးကြီးတစ်မျိုးပါ။ ပလက်ဝမြို့နယ်အပြင် အခြားနေရာအသီးသီးမှာလည်း အများကြီးရှိနေပါတယ်။ စာရင်းအသိအကျမဟုတ်ရင်တောင် ပလက်ဝမြို့နယ်ပြင်ပက ခူမီးလူမျိုးပိုများဦးမလားမသိဘူး။ ဒါတွေကိုစုစည်းနိုင်မယ်ဆိုရင်..........။ စာပေနဲ့ပတ်သက်ပြီးပြောရမယ်ဆိုရင် ၁၉၂၀ ခုနှစ်ကျော်လောက်က ဆရာ ရော်လန်တို့ တီထွင်ပြုစုပေးခဲ့တဲ့ ခူမီးစာဟာ ကျွန်တော်တို့ ခူမီးမျိုးနွယ်စုတစ်ခုလုံးရဲ့ ဘုံစာပေ၊ သို့မဟုတ် မိခင်စာပေလို့ ပြောလို့ရပါတယ်။ ဒီနေရာမှာ အခုအချိန် လေမီးစာ၊ ခေါင်စိုစာ၊ တအောစာ၊ မြိုစာ အစရှိသဖြင့် စာပေတွေအမျိုးမျိုး တီထွင်ဖြစ်ထွန်းလာခြင်းဟာ ကျွန်တော်တို့ ခူမီးလူမျိုးစုတစ်ခုလုံးအတွက် အားတစ်ခုပါ။ ခူမီးမျိုးနွယ်စုထဲက ခွဲထွက်တဲ့သဘောလို့ တစ်ချို့ခံယူကြလိမ့်မယ်။ ကျွန်တော့်အမြင်က ဒါတွေဟာ ကျွန်တော်တို့ ခူမီးလူမျိုးနွယ်ရဲ့ လူမျိုးကြီးတစ်ခုဖြစ်ကြောင်း သက်သေတွေပဲလို့ မြင်တယ်။

ဒါပေမယ့် ၀မ်းနည်းဖို့ကောင်းတာက ဟိုးကတည်းကရှိနေတဲ့ ခူမီးစာ၊ မိခင်စာကို ဒီကနေ့ ခူမီးစာပါရဂူလို့  မိမိတို့ကိုမိမိတို့ယူဆပြီး ဂုရုတစ်ဆူလို မှောက်လှန်နေတာတွေတွေ့ရတယ်။ အဲဒီအကျိုးဆက်က ခူမီးစာရဲ့ Standard ကိုတော်တော်ထိခိုက်တယ်။ ခူမီးစာရဲ့ ကျစ်လစ်မှု၊ ခိုင်မာမှု၊ တည်ရှိမှုကို စော်ကားရာ   ရောက်တယ်လို့ ကျွန်တော်ဒီလိုသုံးနှုန်းချင်တယ်။ ခူမီးစာနဲ့ပတ်သက်ပြီး ပြင်ဆင်စရာအများကြီးပါ။ ကျွန်တော် ခူမီးစာကို မရေးတတ်ဘူး။ မကျွမ်းကျင်ဘူး။ နားမလည်ဘူး။ ဒါပေမယ့် စာပေရဲ့ သဘောသဘာဝကို တီးမိခေါက်မိတော့ လေ့လာထားချက်များအရ အခုလို အမြင်ကိုပြောတာပါ။ ဥပမာပြစရာ အများကြီးထဲက ဥပမာတစ်ခုပြပါ့မယ်။ ခူမီးလို ဟုတ်ကဲ့၊ မဟုတ်ဘူး ဆိုတဲ့ စကားနှစ်ခုကို ကျွန်တော် ဥပမာတစ်ခုအဖြစ် ချပြချင်ပါတယ်။ ဟုတ်ကဲ့ ခူမီးလို ne ။ မဟုတ်ဘူး ခူမီးလို  ny y ဘာကြောင့် ne y လို့ မသုံးတာလဲ။ ဒီကနေ့ ne ဆိုတာကို neng ဆိုပြီးသုံးတော့၊ ny y ဆိုတာက neng y လို့ ပြောင်းသွားတယ်။ ဒီလိုဖြစ်သွား တဲ့အချက်တွေကို ကျွန်တော်တို့ ဘယ်လိုလက်ခံရမလဲ။ ဒီလိုတွေပြောနေရင် လူကြီးသူမတွေကို စော်ကားရာရောက်တယ်။ ဒါပေမယ့် စဉ်းစားရင် ကျွန်တော်တို့ အဲဒီလူတွေကို စော်ကားတာထက်၊ ဟိုးအရင်က လူကြီးတွေကို သူတို့တွေ တော်တော်စော်ကားရာရောက်တယ်လို့ တစ်ဖက်က စဉ်းစားလို့ရတယ်။ ဒါတွေက အပိုစကားတွေဖြစ်ကောင်းဖြစ်မယ်။

