ချင်းတိုးတက်ရေးပါတီ (တည်ထောင်သူနှင့် ဗဟိုအမှုဆောင်အဖွဲ့ဝင်)အိုက်စောမြနှင့် စကားပြောခြင်း

KMG: ဆရာ့ရဲ့ မိဘ၊ မွေးရပ်ဇာတိကိုပြောပြပါဦး
SM။ကျွန်တော့်ကို အဖေဦးသိန်းကျော်အောင်၊ အမေဒေါ်မအောင်က ၁၉၇၂ -ခုနှစ်မှာ ထရွန်အိုင် ( Torang vum ) မှာမွေးခဲ့ပါတယ်။

KMG: မိသားစုအကြောင်းနှင့် ဖြတ်သန်းခဲ့တဲ့ပညာရေး လမ်းကြောင်းကိုလည်း ဝေငှပေးပါဦး။
SM: ကျွန်တော့်အဖေက တိုင်းရင်းသားလူမျိူးများဖွံဖြိူးရေးအကယ်ဒမီ အပါတ်စဉ် (၁) ကျောင်းဆင်းပါ။ကျောင်းဆရာပေါ့။ အခုပင်စင်စားနေပါပြီ။သူကအရင်ပါတီကောင်စီ  ခေတ်မှာမြို့နယ်တရားသူကြီးအဖွဲ့ဝင်လုပ်ခဲ့ဖူးပါတယ်။ အမေကရိုးရိုးတောင်သူပါ။ အစ်ကိုက ဦးထွန်းရွေ အ.ထ.က မီးဇာမှာ။  ကျွန်တော်ကဒုတိယပေါ့။ ဦးထွန်းအောင်၊ ဒေါ်အုန်းခင်တို့ရဲ့သမီးကြီး မအေးအေးအောင်နဲ့ ၂၀၁၁မှာ အိမ်ထောင်ပြုပါတယ်။ ကျွန်တော် ၁၉၉၄ ကျမှဆယ်တန်းအောင်ပါတယ်။ ၂၀၀၀ မှာအဝေးသင်သက္ကသိုလ် ရန်ကုန်က၀ိဇ္ဇာဘွဲ့ရတယ်။ ပညားရေးမှာဒီလောက်နဲ့
ရပ်တန့်နေတာပါ။ နောက်ပိုင်း နိုင်ငံရေးထဲရောက်မှ Myanmar Egress ကဖွင့်တဲ့ Public Policy Training (၃)လ သင်တန်းတက်ဖူးတယ်။ နောက်တစ်ခုက Chaing Mai University နဲ့ VaHu Development ပူးပေါင်းပြီးလုပ်တဲ့ Local Governance Program (၁)လ တက်ဖူးတယ်။ Chaing Mai University မှာ အဲလောက်ပါပဲ။
KMG: ဆရာ အရင်ကထမ်းဆောင်ဖူးတဲ့တာဝန်တွေနဲ့ နိုင်ငံရေးလှုပ်ရှားမှုတွေကိုလည်း သိပါရစေ။
SM: ပွင့်ပွင့်လင်းလင်းပြောရရင်။ နိုင်ငံရေးလုပ်ရှားမှုထဲ မပါဝင်ဖူးပါဘူး။ Activist (တက်ကြွလုပ်ရှားသူ)မဟုတ်ဘူးပေါ့။ နိုင်ငံရေးက မစားကောင်းတဲ့အသီးလို့ဆိုသကိုး။ ဒီတော့လဲ မစားဝံ့ဘူးပေ့ါ။ တစ်ခါတစ်လေမျက်စောင်းထိုးတာကလွဲရင်။


KMG: လက်ရှိနိုင်ငံရေးပါတီနဲ့ ဆရာ့ရဲ့တာဝန် ကိုလည်းပြောပြပါဦး။
SM: လက်ရှိနိုင်ငံရေးပါတီက ချင်းတိုးတက်ရေးပါတီပါ။ Chin Progressive Party(CPP) ပေ့ါ။ ဗဟိုအမူဆောင်အဖွဲဝင်ပါ။ ကနဦးပါတီတည်ထောင်တဲ့ (၂၁) ဦးမှာပါဝင်ပါတယ်။ပါတီအမူဆောင်ထဲကထပ်မံဖွဲ့စည်းတဲ့စည်းကမ်းထိမ်းသိမ်းရေးကော်မတီ အဖွဲ့ဝင၊် နောက်ပြီး ပါတီစာစောင်ကော်မတီ အဖွဲ့ဝင်ပါ။

KMG: CNP နဲ့ CPPပူးပေါင်းရေးအခြေအနေဘယ်လိုရှိပါသလဲ။
