Jeu u sina Bishop Dr. Andrew Mang lyn i Bishop Palyn Pawi y

Myanmar Lutheran Kamkawm ly Myanmar pri y saneng 1998, Samau lo 1 rei kha y Bishop Dr. Andrew Mang Lyn hawi my my chi dengtheung leaung(5) ly kamkawm amteaung nai ne. Khumichi my py thui tamawn naira chi, che naira chi hawi mei katui beu nai hawi my Myanmar Lutheran Kamkawm Myanmar pri y Tameuh hawi vanrei amteaung nai ne.

My my i sa nai kamkawm kalop chi ai thui pi ai na baly hinai kamta ne:

1. Radio dengdairei Satang kahawi thui nai,
2. Japang tavo y satang kahawi amki nai,
3. Amhm ampo by y nai deaungdi chi hawi Misi sangricho chi ai palum nai,

4. Patang Khumichi ai sabawm nai,
5. Khumi kanochi ai chiu-sa pi nai,
6. Deaungdi kamkawm chi ai ado hai nai hawi
7. Baibul cheaung pado nai kalop kalen chi sa nai ne.

Kamkawm awm nai meingtym;
Rengngeung;
1.Insein: Head Office
2.Shwe Pyi Thar
3.Hmawbi
Palangvum ly sub- Jeung harei ne.

Vaini ly Myanmar Lutheran Kamkawm theung y member bawi bawi ly 2501 awm nai ne. Ordained pastors bawi bawi ly leaung 21 rei awm iy Evangelists bawi bawi ly leaung 16 rei awm nai ne. Hunai deaungkho y Tameuh my Bishop Dr. Andrew Mang Lyn ai ly International level hawi Bishop palyn ai nai kavo sa pi nai ne. My my Reaching the World Bible College ra y USA mang dengdairei Doctor of Ministry (D.Min) Degree py nga nai keung py ne.

Hunai deaungkho y my my ai ly saneng 2013, January lo kani (6) kani kaba khaileaung verei level amtawm iy kalop kalenchi sa pajau ai nai vui y International mang i avyn chi tym iy Myanmar Lutheran Kamkawm theung y angchei kaman keh i Bishop palyn ai nai ne. My my ai Bishop palyn pi ai nai vui y Malaysia mang i Bishop Dr. Philip Lok, LCM, Rev. Dr. Philip Tan, Overseas Missions Director/ Vice- Moderator,MMF,Rev. Wolfgang, LCM, Mrs. Anita hawi Mrs. Glenice nini ly Australia mang i dengdairei tym ai nai ne.

Meingtym: Myanmar Lutheran Kamkawm, Rengngeung
Address: Nibai 38/D, Thar Yar Aye (1st) lam, Taung Thu Gone Ward, Insein, Rengngeung,
Kani: 6th January,2013
Car atang ai nai; 45 Aircon Bus, 124 Aircon Bus, etc...

Hini pawi kalen sa ai nai vui y meingtym takhra khra ra y awm nai amjo amnau bawi bawichi awi, chiu-sa nai hawi my py ne sy sabawm ai nai satang thai hai nai ne. Rengngeung meingtym ra y awm nai amjo amnau nangchi bawi ai py vai hini online mang dengdairei Krista i amyn y kang palau ry nai ne.

Nangchi bawi bawi teng y Tameuh my amtheaung hai jo jo sy! Amen

Satang tajiu:

Krista i amyn y,
Rev. James San Saw Aung
Mission Director/ Principal
Myanmar Lutheran Kamkawm
Rengngeung, MYANMAR