ဘာပဲဖြစ်ဖြစ် စာပေရပ်တည်ဖို့အတွက် စာအုပ်စာပေများများထွက် လာပေါ်လာစေချင်တယ်။ ဒါပေမယ့် ခိုင်မာတဲ့၊ ကျစ်လစ်တဲ့ ခူမီးစာကို သုံးနှုန်းဖို့လိုတယ်။ မိမိအသံထွက်ရသလိုပေါင်းပြီး ခူမီးစာအသစ်ဖန်တီးခြင်းမျိုးကို အတတ်နိုင်ဆုံး ဆင်ခြင်ဖို့လိုတယ်။ စာအုပ်စာပေများ ထုတ်ဝေသူတွေကလည်း သေချာစိစစ်ပြီး သုံးနှုန်းစေချင်တယ်။ ဘယ်သူမှမဖျက်ဘဲ ခူမီးတွေက ခူမီးစာကို ဖျက်ဆီးနေတယ်ဆိုရင် ကျော်မကောင်းကြားမကောင်းမဟုတ်လား။ ခူမီးလူမျုးရပ်တည်မှုဟာ ခူမီးစာပေ တည်ရှိမှုအပေါ်မှာလည်း အရေးကြီးတယ်ဆိုတာသဘောပေါက်ပြီး ခူမီးစာရဲ့ ကျစ်လစ်ခိုင်မာမှု၊ ခူမီးစာရဲ့တည်ဆောက်မှု၊ ဖွဲ့စည်းမှု တာတွေကို ရှေးကခူမီးစာတွေကိုလေ့လာပြီး ခူမီးစာ အရှည်တည်တံ့ဖို့လည်း ကျွန်တော်တို့ရဲ့ တာဝန်ထဲမျာ တစ်ခုအဖြစ် မှတ်ယူစေချင်တယ်။ ခူမီးစာဟာ ကျွန်တော်တို့ ခူမီးလူမျိုးနွယ်စုတစ်ခုလုံးရဲ့ ဘုံစာပေ၊ မိခင်စာပေဖြစ်တယ်ဆိုတာ သတိရစေချင်တယ်။

