U Hung Ngai: Privui ( state ) achora kalop sa pei nai ra khri dih prai

Wednesday, Tlangaw lo 14, 2012

 

Prikavui achora hawi vonchi ly kai my chi pri theung ai kalop sa pjau nai hawi atho sa thui pjau nai akhawn dih prai chin pri vonchi-chio U Hung Ngai my kani. 1. tlangaw lo kha thui. Hinai kamta thui nai ly Dr. Lian H- Sakhong hawi chin pri vonchi chi leu arum kha ne.

Hinih avum nai ra khuleaung chie nai Pu Ngun Sang Aung, Pu Van thawng hawi Col. Zaw Min Oo khai y, vonchi-chio abawi i kalan vonchi chi abawi nai tla.

 

Chin pri y kau pa,rie kai atho sa ngai. Kau pa,rie atho sa ra lam sa ai nai hawi atho sa kai ngai. Tangka budget kai my sa kha salo mang tang nai tla. Salo mang vonchi chi my pathang pi y byly kai my paty nai ly so p,jau y nai ne. leaung bo leaung hawi py arum nai bo. kai sa nai ra tleiri salo mang leu sai ajeng nai y kai sa ngai nai chi ly khri dih prai rai, nanai ni chi leu arum ra thui.

 

Hinih bo y ly pri achora chi py kalop sa nga p,jau ai bo i, President Thein Sein my py avum nai kha kalop kavui thui nai akhawn pei nai tla. President Thein sein my py thui, privui hawi myone kavui py nang kalop sa ngai dih prai rai, na iy py paleung kasau khai u rai. Kra y nai my sa p,jau ai nai hawi kalop ly ngai nai tev mang napi nanai thui.

 

Chin pri y NGOs kalop sa nai chi hawi pri kau, atho sa nai chi ly nga bawibawi i, salo mang office NGOs tang nai chi bawibawi ly chin privui kalop sa ai nai pei bo, leu arum nai kha thui nai tla. Chin cheng chi pri takhra mang cha kawp nai chi ly achora te pany hai kha nang my chi vui kalop sa pajau nai pei bo.

 

NGOs kamta ami py ne sy chin pri kalop sa pajau nai ne. Salo mang my open sa pi bo na pi. Ubemar ( I love myanmar ) ni chi py pri achora chi hawi kalop vumrie sa nai athui u nai ne. Lengseaung ra y $ neungneung khengh i bi-let-me No yhm sa nai ra py i lave myanmar my thui pi i khri kawp:rai. Kra bo i vai my ry kalang ly thai nai by y rai. Thui ngai nai leu sai ly chi pri ami py ne sy kalop sa pajau napi nai ne.

 

Reisa priverei ai privui sa nga ai nai kavui ly achora anu hawi pri vonchi keu theung awm i ami py ne sy achora kangai awm ai nai alylin.