SM: ဟုတ်ပါတယ်။ ကျွန်တော်က ပူးပေါင်းရေး Joint ကော်မတီဝင်တစ်ယောက်ပါ။ နှစ်ပါတီပူးပေါင်းရေးကိစ္စပြောရင် ပါတီစတည်ထောင်တုန်းကအခြေနေလေးစပြောချင်တယ်။ ကျွန်တော်က ၂၀၁၀ ရွေးကောက်ပွဲအတွက် ချင်းပါတီတစ်ခုရှိသင့်ပြီဆိုပြီး ဆလိုင်းကျဲအိုဗတ်ထောင်( CNPအထွေထွေအတွင်းရေးမူး) တို့နဲ့ဆွေးနွေးတဲ့အချိန်မှာ ဦးစွမ်းထိုက် တို့ဗိုလ်ကြီးဆလိုင်းကျော်ဇင်တို့လည်း ဟိုဘက် ဦးနိုထန်ကပ်( ယခု CCP ဥက္ကဌ) တို့နဲ့ဆွေးနွေးနေတဲ့အချိန်။ တစ်နေ့ကျတော့ နှစ်ဖွဲ့စလုံး အစည်းအဝေးလုပ်ကြတယ်။ အဲဒီမှာ ဗိုလ်ကြီးဆလိုင်းကျော်ဇင်က ” ဟေ. စောမြ.. ပလက်ဝမှာ ချင်းနှစ်ပါတီ ဖြစ်နေရင်မကောင်းဘူး ဦးစွမ်းထိုက်နဲ့တစ်ဖွဲ့တည်းပူးပေါင်းပါ။ငါကတောပါတီထဲပါမှာမဟုတ်ဘူး။ ဆိုတာနဲ့ကျွန်တော်ပူးပေါင်းလိုက်တယ်။အဲဒီအစည်းအဝေးမှာ ဦးဆောင်မူအပိုင်း ( တစ်ချို့ပုဂ္ဂိုလ်ရေးပါချင်ပါမယ်) မှာသဘောထားမတိုက်ဆိုင်လို့ CPP ရယ် CNP ရယ်ဆိုပြီးနှစ်ပါတီဖြစ်သွားတယ်။ အဲဒီနောက်ရွေးကောက်ပွဲဝင်ခဲ့ကြတာအားလုံးသိတဲ့အတိုင်းအောင်မြင်သင့်သလောက်အောင်မြင်ခဲ့ကြတယ်ဆိုပါတော့။ ဆိုတောနှစ်ပါတီပူးပေါင်းရေးပြောရင် ပူးပေါင်းမယ် ပူးပေါင်းသင့်တယ် ဆိုတဲ့ concept ပိုင်းကိုအားလုံးသဘောတူတယ်။ ခက်တာက ဘယ်လိုခရီးဆက်မလဲဆိုတဲ့Processပိုင်းမှာ သဘောတူညီမှုရဖို့ခဲယဉ်းနေတာ. အဲဒါလေးလုပ်ပြီးရင် ပူးပေါင်းဖို့်အတွက် အဆင်ပြေသွားနိုင်တယ်။

KMG: လက်ရှိမြန်မာ့နိုင်ငံရေးအပေါ်ဆရာ့ရဲ့အမြင်လေးပြောပြပါလား။
SM:ဒီမေးခွန်းကတော်တော်ဖြေရကြပ်တဲ့မေးခွန်းမျိုးပါ။ ဒီမှာအမြဲပြောလေ့ရှိတဲ့စကားက နိုင်ငံရေးပြောလို့ရှိရင် ဘယ်ရှုထောင့်ကနေပြောတယ်ဆိုတာပါ။ ဒီတော့ အခုကျွန်တော်ပြောတယ်ဆိုတာလည်းကျွန်တော့်အမြင်သက်သက်ပါလို့။မှန်တယ်မှားတယ်ဆိုတာနောက်တစ်ပိုင်းပေါ့။ကျွန်တော်လေ့လာမိသလောက်၊ကျွန်တော်မြင်မိသလောက်ကျွန်တော့်အမြင်ကိုပြောတာပါ။ ဒီတော့မြန်မာ့နိုင်ငံရေးဆိုရင် ကျွန်တော် ၂၀၀၈အခြေခံဥပဒေ၊ ၂၀၁၀ရွေးကောက်ပွဲကနေ အဲဒီကနေစဖြေချင်ပါတယ်။ အဲဒီတုန်းက ၂၀၀၈ အခြေခံဥပဒေကို လက်ခံသင့်၊မခံသင့် ၂၀၁၀ရွေးကောက်ပွဲ မ၀င်သင့်၊၀င်သင့် ဆိုတဲ့ Debate ကြီးလည်းရှိခဲ့တာကိုး။ တကယ်လည်း ၂၀၀၈ consittitionကစင်လုံးချောမဟုတ်ခဲ့ဘူး။ဒီ့အပြင်သူတို့ဘက်ကစိတ်ကြိုက်ရွေးချယ်သတ်မှတ်ပြီး ဒီအတိုင်းသွားရအောင်လို့ လှမ်းခေါ်တာမျိုးကိုး။ ဒါပေမယ့်ကျွန်တော်တို့လည်း အပြောင်းအလဲတစ်ခုအတွက် ဘာပဲဖြစ်ဖြစ် မျက်စိမှိတ်ရွေးချယ်လက်ခံခဲ့တယ်။ နိုင်ငံရေးပါတီဆိုတဲ့ ပလက်ဖေါင်းပေါ်ကနေ နိုင်ငံရေးအခင်းအကျင်းသစ် ( လွှတ်တော်) ထဲရသမျှလေးတိုးဝင်မယ် ဆိုတာမျိုးပေါ့။ ဆိုတော့ ဟုတ်ပြီ ကနေ့နိုင်ငံရေးအခင်းအကျင်းသစ်က မဖြစ်မနေပေါ်ပေါက်နေပြီ။ ဒီအခင်းအကျင်းသစ်က