KMG - ရှေ့ဆက်ပြီး လုပ်ဆောင်ရမယ့် ကိစ္စတွေကိုလည်း ပြောပြပါဦး။

Lt. Soe Thein - ရည်မှန်းချက်က မနိုင်ဝန်ထမ်းသလိုဖြစ်နေမလားမသိဘူး။ ဒီနေ့ ကျွန်တ်ာတို့ခူမီးလူမျိုး၊ ခူမီးမိသားစုတွေ စကားမတူ၊ ရိုးရာယဉ်ကျေးမှုဝတ်စားဆင်ယင်ထုံးဖွဲ့မှုမတူ၊ ခံယူချက်၊ ယုံကြည်ချက် မတူ ဖြစ်နေကြပေမယ့် တစ်အူတုံဆင်းညီအစ်ကိုတွေဖြစ်တယ်ဆိုတာ ခူမီးလူမျိုးတိုင်း လက်ခံနိုင်ဖို့ မိမိသိသလောက်၊ မှတ်မိသလောက်တော့ နည်းအမျိုးမျိုးနဲ့ ကြိုးစားလုပ်ဆောင်နေဦးမှာပဲ။ လူမျိုးတိုင်း မိမိတို့ရဲ့ ဘာသာစကားနဲ့ လိုက်လျောညီထွေဖြစ်မယ့် စာပေကိုလည်း ဖော်ထုတ်စေလိုတယ်။ ဒီလိုကွဲပြားခြားနားမှုတွေ ဘယ်လောက်ပဲရှိနေပါစေ။ ခူမီးမိသားစုဝင်ဖြစ်တယ်ဆိုတာကို ခံယူဆုတ်ကိုင်ထားစေချင် တယ်။ နောက်ပြီး လူမှုရေးအနေနဲ့လည်း သတ်မှတ်ချက်များရဲ့နောက် မလိုက်လွန်း၊ သတ်မှတ်ချက်များကိုလည်း ကျောမခိုင်းလွန်းတဲ့ လိုက်လျောညီထွေမှုရှိတဲ့ လူမှုရေးအခန်းကဏ္ဍတွေကို ပီပြင်အောင် တည်ဆာက် အကောင်အထည်ဖော်ချင်တယ်။

အထူးသဖြင့် လက်ခံယူနေရသေးတဲ့၊ အစဉ် ခံယူနေဆဲဖြစ်နေတတ်တဲ့ စိတ်ဓါတ်တွေကိုပြုပြင်ပြီး သူတစ်ပါးကို ပေးကမ်း၊ ကူညီတတ်တဲ့ အလေ့အထရှိလာတဲ့ လူမှုရေးအသိ ပြည့်ဝတဲ့ ပုဂိုလ်များဖြစ်လာဖို့လည်း တွန်းအားပေးနိုင်တဲ့အထိ ဆောင်ရွက်နိုင်ဖို့ မိမိကိုယ်ကို လိုအပ်တဲ့ကိရိယာတွေ တပ်ဆင်ဖို့လည်း လုပ်ချင်တယ်။ နိုင်ငံတော်ရဲ့ သွားတဲ့လမ်းကြောင်းကို ကျွန်တော်တို့ ခူမီးလူမျိုးတွေ နောက်လိုက်ပီသဖို့၊ အမီလိုက်နိုင်ဖို့၊ ပလက်ဝမြို့နယ်လည်း အောက်ဆုံး၊ နောက်ဆုံးမှာရှိနေရာကနေ ဦးဆောင်နိုင်တဲ့ စံပြဖြစ်တဲ့အထိ ကြိုးစားနိုင်ဖို့၊ စက်မှုထုတ်ကုန်အဆင့် မရောက်နိုင်ရင်တောင် မြေလွတ်မြေရိုင်းတွေကို ဖော်ထုတ်ပြီး စိုက်ပျိုးရေးထုတ်ကုန်ကို ဦးဆုံးအခြေခံပြီး မြို့နယ်အဆင့်ကနေ ပြည်နယ်၊ ထိုမှတစ်ဆင့် နိုင်ငံတော်အတွက် အကျိုးပြုတဲ့အထိ ဆောင်ရွက်နိုင်ဖို့ မိမိတို့ကို မိမိတို့ အသေအချာပြင်ဆင်ပြီး အရှေ့ကို အရှည်သဖြင့် ကြည့်တတ်မြင်တတ်ဖို့ စတဲ့ကဏ္ဍတွေအတွက် ဘယ်သူတွေနဲ့၊ ဘယ်အဖွဲ့အစည်းနဲ့ပူးပေါင်းရမယ်ဆိုတာတွေလည်း စဉ်းစားလုပ်ဆောင်ရမယ်။ ဒါတွေက လေထဲတိုက်အိမ်ဆောက်နေတာမဟုတ်ဘူး။ တစ်ကယ်ဖြစ်နိုင်ခြေရှိတဲ့အရာတွေပါ။

