Theng nai pri kachu nai hawi amy vui sa nga kha nanih maipho thym anawi ngym: Khun Htun Oo

friday, Tlangaw lo 23. 2012

 

Shan National league For Demokrachy  ( SNDL ) parti lu sa keung U khun Htun Oo my Obama ten mawitleaungmi chi kai chi ngai nai thengkhyp kamkawm hau ( Genuin Federal state ) hawi amy vui sa pjau, thui pajau nai ra ( Self- determination ) nga nabyly mawitleaungmi hawi tavai mi ako nai maipho thym ly anawi ai nai thui.

 

Hinih leusai thui nai ly president Obama burma pri khuleang chie nai kha ne i Obama ly burma achora my hunai raita pei pjau nabyly maipho kathym py anawm ryry ai U khun Htun Oo my amtien pi nai tla.

 

19 tlangaw lo ai jau nai US president Obama ly rangoon ai nari 6 ryri awm hunih awm nai theung ai president Thein Sein, Aung san Suu Kyi hawi kavum sa nai awm. Pzau nai bo y University of yangon ai mipui chi te leu thui y rai kha mawitleaungmi lu sa nai chi, 88 chi hawi Demokrachi u nai chi hawi minih 14 leu arum u nai ne.

 

Minih 2 ri leu thui akheng nga khyh. Hunih ra president Obama ly mawitleaungmi chi ngai nai federal state hawi Self- determination nga kavui ym u nai thui. Hunih nyh ri nga nabyly mawitleaungmi maipho thym anawm ryry napi i nih my pathang teung y, na iy py ahoi ai record la nai chi my huhai cha tajiu pi ai adawn pi u ai kai ym, venus new journai te amtien.

 

President Obama my mipuo bebe chi te leu thui nai ra Burma pri tlamsa nai ra hawi privehri pany thai pi y nabyly demokrachi phrei pajau y ai nai hawi tlamsa nai hawi kau thai nai ra hawi mipui chi py asang pjau nai py abawi.  U Khun Htun Oo ly 1990 saneng rukau sa ra SNLD lu sa i hunih thym kha ado nai mawitleaungmi parti akawm bawibawi nai ra UNLD chairmen ra sa rym. Demokrachi hawi mawitleaungmi kai chi ngai nai amy vui amy chi i mettym ra thui nga, sa nga thai  nga pjau kavui ym nai hawi my sa nai deaungkho tavai mi chi my saneng 90 cham y thoung pla i achora kahawi lyn nai bo y president U Thein Sein my 2012 saneng thoung theung nai loe ra pei.