ကျွန်တော်တို့မျှော်မှန်းထားသလောက် ဖြစ်ရဲ့လားဆိုရင် NO! လို့ပဲပြောရမယ်။ ဒီနေရာမှာ ပြောရရင် နှစ်ပိုင်းရှိပါတယ်။ ရူ့ထောင့်နှစ်ခုပေ့ါ။ ပထမရူထောင့်ကဘာလဲဆိုရင် Democratization ဆိုတဲ့ ဒီမိုကရေစီ မဟုတ်တဲ့အခြေ အနေကနေ ဒီမိုကရေစီစနစ်ကို စတင်ပြောင်းလဲလာတဲ့ Process တွေပေါ့။ ဒီအခြေနေကစနစ်တကျသတ်မှတ်ထားတာမျိူးမဟုတ်ဘဲမဖြစ်မနေကြုံတွေ့ရမယ့်အခြေအနေလို့ဆိုရမယ်။နိုင်ငံတစ်ခုကဒီမိုကရေစီဟေ့ဆိုတာနဲ့နတ်ရေကန်ထဲပစ်ချသလိုမျိုး ချက်ခြင်းအရောင်ပြောင်းသွားတာမျိူးမှမဟုတ်တာ။ အဲဒီနိုင်ငံရဲ့ ရေခံ၊မြေခံ ၊ လူမူဓလေ့ နောက်ခံအခြေအနေစတဲ့အနေအထားအပေါ်မှာဒီမိုကရေစီမျိုးစေ့က ဘယ်လောက်မြန်မြန်ရှင်သန်ပေါက်ဖွားပြီဘယ်လောက်မြန်မြန်ကြီးထွားလာသလဲဆိုတာဘယ်သူမှကံသေကံမ ပြောလို့မရတဲ့ ကိစ္စပါ။
ဒီကျွန်တော်တို့ နိုင်ငံရေးအခြေအနေကိုကြည့်ရင် မြန်မာ့ရေခံမြေခံ မြန်မာ့လူမှုသမိုင်း နောက်ခံဆိုတာတွေနဲ့ ကျွန်တော်တို့လိုချင်တဲ့ ဒီမိုကရေစီစံနှုန်းတွေနဲ့က အဟပ်ညီဖို့ နှေးမလား၊ မြန်မလားဆိုတာ ပညာရှင်တွေခေါင်းစားရမယ့် ကိစ္စပါ။ နိုင်ငံတကာပညာရှင် ဥပမာ( ဖလောရင့်သက္ကသိုလ်က ဖီးလစ်ပီရှမစ်ထား) တို့ အဆိုပြုထားတဲ့ အရာတွေ ရှိပါတယ်။ နံပါတ် (၁) ဖြေလျှော့မူအဆင့် ( Liberalization ) ပေါ့။ နိုင်ငံရေးအရ ဖြေလျောပေးရတာပေါ။ အဲဒီနောက်မှာကူးပြောင်းရေးအဆင့် ( Transition ) က နံပါတ် (၂)။ အဲဒီအဆင့်မှာ ဒီမိုကရေစီ စနစ် ဖြစ်ထွန်းဖို့လိုအပ်တဲ့ ဥပဒေ၊ နည်းဥပဒေ အဖွဲ့အစည်းတွေတည်ဆောက်ရတာပေါ။ နောက်ဆုံးနံပါတ်(၃) ကျမှ ခိုင်မာရေးအဆင့် ( consolidation) လို့ဆိုပါတယ်။ ဒီလိုမျိုး အေးအေးညောင်းညောင်း ဖြစ်လာစရာ မြန်မာနိုင်ငံမှာလည်း ရှိမလားဆိုရင် ခင်ဗျားတို့လည်း သိတဲ့အတိုင်းဘဲ။ ကျွန်တော့်တို့ဆီမှာ စစ်ဘက်၊ အရပ်ဘက်ဆက်ဆံရေး ဒါမှမဟုတ်ယုံကြည်မူ တည်ဆောက်ရေးကိစ္စရှိမယ်၊ နောက်လူမျိုးစုပြဿနာ၊ နောက်တစ်တိုင်းပြည်လုံး တိုင်းအတာ စီးပွါးရေးကောင်းလာဖို့။ ဆိုတော ပြသနာက အများကြီးလို့ဆိုနိုင်တယ်။ တကယ်တည်ငြိမ်တဲ့အခြေအနေကိုရောက်ဖို့ (၂၀၂၀) လောက်မှန်းလို့ရနိုင်ပါလိမ့်မယ်။