KMG - တခြားကော ဘာများ ဖြည့်စွက်စရာရှိပါသလဲ။

Lt. Soe Thein - ကျွန်တော်တို့မှာ လုပ်စရာတွေအများကြီးပါ။ ကိုယ်တိုင်လုပ်တတ်မှလုပ်မယ်ဆိုရင် ဘာမှဖြစ်လာမှာမဟုတ်ဘူး။ သိတဲ့သူ၊ တတ်တဲ့သူတွေကို အကူအညီတောင်းသင့်ရင်တောင်းရမှာပဲ။ အောက်ကျိုးတယ်လို့ တစ်ချို့ကပြောကြမယ်။ အောက်မှာနေတာပြီး အောက်ကျို့တယ်ဆိုတာကို ခံပြင်းစရာမရှိပါဘူး။ ကိုယ်တိုင်က ဘာမှမသိ၊ မတတ်တာအရေးမကြီးဘူး။ မိမိရဲ့အခြေအနေကို မိမိမသိတာ၊ မိမိရဲ့အဆင့်ကို မိမိနား မလည်တာ၊ မိမိဘာဖြစ်သင့်တယ်ဆိုတာကို မစဉ်းစားမိတာ၊ မိမိပတ်ဝန်းကျင်က မိမိကို ဘယ်အထိတက်လှမ်းပေးနိုင်တယ်ဆိုတာကို လေ့လာဖို့စိတ်မကူးတာက ပိုပြီးခက်ခဲတယ်။ ကျွန်တော်တို့အတွက် ရှေ့လှမ်း မယ့်ခရီးမှာ အဟန့်အတား၊ အဓိကတရားခံဟာ မိမိကိုယ်ကို မိမိမသိခြင်းပဲလို့ ကျွန်တော်က ခံယူထားတယ်။ လူအများစုက အဖွဲ့အစည်းတစ်ခုခုမှာ ပါဝင်မှ လူရာဝင်တယ်လို့ထင်ကြတယ်။

ကျွန်တော့်အမြင် ကတော့ မိမိဘယ်နေရာ၊ ဘယ်လိုအနေအထားပဲ ရှိနေရှိနေ။ မိမိအတွက်သာမက မိမိမြို့နယ်၊ မိမိလူမျိုးအတွက်ဆိုတဲ့ ခံယူချက်နဲ့၊ စိတ်ဓါတ်မှန်မှန်နဲ့ ဘာအလုပ်ပဲလုပ်လုပ် အကောင်းဆုံးလုပ်နေတယ်လို့ မြင်တယ်။ ဘာပဲဖြစ်ဖြစ် တစ်ခုခုတော့ လုပ်နေဖို့ပါပဲ။ မှားတယ်၊ မှန်တယ်ဆိုတာ သူတစ်ပါးက ဝေဖန်လိမ့်မယ်။ ပြီးမှ မိမိကိုယ်ကို ပြန်သုံးသပ်ဖို့ပဲ။ KMG လည်း ကိုလုပ်ရမယ့်အလုပ်ကို လုပ်နေပါ။ မှားတယ်၊ မှန်တယ်၊  ကောင်းတယ်၊ ဆိုးတယ်ဆိုတာ ဆင်ခြင်ခွဲခြားပြီး လုပ်တာပဲ။ ဒါပေမယ့် ဒါတွေကို သူတစ်ပါးက ဝေဖန်မှ မိမိရဲ့ အမှန်လို့၊ ကောင်းတယ်လို့ယူဆတာကို ပြန်လည်သုံးသပ်နိုင်မှာဖြစ်တယ်။ ဘာပဲဖြစ်ဖြစ် မိမိလုပ်ရမယ်ဆိုတဲ့ အသိရှိပြီး လုပ်နေဖို့၊ လုပ်ရဲ့ဖို့ပါပဲ။ ယုံကြည်ချက်အပေါ် သတိရှိရှိလုပ်ဖို့ပါပဲ။