နောက်ဒုတိယပိုင်းက အခြေခံဥပဒေပြဌန်းချက်တွေနဲ့ဆိုင်ပါတယ်။ စောစောကပြောသလိုဘဲ ဒီ၂၀၀၈အခြေဥပဒေက စင်းလုံးချောမဟုတ်ခဲ့ဘူး။ သေချာတယ်။ ဒီဖြစ်ပေါ်လာပုံကိုယ်၌က မဟုတ်တာ။ ဒီမှာ ဥပမာတစ်ခုပြောချင်တယ်။ ကလေးတစ်ယောက်မွေးလာတယ်ဆိုပါစို့။ ဒါမင်္ဂလာတစ်ပါးပေါ့။ သားသမီး ရတနာတစ်ပါးထွန်းကားဒါဘဲ။ ဒါပေမယ့်ရုပ်ဝါဒ အကြမ်းစားနည်းကြည့်မယ်ဆိုရင် ဒါလူယောင်္ကျားနဲ့ လူမိန်းမသံဝါပြုလို့ကလေးမွေးလာတာ မဟုတ်လား။ ဒီလိုပြောရင် နည်းနည်းရိုင်းပေမယ့် ဒါအမှန်တရားဘဲ။ ဒီတော့ ပြောစရာရှိတာက ဖြစ်စဉ် (Process) ပိုင်းပဲ။ ဖြစ်နိုင်ခြေရှိတာ (၁) မိသားဖသားပီပီတောင်ရမ်းပြီး နှစ်ဦးသဘောတူ၊ နှစ်ဖက်ဆွေမျိုးအသိုင်း အ၀ိုင်း ရွှေလမ်းငွေလမ်းခင်းပြီး အကြင်သတို့သား သတို့သမီး ကနေမွေးလာတယ်။ (၂) နှစ်ဖက်မိဘဆီ နားမဖောက်ခင် ချစ်သူတို့သဘာဝနယ်ကျွံပြီး၊ မဖုံးဖိနိုင်ဖြစ်ပြီးမှ အကျဉ်းရုံးလက်ထပ်တယ် ကလေးမွေးတယ်။ (၃) တစ်ခါအပျိုစင်သူဌေးသမီးက လက်သည်မပေါ်ဘဲ ကိုယ်လေးလက်ဝန် ဖြစ်လာတယ်။ ဒီတင်သူဌေးကြီးက အရှိန်အ၀ါသုံးပြီး သင့်တော်တဲ့လူငယ်တစ်ယောက်နဲ့ ပေးစားလိုက်တယ်။ ကလေးမွေးတယ်။ (၄) နောက်တစ်ခုက အင်အားနဲ့အကြမ်းဖက်ပြီး ကာမဆန္ဒကို အဓမ္မရယူလိုက်တယ်။ မထင်မှတ်ဘဲ ကိုယ်ဝန်ရကလေးမွေးသွားတယ်။
ဒီတောဥပမာ အရကလေးရတာချင်း အတူတူကျွန်တော်တို့ရဲ့ဆင်ခြင်တုံတရားက လက်ခံတာ နံပါတစ် အမျိူးအစားမျိူးပါ။ နောက်နံပါတ် ၂၊၃၊၄ စတာတွေကတော့ ကျွန်တော်တို့ရဲ့လက်ခံနိုင်စွမ်းတန်ဘိုး တဖြည်းဖြည်းကျသွားတယ် မဟုတ်လား။ ဒီမှာအာဏာသိမ်းလိုက်တာမျိုးက ဥပမာနံပါတ် (၄) နဲ့တူတယ်လို့ ကျွန်တော်ထင်တယ်။ ကျွန်တော်တို့ရဲ့ ၂၀၀၈အခြေခံဥပဒေက နံပါတ်ဘယ်လောက် နဲ့တူသလဲဆိုရင် ခင်ဗျားတို့ပဲ ဆုံးဖြတ်ပါ။ ကျွန်တော် မပြောချင်ဘူး။ ကျွန်တော်ပြောချင်တာက ဒီ၂၀၀၈ အခြေခံဥပဒေဟာ အခြခံမူမှာရှိတဲ့ concept ပိုင်းနဲ့ အဲဒါကိုအဓိပ္ပါယ်ဖွင့်ဆိုတဲ့ Process ပိုင်းကွဲလွဲနေတဲ့ အပိုင်းတွေရှိတယ်။ ဥပမာပြောရရင် အခြေခံမူမှာ ပြည်ထောင်စုစနစ် လို့ပြောတယ်။ဒါပေမယ့် တကယ်တမ်းပုံဖေါ်နေတာကတပြည်ထောင်စနစ်ဖြစ်နေတယ်။
ဒီလိုမျိူးတွေပေါ့။ ပြီးတော့ပြည်ထောင်စုအစိုးရ၊ လွှတ်တော်နဲ့၊ ပြည်နယ်အစိုးရ၊ လွှတ်တော်တွေ သီးခြားရပ်တည်ရမှာ။ ဆိုလိုတာကပြည်နယ်အစိုးရက ပြည်ထောင်စုအစိုးရလက်အောက်ခံမဟုတ်သလိုဘဲ ပြည်နယ်လွတ်တော်ကလည်း ပြည်ထောင်စုလွှတ်တော်ရဲ့လက်အောက်ခံအဖွဲ့အစည်းမဟုတ်ဘူး။ အခုဒီပုံသဏ္ဍန်ပေါ်မလာဘူးလေ။နောက်ပြီးအုပ်ချုပ်ရေးဆိုင်ရာ ဗျူရိုကရေစီယန္တယားကို လည်းတပြည်ထောင်စနစ်အတိုင်းပဲ ဗဟိုကနေအောက်ခြေအထိသွားနေတာ ခင်ဗျားတို့လည်း အမြင်ပဲ။ ကျွန်တော်ထင်တယ် အခုအုပ်ချူပ်ရေးစနစ်က ၁၉၇၂ စနစ်သစ်အုပ်ချူပ်ရေးပုံစံ အတိုင်းသွားနေတာ။ ဒီနေရာကြုံလို့ပြောရအုံးမယ် ၂၀၁၀ ရွေးကောက်ပွဲတုန်းက ကိုအောင်ကြီး( ဦးအောင်ကြီး ထရွန်အိုင်ရွာ) နဲ့တွေ့တော့ ဒီအခြေခံဥပဒေကို သူပေးတဲ့မှတ်ချက်က သိပ်မှတ်သားဖို့ကောင်းတယ်။ ၂၀၀၈ အခြေခံဥပဒေက အဆောက်အဦးအပေါ်ပိုင်းကိုသေသေချာချာလုပ်ထားတယ်တဲ့။ ဒါပေမယ့် မြေညီထပ်အပိုင်းက ဟာလာဟင်းလင်းပဲတဲ့ ၊ သူပြောတာ။အဲဒီတုန်းက ကျွန်တော်လည်း ရွေးကောက်ပွဲဝင်မယ် ဆိုတဲ့အတွေးတွေနဲ့ မွှန်နေတော့ သူပြောတာသိပ်သဘောမပေါက်လိုက်ဘူး။ အခုမှသဘောပေါက်တာ။ ပြည်ထောင်စု အစိုးရ၊ ပြည်ထောင်စုလွတ်တော်( အမျိုးသားလွတ်တော် + ပြည်သူ့လွတ်တော်) အားလုံးအိုကေပဲ။ ကျွန်တော်တို့မထင်မှတ်ထားတဲ့ ပြေလျှောမှုတွေ၊ ဆုံးဖြတ်ချက်တွေ၊ နောက်ပြီးအစိုးရနဲ့ လွတ်တော်အပြန်အလှန်ထိန်းညှိသွားတာတွေ မျက်လှည့်ပြသလား အောက်မေ့ရတယ်။ အဲဒီမှာ ပြည်နယ်အစိုးရတွေ၊ လွတ်တော်တွေက အရွေ့ခက်နေတယ်။ တကယ်ပြောကြစတမ်းဆိုရင် ပြည်နယ်အစိုးရတွေမှာ ၀န်ထမ်းမရှိဘူး။ အခုသူတို့သုံးနေတဲ့ဝန်ထမ်းတွေက ပြည်ထောင်စုအစိုးရ၀န်ထမ်းတွေပဲ ဒီတော့အခုလက်ရှိဝန်ထမ်းတွေက ဘယ်သူ့ကိုတာဝန်ခံမလဲ။ သေချာတာက ပြည်ထောင်စု အစိုးရကိုပဲတာဝန်ခံမှာပေါ့။ ပြည်နယ်အစိုးရကိုလည်း တာဝန်ခံရတယ်လို့ပြောရင် သူတို့က လစာနှစ်မျိုးရတာလား။ ပြည်ထောင်စုအစိုးရလစာနဲ့ ပြည်နယ်အစိုးရလစာ နှစ်မျိုးရတာလား။ အဲတာတွေကို ပုံဖော်ပြီးပြတ်ပြတ်သားသားလုပ်နိုင်ရင် ကနေ့တွေမြင်နေရတဲ့ လူမျိုးစုပြဿနာတွေလည်း ချူပ်ငြိမ်းသွားစရာရှိတယ်။ အဲဒါမှကျွန်တော်တို့ပြောပြောနေတဲ့ ပြည်ထောင်စုစနစ်၊ ဗဟိုချုပ်ကိုင်မှုလျော့ချရေး (Decentralization) ဆိုတာ ဖြစ်လာမှာ မဟုတ်လား။ ဒီနေရာမှာ မဖြစ်မနေပြောရမယ့် ကိစ္စတစ်ခုရှိတယ်၊ အဲဒါဘာလဲဆိုရင် မြန်မာနိုင်ငံဟာ ၁၉၈၇ ခုနှစ်ကတည်းက LDC( Least Development Country) ဖြစ်နေတာ။ LDC နိုင်ငံသာဖြစ်တာ LDCနိုင်ငံတွေရတဲ့ အခွင့်အရေးလည်းရတာမဟုတ်ဘူး။ ဒီကိစ္စဘယ်လိုရုန်းထွက်မလဲ ဒါလည်းပြဿနာအကြီးကြီးပဲ။ အဲဒါတွေ အကောင်အထည်ဖော်လာဖို့ နိုင်ငံသားတိုင်းမှာတာဝန်ရှိတယ်။ ဒါကျွန်တော်မြင်တဲ့ဒီနေ့ မြန်မာ့နိုင်ငံရေးပဲ။

KMG: ချင်းပါတီတွေရဲ့ နိုင်ငံရေးလှုပ်ရှားမှုအပေါ်မှာရောဘယ်လိုမြင်ပါသလဲ။
SM:ကျွန်တော် CPPကိုစထောင်ကတည်းက ပါတီတည်ဆောက်ရေးကိုပဲ ဦးစားပေးချင်ခဲ့တယ်။ လွတ်တော်ထဲရောက်မဲ့သူတွေကို control လုပ်နိုင်ဖို့ပေါ့။ ခုထိတော့ ရည်ရွယ်တဲ့အတိုင်းမဖြစ်လာသေးဘူး။ ခုလက်ရှိချင်းပါတီတွေက CPP/CNP/ENDP ပြီးတော ZDC အရှိုချင်းအမျိုးသားပါတီရယ်ဆိုပြီးတော ရှိတယ်။ အရှိုချင်းပါတီက CNP နဲ့လက်တွဲတာဆိုတော အတူတူပဲ။ ENDP နဲ့ ZDCတို့က