KMG - KMG ကနေ တဆင့် ဆရာ့ရဲ့ အနာဂတ် ခူမီး နှင့် ပလက်ဝနယ်ရဲ့ မျှော်လင့်ချက်ကို ပြည်တွင်းပြည်ပ ခူမီးချင်းလူငယ်တွေဆီကို ပြောပြပါဦး။ 

Lt. Soe Thein - ပလက်ဝမြို့နယ်နဲ့ ကျွန်တော်တို့ ခူမီးမျိုးနွယ်စုအတွက် ကျွန်တော်ရဲ့ အနေအထားအရ သုံးသပ်ဖို့ဆိုတာ လက်ခံနိုင်စရာမရှိလောက်ပါဘူး။ ဘာကြောင့်လဲဆိုတော့ ကျွန်တော့်အနေနဲ့ ပလက်ဝမြို့နယ်နဲ့ ခူမီးလူမျိုးနွယ်စုအတွက် အထင်ကရဆိုတဲ့ ဂုဏ်ပုဒ်ဘာမှမရှိလို့လေ။ တစ်ကယ်တော့ ခူမီးလူမျိုးနဲ့ စာပေအပေါ် အမြင်မှာ ကျွန်တော်ရဲ့ အမြင်တစ်စေ့တစ်စောင်း ပါပြီးသားပါ။ ခူမီးလူမျိုးနွယ်စု အချင်းချင်း သွေးခွဲ တာ၊ ခွဲခြားစေတာမျိုးမရှိသင့်ပါဘူး။ ကာလရွေ့လျား၊ ဒေသခြားနားခြင်းအပေါ် လူတွေက ခံယူချက်၊ ယူဆချက်တွေ ပြောင်းလဲတတ်တာ ဓမတာပေမယ့် ခူမီးလူမျိုးဆိုတဲ့ အသိစိတ်ကလေးတော့ အမြဲ ရှိနေစေချင် တယ်။ အဲဒီလိုမှမဟုတ်ရင် ခူမီးဖြစ်ပြီး မိမိကိုယ်ကို ခူမီးလို့မခံယူချင်၊ ရှက်ကြောက်တဲ့ အနာဂတ်ခူမီးတွေဖြစ်လာနိုင်လို့ပါ။ အဲဒါက ခူမီးလူမျိုးနွယ်မပျောက်ရင်တောင် ခူမီးလူမျိုး မတိုးပွါးတဲ့အခြေအနေဖြစ်သွား လိမ့်မယ်။ ဥပမာမပေးအပ်ဘူးလို့ ယူဆရပေမယ့် ပြောကြည့်မယ်ဆိုရင် မိဘနှစ်ပါးစလုံး ခူမီးဖြစ်နေတာတောင် ဒေသက ခူမီးမရှိတဲ့နေရာမှာနေယင် အဲဒီဒေသက အမျိုးအနွယ်အဖြစ် ပြောင်းသွားတတ်တယ်။ အခုဆိုရင် ပလက်ဝမြို့နယ်အတွင်း အိနယနဲ့ ကားလမ်းပေါက်တော့မယ်။ ရှေ့ဆက် တိုးတက်စရာအများကြီးရှိတယ်။ လမ်းတော့ပွင့်ပြီ။ အဲဒီလမ်းကို ဘယ်လိုလျှောက်မယ်ဆိုတာ အရေးကြီးတယ်။

တစ်ယောက် တည်းရဲ့အား၊ တစ်ယောက်တည်းရဲ့အစွမ်းနဲ့တော့ ခရီးပေါက်မှာမဟုတ်ဘူး။ ဆမီးမြို့နယ်ခွဲလည်း ဖြစ်လာပြီ။ ကျွန်တော်တို့ ခူမီးလူမျိုးတွေအတွက် အခွင့်အလမ်းတွေက တောက်လျှောက်လာတော့မယ်။ ဒါပေမယ့် အချို့က မြင်သင့်တာမမြင်ဘဲ မိမိဆနတစ်ခုတည်းနည်း ဖျက်လိုဖျက်ဆီးသာ လုပ်နေဦးမယ်ဆိုရင် ကျွန်တော်အတွက် ရှေ့ရောက်နေတဲ့ ရွှေခွက် သူများဆီရွေ့သွားလိမ့်မယ်။

အချင်းချင်းအားမလိုအားမရ ညည်းညူ နေမယ့်အစား ကိုယ်တိုင်ခံစားပါဝင်ပြီး ကြိုးစားစေချင်တယ်။ မိမိရှိတဲ့နေရာက၊ မိမိတတ်တဲ့ပညာလေး၊ ရှိတဲ့အရာလေးနဲ့ ပူးပေါင်းပံ့ပိုးပါဝင် အားပေးကူညီမယ်ဆိုယင် တိမ်မြှုပ်နေတဲ့ပလက်ဝက ကမာအထိ ပေါက်မြောက်နိုင်လိမ့်မယ်။ ဒါတွေကို အမြဲနားစွင့်ပြီး အခြေအနေအရပ်ရပ်ကို သေချာသုံးသပ်ပြီးတော့ KMG ကလည်း မိမိတတ်နိုင်တဲ့ကဏ္ဍကနေ သတင်းအနေနဲ့ လိုအပ်သလို ပံ့ပိုးပေးဖို့ လိုပါလိမ့် မယ်။ ပလက်ဝမြို့နယ်အတွက် မျှော်လင့်ချက်အမျိုးမျိုးထားကြပေမယ့် ကိုယ်တိုင်ပါဝင်မှုမရှိယင် ပြည့်စုံလာမှာမဟုတ်ဘူးလို့သုံးသပ်ချင်တယ်။ နောက်ပြီး မဆီမဆိုင်လို့ပြောရမလား။ ပလက်ဝမြို့နယ် တိုးတက်ဖို့က မြို့နယ်အတွင်း ခူမီးလူမျိုးတွေ လျော့လျော့နေမယ်ဆိုယင် ဖြစ်နိုင်ပါ့မလား ဆိုတာလည်း စဉ်းစားသင့်တယ်။ ဒီတော့ ကျွန်တော်တို့ အခြေအနေအရ ပလက်ဝမြို့နယ်ကို ခွါနေရပေမယ့် တစ်ချိန်မှာ ကျွန်တော်တို့ ပလက်ဝမြို့နယ်အတွင် ပြန်စုပြီး အသိပညာ၊ အတတ်ပညာစုပေါင်းလျက် အများအားနဲ့ ကဏ္ဍအသီးသီးကနေ အားထုတ်မယ်ဆိုရင် ကျွန်တော်တို့ရဲ့ မျှော်လင့်နေတဲ့ အနာဂတ်ခူမီး၊ အနာဂတ်ခူမီးနယ်ဟာ တစ်ချိန် မှာလက်တွေ့ဖြစ်လာမယ်ဆိုတာကို ပြောချင်တယ်။ လေကြီးလေကျယ်ပြောနေတယ်လို့ ထင်လေမလားမသိဘူး။ လူတိုင်းလူတိုင်း ပြောတတ်တာမို့ ကျွန်တော်လည်း မိမိပြောတတ်သလို ပြောတယ်ဆိုခြင်းထက် ဖြစ်သင့်တယ်ထင်တဲ့အပိုင်းလို့ယူဆမိတဲ့အတွက် အမြင်ကိုအန်ထုတ်ခြင်းသာဖြစ်ပါတယ်။