ဘာနိုင်ငံရေးဦးတည်ချက်တွေနဲ့ သွားနေလဲဆိုတာ ကျွန်တော်လည်း မသိဘူး။ ဒီမှာ ချင်းပါတီကြီးလို့ဆိုရမှာ နှစ်ပါတီရှိတယ်။ CPPရယ် CNPရယ်။ ဒီပါတီတွေလည်း သက်တမ်းကနုသေးတော့ အကောင်ထည်ဖော်မှုအပိုင်းမှာ ဘာလက်ဆုပ်လက်ကိုင် ပြစရာရှိအုံးမှာလဲ။ ဒါတော့နားလည်ပေးရမှာပေါ့။ ကျွန်တော်ဖြစ်စေချင်တာက နိုင်ငံရေးပါတီတွေက လူထုအကြိုက်လုပ်ရတယ်ဆိုတာ ဟုတ်သလောက်ဟုတ်ပါတယ်။ လုပ်ကြပါ။ ဒါပေမယ့်ကိစ္စတိုင်းကို မလိုအပ်ပဲနိုင်ငံရေးလက်နက်အသွင်အသုံးချတာမျိုးတောရှောင်သင့်တာပေါ။ တခြားလုပ်စရာတွေမများကြီးပါ။ ပါတီတွင်း အဖွဲ့စည်း ခိုင်မာရေး organization development ဆိုတာ ပါတီရေရှည်တည်တံ့ရေးအတွက် အခရာကျတာပဲ။ National Interest ဆိုပြီး Personal Interest ပါလာတာမျိူးလည်းရှိနိုင်တာပဲ။ ဒါလူ့သဘာဝကိုး။

KMG: ဆရာ့ရဲ့နိုင်ငံရေးသဘောထားနဲ့ခံယှုချက်ကိုသိပါရစေ။
SM: ကျွန်တော်ရဲ့နိုင်ငံရေးခံယူချက်ဆိုရင် ဒါလည်းတော်တော်ရှည်ရှည်ဝေးဝေး ပြောရမယ်ကိစ္စပဲ။ ဆိုတောကျွန်တော် တစ်ချက်ချင်းပြောပါ့မယ်။
(၁) လူတိုင်းနိုင်ငံရေးလုပ်သင့်တယ်လို့ကျွန်တော်ခံယူတယ်။ ဒါဘာလဲဆိုတော လူတစ်ယောက်မွေးရာကနေ သေတဲ့အထိ၊ ညအိပ်ရာဝင်၊ မနက်အိပ်ရာထ အကုန်လုံး နိုင်ငံရေးနဲ့အကျူံးဝင်တယ်။နိုင်ငံရေးနဲ့လွတ်ကင်းတဲ့ ကိစ္စကတစ်ခုမှမရှိဘူး။ လူတွေရဲ့နိစ္စဓူဝ လိုအပ်ချက်ဖြစ်တဲ့ ကုန်လုပ်ပစ္စည်းတွေ ( means of productions )ကို နိုင်ငံရေးအရဆုံးဖြတ်ချက်ချပြီး ထုတ်ယူသုံးစွဲရတာဆိုတော နိုင်ငံရေးနဲ့ကင်းတဲ့ သူဆိုလို့ အရူးနဲ့ခွေးပဲကျန်မယ်။
(၂) ဘယ်လိုအခြေနေမှာပဲ ဖြစ်ဖြစ် နိုင်ငံရေးကိုတက်နိုင်သလောက် လုပ်ရပါမယ်။
ပလက်ဝရောက်တုန်း ကျွန်တော့်ဦးလေးက တိုးတိုးလေးပြောတယ်။ မင်းနိုင်ငံရေး လုပ်တယ်ဆိုတော့ ပိုက်ဆံရှိမှကောင်းတာ။ မိသားစုစီးပွါးရေးကို အရင်ကြိုးစားအုံးတဲ့။ သူပြောတာလည်း မှန်သလောက်မှန်ပါတယ်။ ကျွန်တော့်တို့ကိုဘာလို့ဒီစကား ပြောတယ်ဆိုတာလည်း ကျွန်တော်သိတယ်။ ရွေးကောက်ပွဲကာလ၊ နောက်၂၀၁၁ ပလက်ဝတစ်ခေါက်ရောက်တုန်းက ပါတီကလူအချို့ကကျွန်တော့်ကိုငွေရေးကြေးရေးနဲ့ ပါတ်သတ်ပြီးကျွန်တော့်အပေါ်အထင်လွဲ မှုတွေရှိတယ်။ အဲဒါကိုဦးလေးသိတော့ ကျွန်တော်ကိုလာ သတိပေးတာ။ သူကျွန်တော့်အပေါ်တော်တော်လေးး ချစ်ရှာတာကိုး။ ဆိုတော့ ပြောချင်တာက နိုင်ငံရေးဆိုတာ ပိုက်ဆံရှိတာ၊ မရှိတာနဲ့မဆိုင်ဘူး။ လုပ်သင့်တာဆိုရင်လုပ်ရမှာပဲ။ ပိုက်ဆံချမ်းသာမှ နိုင်ငံရေးလုပ်မယ် ဆိုရင် ကျွန်တော်ဘယ်တော့မှ နိုင်ငံရေးထဲရောက်လာမှာမဟုတ်ဘူး။ ဘာလဲဆိုတော ကျွန်တော်ကပိုက်ဆံချမ်းသာတဲ့ကောင်မဟုတ်ဘူး။ မျိုးရိုးနဲ့ကို မချမ်းသာတာ။ ပြီးတော့ ငွေရေးကြေးရေးကို ငမ်းငမ်းတက် မက်မောတဲ့ လူစားမျိူးမဟုတ်ဘူး။ ဒါလည်းမျိုးရိုးနဲ့ပဲ။ ကျွန်တော့်အဖေဆို အရင်ကောင်စီခေတ်ကမြို့နယ်တရားသူကြီးအဖွဲ့ဝင်ဖြစ်တယ်။ ကျွန် တော့်အဖေ လက်စားသလားမစားလားအဖေ့ကိုမမေးနဲ့။ နေတဲ့အိမ်ကိုပဲကြည့်။ အဲဒီအိမ်လေးကိုပဲ ကြည့်။ အဲဒီအိမ်လေးတောင် ကျွန်တော့်ညီဆောက်ထားပေးတာ။ ခက်တာက အဲဒီရွေးကောက်ပွဲတုန်းက ကျွန်တော်စည်းရုံးရေးဆိုပြီးရောက်လာတော့ တစ်ချို့ပုဂ္ဂုလ်များက ငွေတွေအထုတ်အထည်နဲ့ ပါလာတယ်ထင်သေးတာ။ နေမကောင်းလို့ဆေးရုံ(၁၀)ရက်တက်လိုက်လို့ ကျွန်တော့်အမေ တစ်သိန်းလောက် ကုန်သွားတာ ဘယ်သူမှမသိလိုက်ဘူး။ ဒါဘာပြောတာလဲဆိုရင် နိုင်ငံရေးဆိုတာ ခရီးကြမ်းတစ်ခုပါ။ ဒါပေမယ့် ဘယ်အခြေအနေပဲဖြစ်ဖြစ် လိုအပ်တယ်ဆိုရင် လုပ်ကိုလုပ်ရပါမယ်။ နောင်လာနောင်သားအတွက် နိုင်ငံရေးလမ်းရှင်းပေးထားရမယ်။
(၃) နိုင်ငံရေးဟာ လူမှုပရဟိတကြီးပါ။ ဒီမှာ ကိုနေမျိုးဝေ (မတူကွဲပြားခြင်းနဲ့ငြိမ်းချမ်းရေး ပါတီ)ရဲ့စကားကိုဝေမျှချင်ပါတယ်။ ပြစ်မှု(ခိုးမှု၊မုဒိန်းမူ) တွေကို သာမန်အရပ်သားတွေ လည်းကျူးလွန်နိုင်ပါတယ်တဲ့။ ဒါပေမယ့် မတရားမှု(အဓမ္မမှု)ကိုတော့ဖြင့် ပိုက်ဆံချမ်းသာတဲ့လူနဲ့ အာဏာရှိတဲ့လူတွေကကျူးလွန်နိုင်ပါတယ်တဲ့။ ဒါသိပ်မှန်တဲ့ စကားပဲနိုင်ငံရေးဆိုတာလည်း မတရားခံရမှု၊ မညီမျမှုတွေကိုနစ်နာသူဖက်ကခံတိုက် ပေးရတာပါ။ တွေးတက်ရင်လူမူ ပရဟိတလုပ်ငန်းကြီးပါ။ ကျွန်တော့်သူငယ်ချင်းတစ် ယောက်ပြောဖူးတယ် သူကနိုင်ငံရေးပါတီ စိတ်မ၀င်စားဘူးတဲ့။ အမျိုးသားနိုင်ငံရေးဘဲ လုပ်မယ်တဲ့။ ကျွန်တော်နားမလည်ဘူး။ ကျွန်တော်ကပထ၀ီနိုင်ငံရေး (Geopolitic)၊ နိုင်ငံရေးသိပံ္ပ ( Political Secience) ဆိုတာတွေပဲသိတယ်။ သူပြောတဲ့ ပါတီနိုင်ငံရေး ဆိုတာ ပါတီဖွဲ့ပြီးနိုင်ငံရေးမလုပ်ဘူး ဒါမှမဟုတ် နိုင်ငံရေးထဲမ၀င်ဘူးဆိုတဲ့ သဘောလားမသိ။ တစ်ကိုယ်တော်မစွမ်းနိုင်လို့အဖွဲ့ ဖွဲ့ပြီးအင်အားတောင့်တင်းအောင် လုပ်တာ ပါတီဖွဲ့တာပဲမဟုတ်ဘူးလား။ ပြီးတော့ အမျိုးသားရေးဆိုတာဘာလဲ။ ဆိုကြပါစို့ ကချင်မှာတိုက်နေတာ ကချင်တွေ ကချင်အမျိုးသားရေးလုပ်တာ မဟုတ်ဘူးလား။ ကျွန်တော်တို့ ပါတီထောင်တယ် ဆိုတာလည်းချင်းအမျိုးသားရေးလုပ်တာမဟုတ်ဘူးလား။ ပါတီထောင်ပြီးနိုင်ငံရေးလုပ်တာနဲ့ပဲ အမျိုးသားရေးကသွေဖီသွားတာမှ မဟုတ်တာ။
(၄) နိုင်ငံရေးဆိုတာ အဖြူအမဲခွဲခြားတဲ့ အပြန်အလန်ဖယ်ထုတ်ရေးတိုက်ပွဲမဟုတ်ပါ။ တစ်ချို့လူတွေက နိုင်ငံရေးဆိုတာနဲ့၊ ရွေးကောက်ပွဲဆိုတာနဲ့ အသေအကြေတိုက်ခိုက် ရတဲ့တိုက်ပွဲလို့ပဲထင်နေတယ်။ အပြန်အလှန်တစ်ယောက်အားနည်းချက်ကို တစ်ယောက်ကထုတ်ဖော်ပြီး သူတစ်ပြန်ကိုယ်တစ်ပြန်ဖယ်ထုတ်ဖို့ကြိုးစားနေတာ။ ဒါနိုင်ငံရေးမဟုတ်ဘူး။ ဒါကိုနိုင်ငံရေးလို့ သတ်မှတ်ရင်လည်း ဒီမိုကရေစီ ဓလေ့နဲ့မကိုက် ညီဘူး။ ဘောလုံးပွဲလိုပဲ နောက်ဆုံးဗိုလ်စွဲတဲ့အထိ ပြိုင်ဘက်ကောင်းတွေကိုဖြုတ်ချ တယ်ဆိုပေမဲ့ ကိုယ့်အရည်ချင်းကို မြှင့်တင်ပြီးသွားရတာမျိုးပဲ။ ဒီထက်ရှင်းအောင်ပြော ရမယ်ဆိုရင် ရန်သူရှိတယ် ဆိုတဲ့အမြင်နဲ့ တစ်ချိန်လုံးစောင့်ကြည့်တဲ့ ရေဒါသဘောမျိုးမဟုတ်ဘူး။ ကိုယ့်ကိုကိုယ်ဘာရောဂါရှိလဲ ဆိုတဲ့အသိနဲ့ X-Ray ရိုက်ပြီး စစ်ဆေးတဲ့သဘောပဲ။ မတူတဲ့သဘောထား အမြင်တွေနဲ့အတူ လက်တွဲနေနိုင်အောင် ကြိုးစားတည်ဆောက်ရတာမျိုးပါ။
(၅) နိုင်ငံရေးဟာ သဘောထားကြီးရပါတယ်၊ ရိုးသားရပါတယ်။
ဒီနေရာမှာလည်း ကိုအောင်ကြီး (ထရွန်အိုင်ရွာ) ပြောတဲ့စကားကိုပဲပြန်ကိုးကားချင်ပါ တယ်။ မင်းကွာတဲ့၊ ခူမီးနိုင်ငံရေးသမားတစ်ယောက်ဆိုတာတဲ့ ဒီဒေသမှာ ရခိုင်တွေရော၊ မရာတွေရောရှိတယ်မဟုတ်လား၊ ဒီတော့ကိုယ့်လူမျိုးကို ညာဘက်ချိုင့်အောက်မှာ တင်းတင်းညှပ်၊ ပြီးတော့အခြားလူမျိုးရဲ့လက်ကို ဘယ်ဘက်လက်နဲ့တင်းတင်းရင်းရင်း ဆုတ်ကိုင်ပြီးချီတက်ရတာ….တဲ့။ ဒါနဲ့ပါတ်သတ်လို့ရွေးကောက်ပွဲတုန်းက ကျွန်တော့်ကို ရခိုင်တွေ CPPထဲမှာတစ်ယောက်မှမပါဘူး ဆိုတာတွေပြောခံရတယ်။ ဒါကျွန်တော် တို့သဘောထားမကြီးတာမဟုတ်ဘူး။ ခင်ဗျားတို့စဉ်းစားကြည့် ခူမီးလူဦးရေက နည်း နည်းလေး၊ ရခိုင်ဆိုတာ အုံနဲကျင်းနဲ့ယဉ်ကျေးမှုအစဉ်အလာသမိုင်းကြောင်းကိုပဲကြည့်ဦး မလား၊ ခူမီးတွေထက် အများကြီးသာတယ်။ ဒါကြောင့်လည်း ခူမီးတွေအပေါ် လွမ်းမိုးတာ(Influence)မဟုတ်လား။ ဒါကြောင့်လည်းခူမီးတွေက ရခိုင်စကားပေါက် တာမဟုတ်လား။ ဒီကြားထဲ နိုင်ငံရေးမျက်နှာ စာမှာပါလွမ်းမိုးခံရမယ်ဆိုရင် ခူမီးတွေ ပျောက်သွားဖို့ပဲရှိတယ်။ ဒီအကြောင်းတွေကို RNDP ကလူတွေနဲ့လည်းပြောဖြစ်တယ်။ ဒါကိုလည်း သူတို့သဘောပေါက်တယ်၊ ချင်းပြည်နယ် မှာချင်းပါတီကို မဲပေးပေါ့။ ဒီလိုမျိုးပြောတာတွေလည်း ရှိတယ်။ ဘာပဲဖြစ်ဖြစ် ခူမီးနဲ့ရခိုင်က ရန်သူတွေမှမဟုတ် တာ။ ဒီဒေသမှာရေနဲ့ငါးလိုနေလာ ကြတာမဟုတ်လား။ ကျွန်တော်ကခူမီးတွေ အတွက်နိုင်ငံ ရေးမျက်နှာစာတစ်ခု ဖန်တီးပေးချင်တာပါပဲ။

ဆက်လက်ဖော်ပြပါဦးမည်...။
မျှော်...